[دايم العز]

أرحلي دامك نويتي ترحلين .. .. واتركــيني في معاناة السهر


واتركيني لليالي والسنين .. .. اللي مثلي كم تعود ينتظر


اسمعيني كان ودك تسمعين .. .. كلمتين بخاطري قبل السفر


حبك بقلبي ترى لو تعرفين .. .. باقي وياي لو غبتي دهر


واذكريني كان قصدك تبعدين .. .. واذكري قلب لبعدك ما صبر

[حنان الرشيدي]

جفــاك اليــوم قيـدني تعــال وفـــك هذا القيـــــد
كلمـني.. وعـايـدني وقلي : إنت وش أحـــوالـك

[سعد الشقل]

لا تعتذر ماني بحاجه معاذير */*/* ماني بقابل لك من اليوم اعذار

دنيا رديه ساوت الشر بالخير */*/* ما عاد تفرق بين وافي وغدار

[ابو فلاح القعبوبي]

ياليل ساعدني انا ودي انساه.................لاجيت ابسهر معك لاتجيب طاريه
اما تسليني عن جروح فرقاه..................والا تخليني انـــــــامك ما احاتيه
تراه غالي لو تزاعلت ويــاه....................القلب يعرف قيمته عند غاليه

[خالد العويمري]

جفنـي جفـاه النـوم والدمـع نثـار
تنثـر عليـك الدمـع عينـي بشـده
لو خيرونـي عنـك واللّـه ماختـار
في كـل منـه يحمـل الزيـن خـده
لا تكسر اللـي خاطـره فيـك جبـار
وحبـل المواصـل بيننـا لا تـشـده
لا لا تطاوع هرج وأقـوال الأشـرار
وقلبٍ خذيته يـا أريـش العيـن رده

[سعد الشقل]

لا تنصدم لا قلت اليوم مابيك */*/* القلب عافك وانتهى اليوم دورك

مرتاح انا بلياك لاصرت ناسيك */*/*خل الهموم اللي زارتني تزورك

يالله توكل لا تجيني ولا اجيك */*/* ويالله حبيبي رح ورتب امورك

[حنان الرشيدي]

تحسب اني لعبه بيديك يوم القلب رادك
تامر وتنهي على كيفك وحالي في نكدها

[سعد الشقل]

لجلك ابيع الناس والربع والروح */*/* ولجلك اذوق المر واقول حالي

ولجلك اعيش الحزن والدمع والنوح */*/* ولجلك اصارع همي واقول سالي

اقول ( سم )ولو تبي روحي اتروح */*/* ماحد ترا بالناس غيرك طرالي