[سعد بن عادي]

أبشرك .. للحين طيب وموجود !
عايش ولا عندي مشاكل ولا احـزان
بياض قلبي طول الأيام في زود !
من جود ربي موب من كثر الإحسان !

[سعد بن عادي]

الشهره اللي ساسهـا متخـرث
ما ترضي العاقل ولا أهل الذوقي

أضرب على الاعلام صفر مكعب
دامه يعـز الهـزل والمطفوقـي

[سعد بن عادي]

بين كل عطاء وعطاء ، جرعة من بلاء
فالحياة لا تصفوا لإحدٍ في الدنيا
والموفق من يتقن الصبر في البلاء
ولا ينسى الشكر عند العطاء


الحمد لله

[سعد بن عادي]

ما جاء من الوالي على العين و الراس
لـو الزمـن سـوّا و سـوّا و سـوّا
عساك من دنيا الورى ما ترى بـاس
يا ثالـث أحبابـي مـن آدم و حـوّا

[سعد بن عادي]

المجامل سماجه والتصنـع مـرض
والمعافى من حقوق الاوادم حضيض
نعمة الدين غايه والمصالح غـرض
وقيمة العافيه يعرف ثمنها المريض

[سعد بن عادي]

ياكـاسـبٍ قـولــة نـعــم بـيــن الـمــوادع والـقــدوم
هذا هو المكسـب ومبـدا العلـم تعـرف سيمتـه
من صفحة الماضي تمر أسما علينا كل يوم
بالطيـب عايـش ذكرهـا والرجـل يحفـظ شيمتـه
كم واحدٍ يصير في منصب ولا يقضى اللزوم
الــيــا تـقـاعــد تـنـتـهـي مــــع الـتـقـاعـد قـيـمـتــه

[سعد بن عادي]

الطيب وهبه والمراجل توافيق
ومن لا نشا بالمرجله ما لحقها

[سعد بن عادي]

طاري الردي عند الرجاجيل مكروه
وبين النجوم المرقبه غاب نجمـه
وعلى الردى محدٍ ملحقه مشروه
عشان مايكبر مع الوقت حجمـه