[سعد بن عادي]

الـبــنــادم تـــــرى مــادنـــى مــاجـــاب أجْــلـــه
صـــح ّ يـالـلــي تـصـيــح الــحــي ونـيـامــه
رامي الذيب صابه .. مخطي ٍ ( حجله )
عــــــزي لـــواحـــد ٍ مــــــا ســـــــرّه حـــزامــــه

[سعد بن عادي]

الرفيق اللي .. نهار الضيق مامنه مسّـره
في الرخا جعله مهف مقيط مالي فيه حاجه
اتشـره ليـه لاجلـه لاحـرامٍ مااتشّـره
التشره في رديين العرب نقص وسماجـه

[سعد بن عادي]

لا تحسب ان الهوى ماعاد يعنيني
مادام للدين وازع .. للغلا وازع

مهما ومهما ومهما غبت عن عيني
تأكد انك بـ( قلبي ) مالك منازع

[سعد بن عادي]

سويّت قرعه بين وصلـك وفرقـاك
ورست على فرقاك .. وإلا ّ أنت غالي

[سعد بن عادي]

الشايب الـي لحيتـه كلهـا شيـب
اخطأ علي وقالـو النـاس شايـب
ماهوب شرط يكون شيبه على طيب
كم شايبٍ فالوقـت خايـب وعايـب
وانا ولد من يشبع الطيـر والذيـب
ماني زلابـه مـن عيـال الزلايـب
مارضى المهونه لو على شقة الجيب
ولا انت فيك الظن يالعـود خايـب
وليا بغيت الحق تاجب لـك يهيـب
مخطي ولانت بيسود الوجه صايـب

[سعد بن عادي]

يسقيك يا ماضي عروبتنا من حقوق الخيال
حاضرك يهدي لك سلامه و النواظر تهملي...!

[سعد بن عادي]

لا تستـشـك بـغـلاك وتختـبـر قلـبـي
محبتك صادقة والشوق شاهدها!
مادمـت تحلـم بشوفـي واتّـأمـل بــي
نفسي لنفسك رهينة لين تسعدها!

[سعد بن عادي]

قـولــوا لــــه انــــي نـفـيـتـه مــــن حـيـاتــي خــــلاص
مــاعــاد لــــه فــــي مـقـاويــس الـحـنـايـا نـصـيــب!
ولاعــــاد لــــه عــــن شــعــوري بـاغـتـرابـه مــنـــاص
فــي كــل حـالاتـه اصـبـح مـثـل غـيــره غـريــب!