[النمر1012]

تتعب ويتعب من يجاريك طغيان
.............ياللي تفتش في دروبي لزله


دوِّر بمجهر,, سخِّر الأنس والجان
.............مالك سوى الخيبة وزورٍ تدِلّه


بي ضعف إنسانة,ولي عثرة إنسان
...........في كل أمر,,,إلا الدروب المخلة


دايم على قولي والأفعال ميزان
...............ترجح بكفه كل عثره ,وخِلة


أمشي على وضح النقا مشي سلطان
............مثل الجبل مايخفضه دوس ظله


وأخفض جناحي من محبة وإيمان
...........وإن مِسَّت العزة فللــه.....وللــه


عندي كرامة تهزم اقلوب فرسان
...........هيهات تهزمني الدعاوي المضله


بنت الرجال اللي لهم كلمه وشان
...............واللي لهم بالدين منهج ومِله


متميزين بعلم مع حلم وإحسان
................رضيعهم تلقى به اللي تجله


أفخر بهم ,وأمشي على نور الايمان
..............أترك حرام الدين وأعمل بحله


لي عين فأقدامي ودربي بها بان
........ولي عقل في عيني ولا أحدنٍ يضله


ولي غايةٍ فوق المكايد والاضغان
.................منها يفت الغدر روحٍ تسله


واللي عجز لاياصل لشم الأغصان
............قال الثمر حامض,,,ودمعه يهله


والشمس ماتحجب بمنديل شيطان
.............وماتنكر العين الضيا دون عله


قولي به الإنصاف والحق برهان
.................. يجف به حلقٍ وحلقٍ يبله


واللي يبي لي ذل خسران خسران
............يرجع حسير الطرف خاسي بذله

[آهــذريــبــك]

"


ألا العيون ابخل بها مقدر اعطيك

وش فايدة دنياي من غير شوفك

[مرآهيش]

خذاك البعد ياأغلـى مـن عرفـت ودمـت=بقلبي تشعل الذكـرى ولازالت..ولازالـت
تمد عْيوني بْطيفك ولاترحل لـو انـي نمـت=اشوفك وين ماوجه ولاعافـت ..ولامالـت
هنا ..وهناك في بوح المشاعر وانكسار الصمت=لحالك يابعد كـل الحضـور وعالـمٍ شالـت

[النمر1012]

هاك الحروف ابداع وسمان وجزال
مثل الدرر منضوم في جيـد عنقـا
اصفا من الياقوت واحلا مـن زلال
واصدق من العبره بلحظـات فرقـا
من خافقٍ تّـواق لـك فيـه منـزال
يملا لك أدلالـه مـن البـن حرقـا
اقلط ولـك بالقلـب دلـه وفنجـال
واقدع غلا من ضم عرقـك لعرقـا
مرباعك بصدري بختـري ومقيـال
فيها الخزامى والحرفـرف ولِرقـا
وفيها رياض وطلح مع سدر وظلال
ومخايل اشواقي من الحـب زرقـا
اهلـن هلابـك عـد ماهـل همـال
واهلن هلابـك كـل مـالاح برقـا
سيد الغواني والشِعِّر فيـك يختـال
جتك الحروف مذهّبَ وفيـك شرقـا
ماوالله اسلا عنك في كل الاحـوال
اللـن صـار الدمـع للعيـن يرقـا

[آهــذريــبــك]

يضيق صـــدري كل ما خسر الهلال ؟


ضيقــــت مسافر راحل(ن) عن ديرته ؟


هههههههههههههههههههههه

[النمر1012]

ياحبيبي تـرى قلبـي وقلبـك سوايـم
لاتتلـه تـرى مايحتمـل منـك تلـه


إزرع الحب في صدري ياعذب النسايم
وان جنيت الغلا جامح ويفـداك كلـه


اقهر العاج والرمان والوجـد هااايـم
خل عود القصب لاملت يبكي محلـه


انت نور الصباح اللي عليـه الظلايـم
مايغطـي سنـا نـورك ظـلامٍ تفلـه


مايغذي غلاك الا غـلاك انـت دايـم
والبلا في ودادك لاحصل فيـه خِلـه


استغل الوصـل مـدام هالبيـن نايـم
لاصحى قلت انا ونتـه ياليتـه ياعلـه

[مرآهيش]

الف مبروك من خلف التهاني خاطرٍ مكسور=يمني نفسه بكلمةولاجت له على رسالة

[شداد المظيبري]

في مزهريات روحي لك زرعت الوفاء،، واسقيت قلبي بحبك فاارتوى وااكتفى