[فضي البراك]

من أنت ؟ من هو مرسلك ياحلالي=يالعاشق اللي يشتكي لي هيامه
يامرحبا من خاطرٍ مايبالي=ومن قلب حرٌ ماتراعد عظامه
وإلا علومي خلها لي لحالي=لين أعرف رقبة الجمل من سنامه

[نوماس5]

ياويل قلبي كل ماشتقت لقياه
وشلون ماتشتاق عيني لعينه

أنا أدري إني حيل أحبه وأهواه.
وأنا أدري إن القلب صار بيدينه

[مرآهيش]

شاعر .. وحزني فوق الأنظار / بادي = و تهزّ قلبي .. ( الذكريات القديمه ) ...!!
,
وأروح أدوّج في حنايا .. فؤادي ....!= وألقاني أبيض .. و النوايا / سليمه....!!
,
[ ياصاحبي .. يـ اللي بلادك / بلادي ..!= عندك سلف فرحه .. بـ أيـّـآة قيمه ....؟؟
,
ودي بـ ضحكي .. ودي بـ جوّ / هادي != لو كانت الفرحه.. حبيبي ( يتيمه ) .....!!
,
ماعادني قدّ / السنين .. و .. مرادي != أعلـّـمك .. صدق النديم لـ نديمه ....!!
,
عادي تعثـّـر / طيـّح .. بس لآ تنادي .. != وتكون .. طيحاتك .. بـ عزّه و شيمه ....!!
,
الغربه اللي وسط الأغراب .. عادي ..!= والغربه اللي بين ناسك .. أليمه....!!

[النمر1012]

خبريني يا ليالـي كيـف تحديـد المصيـر
ما بقى شـي ٍ يصيـر و دمعتينـي حايـره
أرتجي ثوب الفرح لو كان مقياسـه قصيـر
وآتسلـى بالجـروح اللـي بقلبـي ثـايـره
خبريها وش يفيد الكحل في عيـن الظريـر
والأمل في وصلها يشبه ( زوايـا الدايـره )
إنتظـاري مـل ّ منـي لا بشيـر ولا نذيـر
طول وقتي فـي حراهـا والخلايـا فايـره
لؤلؤه وإلا محاره ..يوووه ..لا .. يا عم طير
تختلف متناقضه .. كل الوصـوف مغايـره

[آهــذريــبــك]

يانوم تكفى تعال وريّـح اعيانـي
ياطول ليل ٍ سهرتـه يالله الخيـره
الهم قاعد معي كنه مـن إخوانـي
والروح تشقى بحلم ٍ صعب تفسيره
يادمع غرّق هدب عيني مع أجفاني
انزل وريّح ضمير ٍ زاد تجميـره!!

[النمر1012]

ترجيت الزمن لحظه .. دخيلك حاجتي ميعاد
أشوف اللي خلقها الله قمر ما هيب إنسانـه
أجي بالشوق واللهفه وكني صايـر ٍ منقـاد
أجي بعروق عطشانه أجي بجروح شفقانـه
أعانق فرحتي وأكشخ وأغير شكلي المعتـاد
أزين غترتي مره .. ونوب آقـول خربانـه

[آهــذريــبــك]

احد(ن) ينام وحط راسه بكمـه
واحد(ن)تخم النوم عينه وتخطيه

[مرهفة المشاعر]

بعد ماطول غيابه التقينا دون موعد
واحلى شي ان الحكاية كلها صدفه في صدفه