ضــع اعــلانك هنا
 |
الملاحظات
|
|
خيارات الموضوع | ابحث بهذا الموضوع |
ألا ياوقت وين اللي على بالي يجي ويــــروح .. هذاك اللي ملك قلبي وتفكيري ووجدانــــي
أموت بطيفه اللي لا لمحته تنتشي بـي روح .. أحس اني إذا شفته كأني بعالم ثانــــــــــي أحبه والامل باني في قلبي من غلاه صـروح .. حبيبي لو يمر طيفه يبدد ماضي احزانـــــــي أحبه حب لو يدري عن اللي بخافقي من بوح .. نسى كل الزعل وارخص حياته دون حرماني تحملت الخطى منه وإذا أخطى بعد مسموح .. حبيبي معليه ازعل إذا أخطى وخطانـــــــي تذكرته ونا ناسي ونسيته والوفا مجـــــــــروح .. غريبه حالتي والله واهو ذكراه نسيانــــــنـي
|
|
كلن تمنى في حياته أماني.!
وأناأتمنى أمنيه إني أموت.! مظلوم في دنيا بهالله بلاني.! عايش ولكن عايش إنسان مكبوت.! عايش حزين ماعرفت الأماني.! غصب علي أناأقبل الظلم بسكوت.! حسره طوت قلبي وحزن طواني.! إلين حزني صار بالصدر منحوت.! مادام صرحي أنهدم مع كياني.! وش تنفع الصرخه إذافايت الفوت.! أيوب لو ساعه يكون بمكاني.! ماكان في صبره ترى تنكتب بيوت.! الموت أرحم من حياتي أعاني.! ولاظن فيه أرحم علي من الموت.! يارب حقق لي أنا هالأماني.! أرجوك يامنجي نبيك من الحوت.! مادام مسموحه علينا الأماني.! عندي أمنيه وحده أنا ودي أموت.!!!
|
|
قالت بدو
صدت وقالتها بقرف بنت الأكابر والترف متكبره متعاليه يعني بدوي يقعد طرف والمعنى دون المستوى ماحنا وياها سوى حنا بنظرها من نكون ريشه يطيرها الهوى بمفهومها حنا: عدد رقم ولا اكثر بعد يعني مجرد تكمله والا اهي اصل البلد قالت : بدو تعني صفر على الشمال هذا على احسن احتمال تصدر حكم ماتلتفت تحكم ولا تترك مجال قالت بدو متصورتني باستحي واترك مكاني وانتحي تفاجئت .. تغيرت .. تلعثمت ماتدري اني ابفتخر لي الفخر حنا بدو حنا عمى عين العدو حنا البداوه وضعنا واهل الوفا هم ربعنا حنا نتفاخر باصلنا يابنت هذا طبعنا ماهي بداوة تليفزيون والا مسلسل اردني بس بدوي بالمكرفون ولا هد سيفه ينثني ولا بدو بيت السدو حنا البدو حنا بداوتنا الاصل بالقمه حنا مو اقل حنا بداوتنا تراث من جيل الى جيل انتقل حنا معاني ساميه نروي السيوف الضاميه نرد المنايا ما نهاب لو هي سعاير حاميه حنا بدو حنا البداوة عيدنا ماناكل الى صيدنا مانعيش عالة مجتمع نموت مانمد ايدنا حنا بدو حنا البداوه بدمنا مانسمي احد عمنا حتى ولو منهو يكون لو هو زعل ماهمنا حنا البدو حنا البداوة عمرنا محداً بيصبر صبرنا لانها مصنع للرجال نمشي وتمشي بامرنا حنا البدو حنا البداوة اصلنا وحنا البداوة فصلنا حنا بدو متماسكين وهذي نتيجه وصلنا يابنت يالي تضحكين قلتي بدوي تستهزئين غرك لباسك الاجنبي المشكله ماتعرفين ان البدو اصل العرب تبغين هالكلمه طرب صارت نشب ياانسة .. ياعانسة .. ياضايعه