[ودق أنفاس]

وتشيل ياصعلوك.. بين المطارات
عمرك / بروايز الحكي / ذكرياتك
ليلتك / حزنك / دمعتك والسموات
وجهك ..وتغريب الليالي .. وذاتك
صلافتك / رقة عيونك لما .. فات
صوت أمك الواهي أمانه خواتك
إرثك/ جذورك/بسملتك / الصلوات
دارك / شبابيك الغياب / وصفاتك
خشوع قلبك / سجدتيك / التحيات
حكي الكثير .. ومختصر تمتماتك
كل العيون اللي تناظرك هيهات
لو دققت عجزت تحدد سِماتك
وأنت ب..جفونك يستفز المسافات
حلمٍ .. كسر ظهر الطموح بحياتك
تشيل ضمن اللي تشيل المجرات
في محجريك .. وموتِتِك بإلتفاتك
سموك أهلك بمولدك غايبٍ / آتْ
كن الرحيل .. إتوسموه فـلهاتك

[آهــذريــبــك]

هلا وغلا فيك يالمنتخب السعودي هع
سلامات مرآهيش ماتشوفي شر
وش فيك عساء خير

/

يطعنك شخصٍ ماتوقعت يطعنك
............ ويسعفك شخصٍ مآ طرى لك عـلى بـآل

[مرآهيش]

الليل يسري .. في عيون الأغاني= والرقص في جو .. المدينه من الفن !
,
تعال ، نحكي عن حنين المواني= وإلاّ تعال ، نخالف ... الرآي والظنْ
,
مجنونتك لو طبعها .. كان أناني = ماهي على غيرك مِن العالم .. تِحن!

[النمر1012]

في صدى الحرمان شفت أحلا سراب
ياسرابً شاقني في منظره
إنتي مثل الشمس في وقت الغياب
هل؟ اطول الشمس!! واقدر أسره
بالقصيدة وصفك أعجب كل شاب
ياطعونه يافتونه ياقهره
وأنا صفحة من ورق باقي الكتاب
وكل صفحات الكتاب مبعثره
ولو كتب لك كل شعار الاعجاب
كلهم ماطالوا لو منك شعره
يا سؤال المعجزة! مالك جواب
رحم الله امرئً عرف اقدره
مثلنا ماينظر لفوق السحاب
ياشجر عالي ولا طلنا ثمره
ولو عرفت إني ما اطولك ياعذاب
مثلي ما يرميك أصلاً بحجره
ولو شعورى خالطه غير الصواب
أنزعه وأطاه تحت الكندره
لي حياةً عشتها بين الذياب
رغم إن الجوع فيهم لاخره
ماكلوني! تصدقي! صرنا صحاب
وأعرف إن الذيب! قد رافق مره
والقوافل ما أوقفه! نبح الكلاب
والقدر مايمنعه من يحذره
والحمامه جوزوها أقبح غراب
قلده في المشي.. والمشي! أخسره
ياترى؟ من فاز بك بين الشباب
ومنهو المحظوظ بك يا أسره
الحقيقة ما تهيبنا الصعاب
أصعده دايم ولا أنزل! بحفره
مير لون الرقعة من لون الثياب
والعذر والعفو عند المقدره
يا حلاة الوصف لك والوصف طاب
شمس كل الكون معروف قمره
والقمر لو تعرفي عند الغياب
رافق النجمات وأعطاك ظهره
هي ضريبة مال! وللمنصب حساب
أو جواري.. أو شعورك دمره
أو نعامه راسها تحت التراب
أسف! وللشمس حق المعذره
أكسفي يا شمس خجلة! للعتاب
منك أنا المكسوف وأرجو المغفره

[مرآهيش]

في آمآن الله

،

،

،

طــــول مـسـيــري ، والـعـمــر بـاقــيّــه=ماهو ب/ كثر اللي مضى لي منّـه
يـــارب عـفــوك ، والضـمـايـر حــيّــه=يا من سجدنا لك ب/ فرض وسنّه
وجهـت لـك وجهـي ، وأكــف إيـديّـه=تـرزقــنــي الـثـنـتـيـن يـــــا ذا الــمــنّــه
( قـبـل المـمـات ) الـراحـه النفسـيـه=و ( بعد الممـات ) المغفـره والجنّـه

[النمر1012]

بحفظ الله موفقه خير
الله على ماجاك يازين يشفيك
والله من عيون المخاليق يرعاك
والله من صدوف المقادير يحميك
وبرحمته يشفيك من كل ماجاك
دعوة محبً يرتجي لك ويرجيك
يهتز قلبه كل مامر طرياك
يعيش في وصلك ويحييه طاريك
وإلى أبتعدت يعيّشه فيك ذكراك
همه وسط دنياه وشلون يرضيك
يسعى لجل يكسب محبتك ورضاك
تدري وش أصغر ماتمناه يعطيك...؟
قلبه...وقلبه من غلاتك تمناك

[الهلاليه]

.
.
.


أحس إن بكرة مجرد إعادة
لليوم واللي قبله وهذي دنياي
الألوان واجد... بس كل شيء سادة
العيب في الألوان ... وإلا فـ رؤياي


.
.
.

[النمر1012]

اصبر ولو جرحك خفيف بس جرحك بزديـاد
والصبر ماينطاق لو اقـول يازيـن الصبـر


تلعب بقلبي لعب سامي فـى فريـق الاتحـاد
ليا تلاعب بالدفاع وسحب الصخـره (تكـر)


وصارع الذكرى وانا والقلب عشنا في جهـاد
ولحلم تحييه المشاعـر كـل ماحـل الشعـر


وضحك على نفسي وقول المشكله كبوة جـواد
واحلم ولكن فى النهايه حلـم والناتـج صفـر


حلـمٍ تهببـه الهبايـب كـل ماهـب البـراد
وانا انتظر والله يعين الليـل ويعيـن الشعـر