[عبدالله العايد]

جيتك عيدي ثالث العيدين
قربك ياطيفي بالغلاماشري

[عبد العزيز]

تدري وش اللي يجبر القلب / يسكت ..
أنه [ عسى الله يصلحه ] ميتٍ فيــك ..!

[مرآهيش]

الحل يا اللي في لحدهـا مسجـاه=قريبـة بعيـدة حولـهـا حــال
بعيـدة عنـا صباحـه وممـسـاه=قريبة منـا علـى كـل الأحـوال
ياليت من وايـق عليهـا بمثـواه=لعـل قبـره للمراهيـش مدهـال
خبري بها تضحك وهي عارفـه داه=ما شفت منها في مرضها تملمـال
تضحك تبي تسلى وهي داه بـرداه=تدري عن العله ولا تشكي الحـال
عساك من ربي تفوزيـن برضـاه=في جنة الفردوس يا حـي منـزال
ونا معك يـا قـرة العيـن ومنـاه=انا معك باسـم المثانـي والأنفـال
عقبك نضير العين لونه نثـر مـاه=من كثر نوحي والبكـا والتولـوال
عقبك عميت وكل دكتـور انصـاه=من كثر ماابكي لو يرد البكا غـال
بكيت حـول كامـل طـول فرقـاه=بكيـت واببكـي ولا نيـب مـلال
أيوب شاف الضر من حـر بلـواه=وأنا من البلوى تجرعـت الأهـوال
ما لوم حي جـاوب الذيـب بعـواه=واللي فقد غاليه يعول لـه اعـوال
غيري بكى وابكي وبيـح خفايـاه=الورق والسرحان ونسوان ورجـال
ناق تحن وكن فـي جوفـه رحـاه=من وجدها الناهي على نوق وجمال
تحـن للـذود الولايـف ومرعـاه=ونا على روحي حنينـي والاعـوال
تاجد كما وجدي ونا وجدي اكمـاه=أخاف من هرج العـواذل والانـذال
ثم الذي يصبر على حكـم مـولاه=يفوز من ربـه بتوفيـق واجـلال
وأنا سمعت وطعـت واستغفـر الله=وارجي ثوابه يوم توزيع الأعمـال
لكن نــجــــلا واسمها ما اقـدر أنسـاه=وجه المحبه والرضا وجه الاقبـال
مع الحضر والا مع البـدو مربـاه=يفـز قلبـي للاسـامـي والأزوال
أحب نـــجـــلا و اسمها كل مـا أقـراه=وأحب طاريها ولو قال مـن قـال
اسم يفوح بغالـي الطيـب معنـاه=يصيبنـي لا قيـل نجـلا تحـروال
لو أجحد العبرة فضح عينـي بكـاه=دمعي على الخدين دايم له اهمـال
دمعي مع العبـره مـع الأوه والآه=لو جت على عالي شمنصير ينهال
يعقوب من قبلي ترى حزنه اعمـاه=وانا عميت وجاري الدمع مـا زال
دمع ذرف من ثومة القلب ما اقواه=إلى انفجر دمع المعاليـق غربـال
وش لون أرده والمحاجيـر تنحـاه=إلى امتلت فاضت على كل مكيـال
واحزني اللي طاول القلـب يشعـاه=يشعاه مثل الطيـر بيديـن جهـال
الدار عقبك يا بهـا الـدار عفنـاه=ينعاف منـزال رحـل عنـه نـزال

لـ الشاعر / عبدالله بن عبد الرحمن العرفج ..

[الجارح2010]

حطه على بوظبي ياسلطان نبي نشوف الشات وشلونه
نبى نعرف الكاسب من الخسران والعلم عيوا لايجيبونه

[النمر1012]

الرفقـه اللـي تبعّدنـي وتدنيـنـي
حسب المصالح تبي تطلق حواجبهـا
مثل الرشاوي مابين أعطيك وتعطيني
ملعونً اصحابهـا وملعـون كاتبهـا
الرفقه اللي على النومـاس تعنينـي
أرفع لهـا البيـت وثبّـت مناسبهـا
هالوقت مهما قسى لابـد لـه لينـي
والفال دايم مع المومـن وصاحبهـا
هذا كلامي وانـا عنـدي براهينـي
قولة رسول البشـر وقـرا مكاتبهـا
ودام الامـل باقـيٍ فالـرب يغنينـي
عن حاجةٍ في يدين النـاس راغبهـا
يالله انـا سائـل انــك لاتعنيـنـي
عفوك ولطفـك إلهـي دوم طالبهـا

[عبدالله العايد]

حسبي على الايام والحظ الردي والحظ الردي

[النمر1012]

إزرع الحب في صدري ياعذب النسايم
وان جنيت الغلا جامح ويفـداك كلـه


اقهر العاج والرمان والوجـد هااايـم
خل عود القصب لاملت يبكي محلـه


انت نور الصباح اللي عليـه الظلايـم
مايغطـي سنـا نـورك ظـلامٍ تفلـه

[فضي البراك]

يادخيل الله إرجع لي أنتهيت=لا تخليني أموت بحسرتي