[سعد الشقل]

هديتك في العيد مني قصيده */*/* اجمل حروف الشعر سويتها فيك

العيد حل وقلت فرصه سعيده */*/* اعايدك يا جعل ربي يهنيك

عيديك سعيد ويا عسى الله يعيده */*/* ويا جعلني من بين هالناس مابكيك

[بنت العبسي]

ارضعتني الحب واسقتني الغرام .. واسقت احساسي انا من شهدها
وافطمت قلبي وانا توني صغير .. كن قلوب الناس لعبة في ايدهــــا

[سعد الشقل]

لا تحسب اني ياطيب الناس ناسيك */*/* مانسى حلا نفسك ولا نسى قدرها

ماغير اهوجس ياهوى البال وطريك */*/* والنار في قلبي تزايد سعرها

ابيع كل الخلق وكسب معاليك */*/* وترك نجوم الليل واخذ قمرها

[بنت العبسي]

و لاني بندمان على كـل ما فـات
أخذت من حلو الزمان و رديـه

هذي حياتي عشتها كيف مـا جـات
آخذ من أيامي و أرد العطيـة

[سعد الشقل]

مايموت الود في قلب الكريم */*/* ولا تموت العاطفه عند الكرام

مثل ضو النور في ليل ن عتيم */*/* والصداقه باقيه مثل الوشام

كل طير ن مثل جنسه له نديم */*/* ما تخاوى الحر مع طير النعام

[بنت العبسي]

أبهدي لك دفا شوقي وأبهدي لك فرح قلبٍ ربى بحبك وتدليلك
تعال انثر جنون الحب واجمعني .. واذا صعبة تجيني قل وانا اجي لك

[سعد الشقل]

يهتز قلبي كل مـا حـل طاريـك */*/* هزت عماير بوش يوم أضربوهـا

ضربت عطيبين الضرايب هذوليك */*/* اللي بروج أقوى الدول دمروهـا

[بنت العبسي]

اذا حبي مايعني لك ... اكيد الفراق افضل
واذا عيني بتبكي لك .. اكيد العين مخدوعة