[مرآهيش]

جيت اسـأل الليــل لــمّا طــوّل غـــيابك=وهـلّت دمـوع السحـاب وبلّـت احــداقي
واخــذت كحل الظلام وجيت لاهــدابـك=أشـوف هي حنّة اغصانك على اوراقـي
ملـّيت وانــا انتظـــر طاريك وعــتابــك=حــتى غـــلا شـارع الأشواق باعمــاقي
يقـــول .. كــل الجفا هــذا من اســـبابك=ما يدري اني بــري من طــعم خـــفّاقي

[ابو حمد ابن عايضه]

وش آخرك يا ضيقة البال قولي لي ..
تعبت اردد واقول الحال : مستوره

إن جيت بـ اشكي لقيت الكل : يشكي لي
وإن قلت بتهون زاد الوقت في : جورهـ ..!

[مرآهيش]

ياستار بوكس) الحزن في جوك الهادي=من يوم مات القاء في صبحكك مبكر
.,.
عجزت ازف الفرح في ثاني اعيادي=وطاح دمعي وانا ساليبك افكر
.,.
ومن ثغرك الحالي اللي ماهو بعادي=وقهوتك ياريم ماتحتاج للسكر
.,.
من كثر فيك الحلا ياغاية مرادي=ونا ياخوفي عليك يصبك السكر
.,.
مر عامين بالهجري وميلادي=وانا لذ الحين ادق ورقمك مسكر

[ابو حمد ابن عايضه]

وفاي من طبع أبوي{ أكتسبته
وطبع السماحه من خوالي {خذيته
طبعي كذا ما هوب دور{ لعبته
الطيب شيًد داخل الروح بيته
والكره من دفتر حياتي {شطبته
وحكمة زماني من شراني{ شريته

[مرآهيش]

صاحبي .. والخفقه اللي ما خنقها إلا ( التغلي )=قلّي .. ويش آآسوّي بــ ( نفسي ) .. اذا نفسي تبيك ؟؟
لي شهور .. وانت تمر في ( البال ) .. وتولّي=كن مالي ( شغله ) إلا .. كل ما غبت .. أحتريك
لا وصالك حاصل ٍ لي .. ولا بعادك .. حاصل ٍ لي=حيلتي .. بين ( الأمل واليـاس ) .. أتوجّد عليك
كم وكم حاولت أقطـّـع ليلي .. ( أشعار وتسلّي )=واتركك .. لكني أرجع دونما أشعر .. إليـــك

[ابو حمد ابن عايضه]

وش الجـــديد ان غبــت باكــر وغبتــي
مشـــوارنـا رغـــم الغــــلا كـلـه غيــاب
مهــمـا تبـاعـــــدتـي ومهمـا قـربـتــي
اغــراب درب ونـلتقــي مثـل الاغـــراب
يكذب عـليــك الوصــــل لو ما كـذبتــي
وشـــلون نحيــا الحلــم والوقـت كـذاب
نادتـلــك ايــام الوفـــــا واستجـبــتــي
وين الرحيــل وصــوت الاشـواق غـلاب
ما تـذبليـــن .. انتـي بدمــــي نبـتـــي
واوراقــك الخضــراء نـمت بين الاهداب
اقــــراك نـور وفـالعـــــيون انكـتبـتــي
وبيــن الزمــــان وبينــنا كلــمـة عتــاب
عـرفت معنـي البعـد من يـوم غـبتـي
ومعــك عـرفت ان الهـوى كلـه غيــاب

[غــلا عــونــي]

بعض التجارب يا (مراهيش) حلوتن مره
بالدين مايستوي مسلم وعلماني

[سعد بن عادي]

الادمي من دون الاخلاق لا شي
حتى ولو حاول يحقـق وجـوده

في داخله يدري بإنه ماهو حـيّ
لو حمّر عيونـه وفتّـل زنـوده

تمثال في متحف لاهـذي ولاذي
تلغى مواعيده وتنقض عهوده !!