[سعد بن عادي]

غيم و مطـر والخيـر فالجـو بـارق
ماهو بـ.. وقت فراق سنع ظروفك ..!
خل المفارق صح ..! وقـت المفـارق
لا جاء عجاج / تروح ما اقدر اشوفـك

[سعد بن عادي]

ذكرتك وأنا اللي من غرامك كسير الساق
أكابد جروحي .. مير روحـي رياضيّـه

لعلك بخيـر وسيـرة الحـبّ بالطقـاق
في درب الهوى الغلاب ما عاد لي نيّه !

[سعد بن عادي]

يا مرحبا بالرضا والحب والطيبـه
بعد التعب والهجر والجرح وضماده

تعالـي أسمّعـك قصايـد الغيبـه
يا شوق نبض القصيد وغاية مراده

أنتي بلد ناقصهْ شاعر يغنّـي بـه
وأنا قصيدٍ فقـدَ شاعـرهْ وبـلاده

[سعد بن عادي]

عينك طواها السهاد و وثّق قيـوده
كتب عليها العذاب وجفّـت أقلامـه

لو تنشف دموعها ما هيب محسوده
ما يبتسم نونها والعيـن منضامـه

الحزن خيّم عليك وجاد من جـوده
ينثر في صدرك غثاه وينصب خيامه

باين عليك الشقا والضيق بشهوده
لو ترفضين الفرح منتي بمنلامـه

الفكر مشغول والأعصاب مشـدوده
حسبي على من رما قلبك بدوامـه

مشاعر الناس حسب النوع والجوده
وقلوبهـا بيـن بياعـه وسوامـه

من قال كل الدروب البيض مسدوده
قلبك وراه الشقا .. والخير قدّامـه

[سعد بن عادي]

الله على الدنيا ومـا فيهـا يعيـن الصابريـن
خطّت علينا مـن نوادرهـا بـروس أقلامهـا

فيها العجايب والغرايب والمصايـب كـل حيـن
تـدرج رحاهـا مـع مـدار ليالهـا وأيامهـا

من دون صهيون وطوايف بن يسار وبن يمين
جـات العقوبـه للعروبـه مـن ورا حكامهـا

لو تجتمع مـا تتّفـق إلاّ علـى خفـيّ حنيـن
وحنين يضحك كل ما قامـت تـرفّ أعلامهـا

صاروا من أصحاب السعادة والفخامه مجرمين
ثلثيـن حكـام العـرب تسيّـدت بإجرامـهـا

وأقرب مثل من لا يشوف الناس غير بنص عين
اللي يقـود السلطـه المستضعفـه بخطامهـا

أطلق على نفسه مهيب وقايد النصـر المبيـن
والغرب قد داست وحاسـت هامتـه بأقدامهـا

مدام قادات العـرب فيهـم وجيـه مشعوذيـن
والله ما ألوم اللي يمنها قام يشتـم شامهـا !

[سعد بن عادي]

يا طيّب القلب لا تزعل وصدرك يضيق
أطلق حجاجك على الدنيـا وصكاتهـا

ما دمت بالعافيه عايش و وجهك طليق
تحمّد اللـي عطـا نفسـك معافاتهـا

[سعد بن عادي]

فوضته أمري وإرتضيت أمره وهايضت وهتفت
الله ولـي أمـري ولا غيـر الله الوالـي ولـي
سبحان من تقوا عزومي فيه لامني ضعفت
وأنا وربي ماضعفت إلا لجبارن علي
روضت نفسي للخيار الصعب لين إني ولفت
والموت يقفي بي لعثراتي وعثرات زملي
ماني مضريها على الهيبات لا مني وقفت
ولاني مجنبها عن المشراف والمخرج ملي
قد قال أبوي اللي على دربه مشيت ولا أنحرفت
كن أولا وإترك مكان اللي يلي للي يلي

[سعد بن عادي]

حنين
جبت العيد

لكن عشان المطر جيت ...!