[سعد بن عادي]

ف( البال ) بنت ٍ عجزت أسـج وأنساهـا
حروفهـا فـي جـدار القلـب مرسومـه
من ( ليلة وصالها ) لا ( يـوم فرقاهـا )
ميلاد حبٍ عسـى يومـي قبـل يومـه !!
لجل رضاها رهنت العمـر ل( رضاهـا )
والا البشـر بالبشـر ماهيـب ملـزومـه
فرعونة الحسن .. مـن فـدوة محيّاهـا..
..حيـاة روحٍ علـى روحيـن مقسومـه
تربّت ب( حضـن ) شايبهـا .. وخلاهـا
من ( عمرها يوم ) .. دلّوعه ومحشومـه
محـد يتجـرّا يحاسبهـا علـى أخطاهـا
دايم تجي ( ظالمه ) وتروح ( مظلومه ) !!
ماهمّهـا لـو تصيـر آخـر ضحاياهـا..
..نفسٍ من الصبـر والسلـوان محرومـه
يجنح بي الشوق .. وأعوّد ل( ذكراهـا )
لعـل يسقـي زمـان الوصـل ديمـومـه
غنيت ( دنيا حظـوظ ) وحظّـي أسواهـا
حتى يدلّك وأنـا فـي سابـع النومـه ..
.. لازارني زايـر الفجـر ب( هداياهـا )
يدركني الصبـح قـدام أخـذ علومـه !!

[سعد بن عادي]

يالله تـجـبـر عـــزاي وتــدمــح اثــامــي
والــي تركـنـي عـسـاه ايحاسـبـه ربــه
لي صاحبن من فراقه حطم احلامي
والشوق وسـط الحشـا يمـلاه ويكبـه
زولـه حديـث الشعـور وذكـره إلـزامـي
وانـــا عـلــى سـالـفـة يـالـيــت وأربــــه
كتبـت فـيـه القصـيـد وجـفـت اقـلامـي
وانــادي الـدمـع ثــم اقــول لــه عـبــه
واشــوف نـــور الامـــل لازال قـدامــي
وأحـيـان اشـوفــه يثيرالـقـلـب ويـشـبـه
لوْنـه يحـس بعـذابـي وحـرقـة آلامــي
مـاكــان يـتــرك فـــؤادٍ مـالـقــى طــبــه
كانه مسح من خياله دفتـر ارقامـي
ابمسـكـه مـــن خـيــال الـفـكـر واذبـــه
لـكــن حـبــه يـزيــد بقـلـبـي الـضـامـي
من زود مغليه صرت اشتاق واسبه
وأحيـان اقـول آه ليتـه ترجـع ايـامـي
والله أحـبـه وأحـبـه مـــوووت وأحـبــه

[سعد بن عادي]

انـــــــــــــا شـــقـــيـــقــــك فــــالــــرخـــــا وان مـــــــالـــــــت الــــدنـــــيـــــا شــــقـــــيـــــق
والـــــــشـــــــرع مـــــــــــــــا يـــــقـــــطـــــع يـــــمـــــيـــــن ألاّ الـــيــــمــــيــــن الـــبــــايــــقــــه
وانـــــــــت اســـتـــعــــن بالله عـــــلـــــى الـــدنـــيــــا وعـــــثـــــرات الـــطـــريــــق
والله قــــــــديــــــــر ويــــــــفــــــــرج كْــــــــــــــــروب الـــــنــــــفــــــوس الــــضــــايــــقـــــه

[سعد بن عادي]

فيني جروحٍ شيّبت روس الأطفال
من كبرها حتى المدامع جفتني ...!

[سعد بن عادي]

انــ كتب لي ربي العمر المديد
تبشر بقلبٍ ماغيرك يسكنه ...

[سعد بن عادي]

أبتلشنـا فيـك مـدري نمدحـك وإلاّ نسبّـك
وأنـت للثنتيـن والـم للمسبّـه والمديحـه
مير خلك نكرهـك يوميـن والثالـث نحبّـك
والله يعينك تدوّر عـن مشاعرنـا الصريحـه
لا تخاف الناس يا حسّاس لكن خـاف ربّـك
وأعرف أن العمر فاني وأنما الدين النصيحـه
ما قصدنـا بالقديحـه يـوم شلناهـا نشبّـك
خابريـن اللـي يشبّـك لا زنـاد ولا قديحـه
ودّنا نعطيك علم ٍ تنقلـه فـي وسـط عبّـك
لإجل ما تمسي وتصبح من مصيبه في فضيحه
أنتبه وأعرف مقامك والهبـوب اللـي تهبّـك
شمّها يمكن هواها يبري النفـس الجريحـه !

[سعد بن عادي]

الله يسامحهم .. وﻻيبتليهم
والله يجملني لو ..أخطيت وأحسنت

مدام أنا معهم .. ومنهم وفيهم
أطيبهم أن خان .. المواثيق ماخنت

ماني ببايعهم.. وﻻمشتريهم

هو مثل ماكانوا .. وأنا مثل ماكنت


أنا أخوياي أن .. جيت أبشره عليهم

ذكرت تقصيري .. معاهم وهونت

[سعد بن عادي]

نمشي عـلي وضح النقا من نقانا
وراعي الدسايس !! .. لاظهر ندفنه حي
نأخذ ونعطي بالوفا من وفانا
لا..خسروا اللي بالوفاء مالهم شي
أكثر عدانا في ثياب أصدقانا
ماهو بشرط آقول من وين من أي