[سعد بن عادي]

وأنـــت غـايــب كــنــت جــالــس بـإنـتـظـارك
وكــــان بــالـــي يـحـتـضــن مـلــيــون طـــــاري!
كيف كنت .. وليه رحت .. ووين دارك
وكـنـت أحــط الاسـئـلـه وأبـنــي حـصــاري!

[سعد بن عادي]

عنـدي خـبـر والطـيـر مــن طلـعـة الطـيـر
مــفــهــومــةٍ دعــــــــواك مــــــــن غــــيــــر أدلـــــــــه
تـضـحـك وسـنــك مــالــه آيــــات تـعـبـيـر
كــــود الـحـســد والـحـقــد والــهـــم كــلـــه
حـرّث علـى كيفـك مــن الـشـر للخـيـر
مـاتـكـسـب الا الـخـسـخـسـه والـمــذلــه

[سعد بن عادي]

احدٍ نسوق الجاه له واحدٍ على الجاه امعثور
واحدٍ يحل المشكله واحدٍ فتح بيبانها .
. مقياسنا لو ضاع مابين المواشي والطيور
ما اكلف الساني على ناسٍ تمد السانها .
. اوقر الشايب واعد الطيبه والعور ..عور
ان كان به مردود رصيته على حجانها .
. الموقف الغصاب لايمكن يساومه الغيور
والخيل من خيالها يوم ادخلت ميدانها .
. انا خصيم العقل والاحساس والشهم الجسور
ولا الدبش حتى الخبل يلعن ثوا جدانها .
. مانيب حي الله بشر اثير مع كل من يثور
لا لجلجت شعارنا ثم اختلف ميزانها .
. يامن توردها على بعض السوالف والامور
اللي اخير امن الحكي نقطع لها شريانها .
. إشره على الطيب وخل الثور ينطح راس ثور
ثم شاهد التصوير لا تناطحت ثيرانها .
. ماتلحق الشكات وافين الخصايل والشبور
لو طولة امصارعتها واعتلت عجانها .
. درسٍ حفظته والتزم به كان ما فالخير دور
خط البصر والنار حطيته على نيشانها .
. علمني الشايب بإن الصدق للصادق حظور
يوم اغربت شمس الحقيقه وانطفت ظيانها .
. مثل الدليله في ظلام الليل والمنطوق نور
إن ماعطاك البينه ولا كتب عنوانها .
. لا دارت اقلوب البشر اعقولهم يمكن تدور
النفس في حكم الهوى والفُلك من ربانها .
. ان ماعطيت الشور لا تسمع من الجهال شور
ناسٍ كذا ماهيب تنشد عن زعل شيبانها .
. آواه.. يابعض العرب ماكنه العام امخبور
ان مالقا كلمة( نعم) ولا هدم سيسانها .

[سعد بن عادي]

لا كثرت اهمومي علي مافيه غيرك ارتجيه
فالعسر ولا فالرخى مافيه غيرك يا ودود


المعطي الرزاق والمنان والامر ابيديه
اللي من أفضاله على الاجواد من خيره نجود


تجارب الدنيا عظه واحلامنا واللي نبيه
المغفره بالاخره والفوز في يوم الخلود


رضاك يارحمن ماساوم ولابدّي عليه
لو كثرت اذنوبي فانا آمنت بك رب الوجود


اجاهد النفس الشقيه والخطا وان كنت اجيه
ماضاق صدري دام لي موضع يكفي لسجود


اندم على مافات والتوبة طريقٍ نهتديه
والهادي الله رحمته سباقةٍ قبل الوعود


في عالمي اشوف شيٍ مابدى منّه واليه
ابرئ من اعقول الكفر والملحده واهل الجحود


وجهة وجهي للملك من قبل تسّود الوجيه
اعوذ به واستغفره لامرني اوجيه سود


اللي وقايعهم مع التاريخ فالقسم الكريه
لا عمرو ولا اعمرو واجسادهم فيهم شهود


من قال مابه رب قل مافيه شيٍ ازدريه
الا انت ياوجه الكُفر للنار وامثالك وقود


من قبلهم فرعون والنمرود واقوامٍ تليه
مافادهم كثر التكبر والتعالي والجنود


( يِسّلم من الكُفار عَالِم ) ( عندنا يكفر سفيه )
مفارقه ابصرتها بين الهدايه والجمود

[سعد بن عادي]

همٍ سـوات الضلع في تحريكه
وهمَّه ذعاذيـع الضحى تحمــلها
’
’
أحدٍ يغيـّر فـ الوتسب توبيـكه
واحـدٍ يـغــيّر امـةٍ بـ اكمـلهــا

[سعد بن عادي]

آسف على شدّة إهمالـي وتقصيـري

وآسف إذا جاك من غاليك ماتكره !

[سعد بن عادي]

صاحبي لا هزّك الشوق وأغراك الرجوع
وإنثنى غصـن المفـارق وجرحـك مابـرى
وإتضـح فـي جرهـد الخـد مجـرى للـدمـوع
وإنّحل جسمـك مـن البعـد والحـال إنبـرى
أوعدك منزلك باقي ورى حـدب الضلـوع
من هنا .. حتى يوارى عضامي بالثـرى

[سعد بن عادي]

حجم الجروح يكون حسب العلاقات
ويصعب علي الشرح لاجيت ابشرح

واكبر دليل احيان بعض الكلمات
من شخص ماتجرح ومن شخص تجرح