[النمر1012]

أبقى أسير الشعر والضيم والشـوق لوزاد من نبضات قلبي ووجدانـه!
وياللي على شوفتك بدري وملحوق نفسي على لقياك عجلـه وشفقانـه
كني على طاريك مجني ومسـروق معـه المعاليق(مرتاحه)و(ولهانـه)
حطيت لك في داخل (القلب)صندوق حتى مع الأيـام مايخسر(رهانـه)
والحب مايستانسـه كـل مخلـوق وبعض المشاعر ماتعبرّ عن الخانه

[عبد العزيز]

يا طيف ,,دونك ,انطحي بال رجال=بهمه عثر وكثار تنطر مطيحه

يا طيف وان صدّت صناديد الامثال=وقفه لسمعك عن ثمانين صيحه

سا حات عيني كم بها جالت أزوال=وعند اللوازم لى طلبته شحيحه

كانت رماح ظنوننا تطعن ,,طوال=تكسّرت في وجه ساعه كليحه

لو تمسحين الجرح في طارف الشال=تخضبت كفك من خضاب قيحه

طاهر لك الله من دنس طبع الارذال=ما شربت الانفاس من طيب ريحه

مستور بين ضلوع لى ضايقه سال=بكفٍ ليا جاها ضريرٍ تريحه

شيليه ومدّي له غطا جفنك ظلال=وذرّيه عن شمسٍ شديدِ لفيحه

ترى الكريم يخاف من جور الانذال=والمستحي تقضب زعله الفضيحه

فارس مشيت ومهرتي بنت الاحوال=تضرب حوافرها بقاع القريحه

حتى حجرها لنصدع يقدح جزال=يشهق شرار اعصاب خيلٍ جريحه

صحيح ان الرجال لى شاموا جبال=وصدورهم وان ضايقوها فسيحه

أدري,وأدري بعضهم مالهم حال=يرضون بالمترديه والنطيحه

رجلٍ تشوفه جيل تكبر به اجيال=واجيال بعض رجال الله يبيحه

وان عافوا الطيبين سماحة البال=ما ضلّ بين الناس هقوه صحيحه

أصبح أملنا عود يرقب له عيال=عيت بهم بطن الليال الشحيحه

جمره نفس محطوب من جذع الآجال=كلما تفور دلال يومٍ يزيحه

كم ليل مرّه واعجبه شرب فنجال=ينفض اعصابٍ من كللها طريحه

بعض المواجع لى لمس عقلها هبال=مالت بميزان العقول الرجيحه

يا طيف عجلي واسندي البال لى مال=اسمع اصواتٍ زاد صمتي نبيحه

[مرآهيش]

يـمـر الليـــل .. وأتـــفـــقّـــد وجـــــــــودك ،، وألـــتـــفــــت لـــهـــنــــاك ..=وأشــــــــــوف أن الـلـيـالــي .. مـظـلـمــه .. مـــــن غـيــبــة أحـبــابــي .... !
ثـمـان سنـيـن ،، وأنــا أســأل ... شمـوعـك .. كـيـف أنـــا بـلـقـاك .. !!=تـــعـــبـــت أحــــسّـــــب أوراق الـــعـــمــــر ،، وأهــــــــــدي أعـــصـــابــــي .. !
غـريـبــه .. !! كــــل مــــا يـلـعــب بـشـبـاكــي .. هـــــوى .. ذكـــــراك .. !=أفـــــز مــــــن الـــولـــه عـــجـــلا .. وأعـــطـــر لــلــقــاء ... ثــيــابــي .. !!


,,


ولا ألـمــح .. ســــوى غــصــنٍ .. تـكـســر مــــن عــطــش فــرقــاك .. !!=وبـقـايــا مــــن مــلامــح .. صــورتــك .. مـحـفـوظــه فـــــي كـتــابــي .. !
عــلامــي .. !! كــــل مــــا أســــأل .. عـيـونــي ويـنــهــا .. دنــيـــاك .. ؟=تــــصــــد بـــعـــبـــرتٍ عــــيـــــت تــــمـــــر ،، وتــــجـــــرح أهــــدابـــــي ... !!
وأنــــادي ..!! كــــن مــافــي هـالـفـضـا ... مــــن هـالـبـشـر إلاك ... !!=تــــرى كــــل الـوجــيــه إلــلـــي تــمـــر ،، مـــــا نــالـــت .. أعـجــابــي .. !!


