[سعد بن عادي]

يتصفح الموضوع حالياً : 11 (2 عضو و 9 ضيف)
شرفتموني والله بمتابعتكم وآتمنى تجدون مايحوز على رضائكم .

[سعد بن عادي]

مجتمعنا يقتل العاشق ويحفر قبره
وأكثر العادات مايقدر أحد يقربها

كلّما قالوا تحبك ! قلت ويش الدبرة ؟
ماتبي شي ٍحرام ولاقدرت أخطبها ..!

[سعد بن عادي]

ان طحت ولاّ قمت ماينفعك حي
ماعاد فـ قلوب البشر ذرّة إحساس

لاعاد تتحرّى من ايدينهم شي
في وقت فيه الإبل أغلى من الناس ..!

[سعد بن عادي]

.
مع التحيه والتقدير للكـــــل

ياطول الغياب اللي بغير عذر
لكن اسمحولي طرت علي هذي ّ
.

أصدقاء النتّ لاتضمن وفاهم
بعضهم بأسباب ردّ يفارقونك

والله إني شايف وساكت و فاهم
رافقوني من قبل لايرافقونك

ياحمد هالناس مدري وش بلاهم
بعضهم لعيون بنت يحاربونك

وبعضهم لو ترقد بياصل اذاهم
حتى لو قبل الفجر بيكلمونك ..!

وبعضهم حتى ولو تمشي معاهم
لالقوا معدنك طيّب يجحدونك

يكرهونك دام ماتمشي وراهم
وإن مشيت بصفّهم مايعجبونك

لازم اتطبّل لأجل تكسب رضاهم
بعضهم لو ماتطبّل يكرهونك

مايبونك بس يبغونك عصاهم
وإن رقوا للغيم راحوا له بدونك ..!

لاتصدّقهم ولاتصدق معاهم
بعضهم حتى ولو توفي يخونك

لو يشوفونك نجم فأعلى سماهم
شوّهوا صورتك حتى في عيونك ..!

مايحَسدونك على كثر الدراهم
لو على معجب وغاوي يحسدونك ..!

لو حكوا بالخير قدامك تراهم
في ظهرك بدون علمك يجلدونك

وبعضهم شرواك مايلحق جزاهم
بالرضى بالطيب لازم يكسبونك

والله إني شايف وساكت و فاهم
ضيّقوا صدري قبل مايضايقونك ..!

[ مخرج ]

يازمان الأقنعة وين الوجيه ؟
كل يوم يطيح لأصحابي قناع ..!

دخول اضطراري :

كلمه توجستها تجسدت بي شرف
مخفيةن بالضلوع العوج عزيلها

ياأمة الضاد ولا أمة آبوصطرف
لازلت اغني لها لازلت اغني لها

املاكي الشعر ورث الشارع المنحرف
اضع امام الحلول خطوط وارخيلها

الجاذبيه رجل مبطي زمانه وقف
يهز غصن الرياح المايل بحيلها

والارض مركب أمل للياس تمضي تلف
وتدور حول المقاصد مسرجه خيلها

تجاذبت رغبتي للشعر والمنعطف
وحطّت جزيئات الاحلام بتماثيلها


والغيمه الي تعد الخير حب وشغف
تطرفت فالنهار وزامت بليلها

مال الضما واستغاث الواقع المنجرف
وتعثرت خطوتي واستنكرت سيلها


عزفت عن وجهتك واخترت حملٍ اخف
يوم النصارى تضلل في اناجيلها

تشهبت واستماتت والزمان انصرف
ووجبتها عقب منشاها وتأهيلها

كأن بيدينها رماح ومكانة سلف
وقهويتها يوم اهلها شحت بهيلها


ماكان فرقاك عيد ولا قصدته هدف
تسللت كل طعنه منفرد حيلها

اختلفت النيه وكل شي فيك اختلف
وتحجرت لك معاني من تهاويلها

معزتك وين اهلها عقب ماهي ترف
درهامك بحِلها مابيّن بحِيلها

عالت على مهجتي مع الأسف والاسف
وتمثلت ويل اهلها عقب يا ويلها

ياصاحبي استمعلي لاتدور وتلف
لو بسملتك العواذل لاتسميلها

مالك ومال الهموم الي تعدك طرف
مرر لها الوارده وانسى اقاويلها

عرفت من يعشقك في وقت محدن عرف
وجروحك المشكلة مدري شسويلها

احبسك يامارد الروح وخصومك تَقِفْ
على شفى حُفرة اعمالك وتبديلها

وزروعك المعتمه ارويها عن لاتجف
وجذورها المجدبه تقرا تفاصيلها

صدر السما منك ضاق الفارع المنكشف
ونجومه المشكله تبكي بهاذيلها

لو كل من كان يخطي يرجع ويعترف
ماشفت فرقى ولاتسمع مواويلها

وانا مجدي مسار العاقل المستخف
واجدي النجمه الي ضيعت ليلها

[سعد بن عادي]

من باب قطّع دنيتك فلّـة حجـاج
قررت أعيش احزانها با أبتسامه.!

[سعد بن عادي]

:

وشلون أبسكت والمسآ الآحمر ينادي رغبتي ..؟
تعآل يا إحساس القصيد العذب يا الصدق الكذوب ..!!
ورّد على القاضي .. وأنا بعْدِك بورّد حجتي ....!
وحده من الثنتين يا أما آتوب وألا أنك .. تذوووب ..!

[سعد بن عادي]

للايام والدنيا على قلبي جميل !

[سعد بن عادي]

جاني ، وشايل من الورد الحمْر ، باقه
وإحترت .. مدري من اللي شايل الثاني !