ومستانسة ياتارسه وجهك صبغ ياتارسه عينك شدو حنا البدو ولو كان قلتيها بقرف لنا الشرف انا بدو حنا البدو حنا بداوتنا شيم دين وقيم طيب وظفر معنى كبير ما اظن مثلك يعرفه لو تدعين المعرفه شيء عسير ما اظن مثلك ياصله صعبه ولاهي حاصله كلمه بدو تعني التمسك بالجذور ماهو التخلف والجهل ولا بعد حب الظهور ولا التنكر للاهل كلمه بدو تعني الشمم فعل وكرم مبدى حضارات الامم حنا القمم نار على راس العلم يشهد لنا سيف وقلم وان كان ماعندك خبر لنا الفخر لو عشنا ببيوت شعر عيشت الم عيشت فقر عيشه تعلمنا الصبر مانقترض لاجل السفر ونحسب ايام الشهر مانفترض ونعيش واقعنا بحذر وبالضيق نرخص بالعمر نشرب من الماي الهماج ونكحل نواظرنا بعجاج وغسيلنا حفنه رمل اهي الدواء واهي العلاج عيشت رضى ماهي نكد مافيها تعقيد ابد ساعات مافيها ذرى يكفي نتلحف بالنجوم وفراشنا رمل الثرى وسراجنا نور القمر لامن ظهر ونام من عقب العشاء ونصحى قبل وقت الفجر نؤمن بقضانا والقدر ماهو كسل ولا نعيش ابلا امل نملك طموح علم وامل ونرعى الابل ونرعى الغنم ونعزف من الونه نغم ونتابع اخبار المطر وندور الروض الخضر ونسرى ورى برق سرى ولا نتراجع للوراى نبحث عن المرعى العشيب ومن شعيب الى شعيب مانستقر عنوانا كل الديار تجوالنا ليل ونهار نعيش عيشه هاديه وهذي حياة الباديه سنه الربيع سنه الدهر ورغم الفقر نخاف من قوله افا ونتعب على قول نعم ونعيش عالين الهمم من فضل ربي مانخون نرعى الذمم ونركض ونتعب ما نمل محنا مثلك لا شغل ولا عمل ماغير بس اكل ونوم ومن الشحم ضاقت عباتك والهدوم يااسمن انواع الحريم ياعايشه على الرجيم ياانسة .. ياعانسة .. ياضايعة ومستانسة ياتارسه وجهك صبغ ياتارسه عينك شدو حنا البدو يالي تقولين بدوي انا بدوي ولي الفخر اني بدوي عزمي قوي مااخون ماابوق الخوي يبدا نهاري بالصلاه واصارع امواج الحياه ماضاقت الدنيا ابد ولاني من اصحاب الحسد ارفع ايديني للسماء واطلب من الله واستخير ماقول يمكن ربما ولا يصير ولا مايصير محافظ على الخمس الفروض واضح ولا احب الغموض ولا اتلون والتوي لاني بدوي متمسك باصالتي ولا اغير لهجتي انا بدوي في فزعتي وفي قومتي وبقعدتي وفي مشيتي وبجلستي وفي كلمتي وبنخوتي حتى عقالي ولبستي ولو قلتي عني فوضوي ما ضرني بالحيل يابنت بدوي ويسرني اعرف من انتي .. ومن انا والفرق واضح بيننا تدرين وادري من اكون ويكفينا نعرف بعضنا انتي مثل عمر الزهور ومالك عمر مالك سنين شهرين ويجيك الجفاف وتذبلين وتصبح الوانك باهته وانا جذوري ثابته ماخذ من الصحراء الهدوء وان كان هذا يسعدك حطي على راسك يدك هالمره لاقلتي بدو ياتارسه وجهك صبغ ياتارسه عينك شدو
|
|
لا تنشدوني ياهلى ليه ونيت"="هما(ن)بقلبي ماحسبتوا حسابه