,,


وتـــرى طـــاف الـوعــد ،، يــــوم الــوعــد ... ديــــنٍ عــلــى شــــرواك .. !=عــســـى مـاطـابــلــك .. بـــعـــدي مـــكـــان ..وهـــمـــت... بـغـيــابــي ..!!
الا يا..يامن سكنـت ... بداخلـي ،، ( قلـي ) : ...! متـى أنسـاك ..؟؟=تـــرى .. ذبـلــت عــيــونٍ .. تـنـتـظـر .. شــوفــك .. عــلــى بــابــي .. !!
يــمـــر الـلــيــل ،، وأتـفــقــد ... وجــــــودك ،، وألــتــفــت .. لــهــنــاك .. !=( عسى ... جرح الليالي ،، يستحي ... من جية .. أحبابي ) .. .!

[فضي البراك]

يقولون العرب دارِ بلا مغليك ماتغريك=وأنا آقول أنك بليا حب كنك عايش لحالك
ولا تزعل من اللي لازعل منٌك رجع يرضيك=ولا تطري كلام البعد (فال الله ولا فالك)

[النمر1012]

حان لك ياسيدي وقـت القصيـد
بكتب اللي عجـز عنـه شعـرا
وأعترف بكل صراحه ولاأعيـد
ماخِلق مثلك من البيض سْحـرا
تدري أنك لـي العمـر الفريـد
ومعك حزاتـي سواليـف وبـرا
وأنك اللي ليـنّ شعـور العنيـد
وميلّ عيوني عن دروب الكـرا
(أنتَ دنيـاي والحـبُ الجديـد)
يوم لي غيرك.. نهايـات وورا!
وأنت فرحه تختصر حزن السهيد
وانت عيد القلب ونشـوات وذرا
لك غلا يسري مثـل دم الوريـد
وأنتشي بشوفتك خافـي وجهـرا
حتى همساتك تهادى مـن بعيـد
تطوي بعادك مثل طيَ الثـرا..!
أسهج لشوفتـك مسهـاج العتيـد
ولن سهج طاريك خفاقـي سـرا
وش أزيد؟!وويش لأجلالك يزيد.!
ماذكرت أعدّه جْنـون وهُـرا.!!
قالوا العشق حـرّر لـه عبيـد..
قلت أنا العشق عبـدّ إومـرا

[مرآهيش]

محتاجتـك لـو انـا مانيـب محتاجـه=دونــك حيـاتـي انــا ياهـيـه مابـيـهـا
العشق نارن ونار العشق وهاجـه=الله يـرحـم قـلـوب العـشـق كـاويـهـا
الناس ترقد وانا كني على صاجه=تـدعـيـنـي الــذاكــره يــمــك والـبّـيـهـا

[فضي البراك]

ياموقد أشواقي بعتمة تجافيك=وفيت لك صدفة وصار الوفا طبع

[النمر1012]

يفز قلبـي كـل ماحـل .. طريـاك
ودموع عيني مثـل وبـل ..الخيالـي

الروح ماتنساك ،، لوّ قلت .. أبنساك ؟
تصفق يميني مـن قهرهـا ..شمالـي

ماني ورب البيـت .. عايـش بليـاك
أنساك انا ..؟ وشلون ؟.. ياهملالـي

تفداك نفسي ومن على القـاع يفـداك
ياأجمل .. ملاك ً مِستقّر ..في خيالـي

أسلا على طيفك وصوتـك ونجـواك
والبعـد والنسـيـان لا ماطـرالـي

الشوق ياخذني على .. شط .. مرساك
ولاني على ذكراك .. داله .. وسالـي

رد العطا للي .. يحبـك .. ويرجـاك
صبري نفذ .. ماعاد.. فيني إحتمالـي

الورْق من حزنه على الـدوح غنّـاك
عليك أنا ... يازين .. زاد انشغالـي

شبّت حرايق خافقي .. مـن سوايـاك
ماهو بحق ً منك ..تنسـى.. وصالـي

من يوم ماشديت .. عني .. مطايـاك
والدمع الاحمر من على الخـد سالـي

جسمي نحل .. وعروق .. قلبي تنخّاك
ماعاد حتى يبين .. فينـي ..ضلالـي

لوّ ماتجيني ياهوى البـال .. جينـاك
ولاني على هـرج العـواذل مبالـي

بمشي على دربك 00ولو دربك أشواك
تبقـى حبيبـي أنــت أول وتـالـي

وأخر رسالـه مـن خفـوق ً تـولاك
غالي ولا لي غيـرك إنسـان غالـي