[النمر1012]

الوقت فيه الآدمي دوم ماسور
مابين بكي وضحك ..وحزن ومسرات
وانا من الايام ياهيه مسرور
اخذت منها.. حلوَها والمرارات
بالامس حاير بين منهي ومامور
ابغى اجمعني.. واحصلني اشتات
كم قلت للاحزان تكفين بالدور؟
وكم ردت الاحزان..هيهات هيهات؟
واليوم لله الفضل صرت دكتور
اعالج اوجاعي بنفسي.. لياجات
واصبحت شاعر كله احساس وشعور
يطرب له المتذوق.. فكل الاوقات
البال رايق والهواجيس طابور
اتأمل الواقع.. واكسّر حسابات
تدري متى في الوقت انا اعيش مقهور؟
لا شلت هم الشي.. وعدا سهالات
وتدري متى في الحب انا اصيرمكسور؟
لا شفت خلي يشتكي البعد ..بسكات

[مرآهيش]

كان يغني.. لـلزمان اللي يبيه =‌يوم شاف الكل .. عن دنياه زاح
..
كان يغني لـلسما في ناظريه=والشفق لونه .. مع الترنيم لاح
.,.
كان يقسّم ذكرياته .. تيه.. تيه=كان يعزف للمطر لحن .. الجراح
..
شاعر ٍ طاحت على راحة يديه=‌امنياته .. والهقاوي .. والكفاح !
.,.
يآ كثر مامروا فـ دربه .. وجيه‌ =‌وياكثر ما راح لكن مَ استراح !

[النمر1012]

الا ياشوق شوقي روح يمه
وميز في الحكي دقه وجله
وقله ب ان قلبي له حلاله
وقله.. ثم قله.. ثم قله
ترى صاحبك عهده ماتغير
مدام الطيب في الطيب جبله

[مرآهيش]

هذي بلادك / بس تكفى لا تخليها=يا من سكنت أقصى ضلوعي لا تخليني
الناس كلٍ له بلاد وعايشٍ فيها=وأنا الوحيد اللي بلادي عايشه فيني

[النمر1012]

اكتب لاجل عينك جميلات الاشعار
وادري غلاك يفوق يازين شعري
ماهو قصور بشعر والا بالافكار
لا والله الا في غلاكم مهذري
اكتب واغني لك على كل الاوتار
اكتب شعر موزون واحيان نثري
وانته تعال وطب يازين واختار
كل الشعر يازين ياتيك يجري
انت الغلا وانت الملا وانت الانظار
وانت الوحيد اللي تربع بصدري
الصدر بحضورك بساتين وانهار
وان غبت ضاق الصدر يازين بدري
كني مثل صحراء وجيّتك الامطار
والا القلم لاصار من دون حبري
حتى الضلوع بغيبتك تشتعل نار
وان طولت يازين بالموت محري
حتى حروف اسمك بها صرت محتار
تخطف قلوب الناس يازين غدري
معظم كتاباتي على قافية آر
اكتب وانا يازين بالقاف مدري

[مرآهيش]

لا الحين يمـّـه طفل .. وش كثر قلبي .. أحتوى=.. لا الحين واقف .. على درب الوفآ .. مآ / مشيــــت
أمشي مع الوقت .. مدري وش زمآني .. نوى=.. بس الأكيد .. إن وقتي قبل ينوي .. نويـــــت
سندت ظهري .. على جدار السنين .. و .. هوى=وحاولت أدآري .. دموعي .. لـ الأسف ماقويت
الشوق مرّ .. وسألني .. قلت .. مآلك .. لوى =وأقفى .. وأنا .. أدري بـ أنه .. يدري إني .. بكيت
يمــّـه تعالي طلبتك .. شوفي .. أبنك .. غوى =والله .. إني مـ أسآمح .. خآفقي .. مآ / حيـــيت

[خالد العليط]

ياقلب تحمل وش يجيلك .. مالك بدنياك شريك .. غير الدمع ، غير الحزن .. وغالي يتغلى عليك

[النمر1012]

هيه ياللي وسط جوفي مداهلك العـروق وفي فؤادي لـك مكـانٍ تمنـاه ولـدي
ماطرى فالبال فرقى .. ولاسج الخفـوق لو زماني يمـة البعـد يحدانـي حـدي
كيف يقدر صبح هالكون توديع الشروق وانت ياشمسي بنـورك حياتـي تبتـدي
انت ياالهام القصايـد وقافيـة الطـروق فيك يبدا وينتهـي كـل حـرفٍ ابجـدي
لاطريتك قام هالشعر يرقى فـوق فـوق ولاكتبتك وش يرده عن عنـاق الجـدي
ولاذكرتك جات الابيات في ذكرك تسـوق ولابغيتك كـل حـرفٍ ندهنـي سيـدي