[سعد بن عادي]

والله واخذتي كل شي ٍ تبينه
وسويتي اللي ماطرالي على بال
كل شي ٍ آخذتيه تستاهلينه
يكفيك .. بأنك مالكه قلب رجال

[سعد بن عادي]

انا الذي لاعوّد الصـف صفيـن
وكلن مع اصحابه يبيـن وقوفـه

وقفت وقفـة ملحقيـن المخليـن
لاصارت وجيه الرجال مخطوفـه

بالحال قبل المال لاجل العزيزيـن
واتعابنـا فالغانميـن مخلـوفـه

اصحابي الغالين يبقـون غاليـن
واللي ورى بيض السنون معروفه

اكبرهم احطه على الراس والعين
واصغرهم اعزّه واقـدّر ظروفـه

[سعد بن عادي]

عـنــدك خـيـاريـن لـكــن مــالــك الا اخـتـيــار
امــــا تـطـيــح بــشــرف ولا تــقـــوم بــشـــرف
دام الصراحـه مـن اطبـاع النـفـوس الكـبـار
اليا انتصرت افتخر واليا انكسرت اعترف

[سعد بن عادي]

طال انتظاري لك .. على كرسي الوقت
والجو قارس .. والثواني .. متاهـات
أغفي على همّي .. وبي خوف لافقت
ألقى الظـلام .. يعانـق الاتجاهـات

[سعد بن عادي]

الصدر سجن الهموم السود والشعر بوح
ابداعه البير وعيـون المتابـع ظمـى
قصيد ما يلمس جروح ويداوي جروح
مثل اطرم ويشكي من الوقت عند آعمى

[سعد بن عادي]

الصدق: (قلب الحقيقه) يكسـر ضلوعـه
الكذبقلب الحقيقـه) وانـت ماتـدري؟

ان ابتسامـة سنـون الحقـد مصنوعـه
واني مع اهل المثايل ما قصـر شبـري !

[سعد بن عادي]

مصارع .. النفس و جهاد الدهر .. كايد
الله .. على النفس و الدنيا .. يصبّرني
يمديني .. أزدت لولا طيبـي .. الزايـد
من .. جود الايام لو شيّ ٍ .. يعبّرنـي

[سعد بن عادي]

الفـلـك دوّار وأحــداث الـزّمــن دوّاره
والحيـاه موّقتـه وحسابـهـا محسـوبـي
والنفـوس لمشتهاهـا بالخـطـا ومّــاره
والمرامـع والمطامـع تنكـب المذنـوبـي
يـا الله انـك لا تخلّـي سيـرتـي بــوّاره
كان ما تستر عيوبي مـا ستـرت عيوبـي
يوم شفت الشيب فـي راسـي يولّـع نـاره
قلت واشيبي .. ودوبي فـي شبابـي دوبـي
أفرك عيونـي وأرومـش وألبـس النظـاره
وأتجوّد في نظرهـا ليـن أشـوف دروبـي
كـان حلقـي للهبايـب مـا فتحـت زراره
يمكن أذبّ الخـلا الخالـي وأطـشّ الثوبـي
عمدة الحـاره لقيتـه عنـد بـاب الحـاره
ثاني ٍ ساقـه يحـاول يلحـس العرقوبـي !
قلت وش بك .. قال وقتك ما وصلك أخبـاره
لا توّجـه بالتقالـيـد القديـمـه صـوبـي
العوايـد قـام يضـرب روسهـا بـجـداره
وأن حصل لك ما حصل لي .. غيرّ المسحوبي
روح و ألعب قبـل حظـك يطلـق الصفّـاره
ما تعرف الناس غيـر اللاعـب الموهوبـي
وأن تعبـت أجلـس ورددّ جملـة ٍ مختـاره
بوسي الواوا يا هيفاء .. وأرقصي يا روبي !