[سعد بن عادي]

لا تسأليني .. دمعـي أبلـغ إجابـه
خلي السؤال الصعب للموقف الصعب

[سعد بن عادي]

أنا وقلبي مثل جمهور نادي النصر
انحب واللي نحبه يدبل كبودنا

[سعد بن عادي]

لاصار فعلك مااستحقّ الذكر والنـاس اسفهـوه
ماينفعك قولتك: (كان لجـدّي بوقتـه مكـان)
ماكل من يفخر بـ(ابوه) يصير فعله مثل (ابوه)
واكبر دليل ان (البغل) واحد من عيال (الحصان)

[سعد بن عادي]

شان وجه الوقت .. ويدين الزمن ملقوفـه
تسرق أيام العمر والحلم .. ذيبـه عـاوي
ما بخل بحـر الهمـوم بجـوده ومعروفـه
قامـت امواجـه تميّلنـي وانـا متسـاوي ..!

[سعد بن عادي]

شان وجه الوقت .. ويدين الزمن ملقوفـه
تسرق أيام العمر والحلم .. ذيبـه عـاوي
ما بخل بحـر الهمـوم بجـوده ومعروفـه
قامـت امواجـه تميّلنـي وانـا متسـاوي
الجـروح اشيـاء لا تٍخفـى ولا مكشوفـه
والصدر ماجاه من كبر الجـروح امـداوي
كلّ ما اطرب للزمن قامت علـيّ ظروفـه
لين يطويني عن العالـم وناسـه طـاوي
وابتدي رحلـة ظـلام ابوابهـا مردوفـه
واتبشّر في صباح اللـي جبينـه ضـاوي
كلّ ما اذكر بخل خصره .. عند جود ردوفه
أقسم ان ماله شبيـه ومـا معـاه امخـاوي
ما خذت تفّاحتيه .. ألا ضمـر سرجوفـه
لي هنا والوصف متعدّي خيـال الـراوي
ضاق صدر البعد وعيون الوصال تشوفـه
والبـلا نظراتهـا لا ترحـم ولا تــاوي
من يقول ان المقفّي ما عليـه حسوفـه .؟
قلت ما لوّى ضلوع الشـوق عنـدك لاوي

[سعد بن عادي]

محبتك في فوادي ساسها ما يبيـد
أبيع عمري برخْص السعْر ما بعتها
تبي زمام الحقيقه والكلام الاكيـد
ياجعلني للضياع ان كان ضيعتهـا

[سعد بن عادي]

ليت النوايا تستوي ونفوسنا القشرا تعود
ليت القلوب السود تصبغ بالبياض الوانها

ياصحابنا اللي باعدت مابيننا بعض السدود
ليت القضيه تنتهي بكره ويقضي شانهـا

حنّا عيال اليوم والساهي يكفّيه السجـود
واللي يبا يقرا الحقيقه يقتفـي برهانهـا

[سعد بن عادي]

ياللي تحوق النظر في الثوب وتديره
الظاهر إنك بحب المظهر مظرّا
وش لون أناقشك وأنته يالله الخيره؟!
دايم تضوّا على اللمبات وتسرّا
وجهك عريض وكبير وعينك صغيره
وأنا عفيف ونظيف وسمعتي غرّا
والثوب ينطل ويشرا واحدٍ غيره
مير البلا الوصخ من داخل ومن برّا !