[آهــذريــبــك]

مايفضح اللي يحب الا اخر اللحضات

لامد كفه للوداع وصد بعيونه

[سعد بن عادي]

عيونك السود ترواها يالـو وياليـت
حديث الالسن سيوف الهند ونصابهـا
واهدابك اللي على سلهامها كل ميت
يطلـق عنـان القريحـه ويتلوابـهـا

[عبد العزيز]

طبـع البــدو فيني يجـدد شجوني
أكره حيــاةٍ نيلها .. بالسـهولـه

[مرآهيش]

أروح لمكـانٍ خابـره .. خابـره ياتـيـه=أسوق القدم صوبـه وهـي مالهـا حاجـة
مكـانٍ نزيـه وأول مواجهـي لـه فـيـه=وأنـا خابـرٍ مـا رجـل مثلـه بـدواجـة
لعل وعسـى مـا حدنـي للمجـي يدعيـه=وأشوفه وأنـا مـا ودي أسبـب إحراجـه
يحب الجريح آخـر دروب اللقـى ويجيـه=وتحـب القـدم جيـة مكـان أول مواجـه

[عبد العزيز]

من لا ترك في حياته بصمة أفعاله

مثل الذي هلّل وكبّر ولا صلّـى !

[سعد بن عادي]

ياماليه كل عرق ٍ من عروقـي حضـور
ياساكنه كل ضلع ٍ من ضلوعـي غـرام
ان كان ماصرت مختال ٍ بمثلـك فخـور
من غيرك اختال به وافخر واطول الغمام
لوان في الكون كله مثل ملمحك نـور
ما صار في الكون كله مثل قـدك قـوام
تبارك الله يـا اجمـل نسـاء العصـور
يا اكمل من البدر .. وابلغ من بلوغ المرام
مافيه مخلوق فوق الارض يرضي غـرور
جوارحي لو على الدنيا يطـول المقـام
يحييني الشوق في قربك ويمـلا الشعـور
واصارع العشق في بعدك واذوق الهيـام

وان مت يا قاتلتني فـي جميـع الامـور

عليك وحدك تشيـر اصابـع الاتهـام

[مرآهيش]

عند الغروب ومنظر الجو صافي=سحر الطبيعه حدني الزم الصمت
أسكت وأحاول طمس ماكن خافي=أخشى دموعي تنسكب لا تكلمـت
الشمس غابت وأصبح النور طافي=وغاب الرفيق اللي له الروح سلمت

[عبد العزيز]

في غربتي ، عارضت أنا ركب الأغراب
أشـد .. وأنـزل .. والليالـي ركايـب

أضداد .. وأقران وعدوان .. وأصحـاب
متناقضات الخلـق .. ماغـاب غايـب

وقامت تجاذَبني على درب .. الأسبـاب
نفس الشباب .. يحدهـا عقـل شايـب

أصبح على فجرٍ ضحوك(ن) .. وعجاب
وأمسي على همسات ، ستـر العجايـب

أسهر مـعَ تهويـم نجمـات الأحبـاب
حتـى يصيـر النجـم بالصبـح ذايـب

مشيت في رمضا .. وسنّـدت بهضـاب
وعارضني سيول(ن) ، وهبّـت هبايـب

وأمسيت في صحرا .. و قيّلت في غاب
ومن طاول الغربات ، شـاف الغرايـب

مرتني الدمعـه ، بهـا الوجـد مـاذاب
في غربة الأشـواق ، راحـت ذهايـب

ومرتني البسمه ، تقـل فوقهـا حجـاب
وراك خـجـلا يـارسـول الحبـايـب

والحب.. مريته غريب(ن) علـى بـاب
عقب القصور .. أمست بيوتـه خرايـب

بغيت أسلي خاطـره .. عقـب ماشـاب
لقـيـت مـالـه بالتسـلـي طـلايـب

أقفى مع المقفين .. وجـل(ن) ومرتـاب
على عقوق الوقـت ، بالحيـل عايـب

في غربتي .. مريـت رجلـي وركّـاب
أرزاق .. من رب الخلايـق ، وهايـب