يابوي انا في مرقدي ماتهنيت"="ماذقت طعم الزاد وياشرابه انا مريض وتحسبوني تشافيت"="والعين من كثر الهماليل ذايبه الباب مابي واحد الاتحريت"="جاه المرض وادواه بول شبابه اللي من اسبابه من الناس مليت"="جرح بقلبي تراه تجدد صوابه الله يشافي اللي من اجله تعنيت"="من شان حبه عفت كل القرابه اللي لا شافن مع الباب دشيت"="يفز قلبه ويبتسملي يهلابه ليته يطيب لسالف الناس هليت"="وابعدت هما(ن)والحزن في سرابه والخاتمه رجواي من والي البيت"="انه يخفف عن حياتي عذابه
|
|
نوري ياشموع واعزف ياوتر&&&زانت الالحان بحضور الحبيب
اكتمل جو الطرب زال الكدر&&& توي نغم العود يحلو ويطيب ارقصي يازهور واصفق ياشجر&&&حان وقت الكيف والطين اللهيب ياهلا بالزين شاركنا السمر&&&ياهلا بمن صار غالينا قريب مايروق البال الا لاحضر&&&وان تغيب صابني جرحن عضيب خاطري مكسور جاني وانقبر&&&جدد البسمات من عقب النحيب هو حبيب الروح وفراقه عسر&&&دايجن ما اقواه ماشفت مثله عجيب مولي عطفك ماخاف من الخطر&&&كيف اخاف من الخطر وحولي طبيب
|
|
لو تسأل على حالي ؟؟ حالي بعدك عذاب
بفرقاك ما بقى لي ؟؟ ما بقى غير الألم قلبي من الألم يدمع .. يقولك خلاص ارجع بعدك سكني الخووف .. غيرك عيني ما تشوف لا حالي مثل الناس .. أمشي ولك ملهوف تعبان وغرقان في بحوور الشووق .. بلقياك أنا بلقياك من كاسالمر أذووق مليت وأنا انتظرك . شلل بقى بالعمر حالي مثل غصن الشجر .. بدونك أنا أنكسر لو تدري يا عمري انته الها في صدري .. بعدك سكني الخووف .. غيرك عيني ما تشوف لا حالي مثل الناس .. أمشي ولك ملهوف
|
|
منك وعليك الهم من وين مااروح=يمشي معي ياشاغلي مثل ظلّي
انا حياتي بالهوى كلها نوح=تشرب ظنوني هم .. واقول علّي اغلى الجروح اللي بها منك مجروح=الله ياحبي لجرح التغلّي لي في عذاب الحب رحمه .. ومصلوح=عذابك ارحم من نعيمٍ .. مولّي حبك عذاب الروح .. ويونس الروح=مستوليٍ حبك على كل كلّي اصمت .. ويظهر منك في صمتي البوح=ملامحي منها جليسي .. فطن لّي
|
«
الموضوع السابق
|
الموضوع التالي
»
| يتصفح الموضوع حالياً : 2 (0 عضو و 2 ضيف) | |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| سفيـــــــ الحـــب ـــــــــــــــــروالألفيـــــــــه الرابعه.., | الجــــازي | منتدى ملتقى الاعضاء | 25 | 27-04-2009 03:38 AM |
| هل تفهم معنى صعوبـــة الحـــب؟ | نايف ابن عليثه | المنتدى الأدبــــــــــــي | 10 | 21-11-2008 11:15 PM |
| (((( قفــــوا إنــه الحـــب .......... | وجـــــود | المنتدى العــــــــــــــــام | 20 | 20-02-2007 06:07 AM |
| ~@ابجــديــات الحـــب@~ | المغرم اليائس | المنتدى الأدبــــــــــــي | 9 | 08-12-2006 03:42 AM |
| @آخــــــر الحـــب@ | المغرم اليائس | منتدى الشـــعــــر | 8 | 26-11-2006 11:07 PM |
الساعة الآن +4: 06:48 PM.
جميع الحقوق محفوظة شبكة بني عبس
