[حرف]

تدري متى مريت بالي ؟
مريت به مع زحمة الناس !

رغم انك : انت انسان غالي
الا إن .. قلبك : ميت إحساس !

[مرآهيش]

والشتات اللي يرافقني تقل زحمة مدينه
................................. صبحها عيد .. وأماسيها : مواعيد .. و .. هدايا

قاعد لحالي .. ألم الحزن .. وآرتب سنينه
.................................اوصل اسوار المدينه .. والوجل : وسط القرايا


مكتئب منّك .. وليلي ليل .. وجروحي دفينه
........... ......................واحلم انّك وحده انجنت وجت تشعل معايا :


زاويه >> كانت تشابهني .. وتشكي لي حزينه:
................................. وينها ؟؟ وآقول مدري إسألي عنها الزوايا


افلتني .. وإلطمت حزني .. وسال بلا سكينه
.................................للغموض اللي يعذبني .. ويرميني بقايا


ليه ياعيوني .. تحديني .. على الشوق وحنينه
.................................واندفن بين السكوت المر : أشلاء .. و .. شظايا


ينفجر دمعي .. وهم القلب مابيّح كنينه
.................................والأمل احيان مايأتي على حسب النوايا


اغرس امالي .. واشوفك حلم .. واكبر الغبينه
.................................كل ماعّزت محاصيلي .. ونادت لك ظمايا


اخطفيني من شماليي ابلقاني رهينه
.................................في شذى ورد السوالف منك ياعطر الصبايا


قولي لبعض المواجع بس .. لا لا تاخذينه
.................................شاعري .. تنهيدته قشرا .. وأماله سبايا


يابرنسيسة بنات الفكر والفكر وبنينه
.................................معك يازين القصيد وفيك ياكثر الحلايا


عبريني فيك طفلٍ يعشق الاشياء بعينه
.................................واتركي لي عيونك الخدره .. ويديّنك عرايا


نبحر الليله بلا ساحل .. ويامال .. و .. سفينه
................................. مبطي آجدّف تناهيدي .. على بحر الحنايا


ودي اغرق فيك .. وانجو منك .. وأغرّق مدينه
.................................ماسهرت لااجلك ولا ليله وعزت بالعطايا


وانسى معك العمر والتنهيد وجروحٍ دفينه
.................................واصدقاي وناسي الاقراب ووجيه اخويايا

[مرآهيش]

أسهل الحزن .. دمعٍ .. لا رمشنا هما

................................ وأصعب الحزن .. دمعٍ .. نرمش .. وما يطيح

ليتني .. في الفراق .. أبكم واصم وعمى

................................وانتهي .. معك .. قبل مفارقك .. وأستريح

كنّك .. الغيم .. في كفّي .. وكفّي سما

................................وفـالمدى .. كنّي اسمع .. صوت .. خطوات ريح !!

اكره إني أفارق .. وأكرهك .. كلّما

................................جبت .. طاري .. ( فمان الله ) و ( الله يبيح )

وادري .. إني بَعَدْك .. من الظمأ .. للظمأ

................................وأنت تدري .. وأنا ادري .. ليه احسّه صحيح !

الأماني .. قصيرة .. لو نمى .. مانمى

................................وان غدت .. شوك .. في كفّينك .. ومات شيح

وقتها .. قم .. تولّم .. للوداع .. إنما

................................لايروح الكلام .. مسامحات .. ومديح !

خلّنا لا احتمينا .. والفراق .. احتمى

................................نشبه الشمع .. في نفسه .. يشبّ ويسيح !!

أصعب الحزن .. دمعٍ .. حام .. حول الحمى

................................من وأنا صغير .. لكن .. ما أوشك انه يطيح !

[حرف]

لا صرت تذخر شعورك ماني بـ .. ذاخر
عندي مشاعر كفيله .. (تنقذ الغرقا)

مادام عندك [حكي] عطني من الاخر
واضح من عيونك إنك ناوي الفرقا ..!

[مرآهيش]

عشتك حكااايه في كتاااب الحكايات =اقراك واعبر بحرفي حكااايه

[حرف]

ماكل ضحكه ياناصر [ تجبر الخاطر ]
انا يوم اني ضحكت[ اضحك على حالي ]

حزين ودموعي اقرب وصف[ للماطر ]
هو ليه انا لا بكيت [ ابكي وانا لحالي ]

يمكن علشاني[ اكثر شخص مايخاطر ]
[ ادموعي ] اهم حاجه عندي [ ومالي ]

ماقوى من الغلطه الا [ غلطة الشاطر ]
وماقوى من الشرهه الا[ شرهة الغالي ]

[مرآهيش]

ايــه .. انا .. محتاجك الليـله .. كثير
........................... بس انا .. والليل الاسود .. والورق


قلبي اللي إنكسر .. لسـّـا .. كسيـر
........................ ليت .. حبـك .. في حياتي .. ماانخلق !!

[حرف]

ناديتني ( بِسم غيري ) .. وانت ماتدري
إن .. [ الخيانه ] .. علينا سمها ناكت .!

وذكرت بـ إنك غلطت وقلت لك : بدري
إلى متى وأنت تجرحني وانا ، ( ساكت )