[سعد بن عادي]

الحياه .. ايام تتبعها .. الليالي = والليالي تطوي الآيام .. معها ..،
عمرها ماجات كنز ورأس مالي=فانيه بـ أفراحها والاّ وجعها ..،

[سعد بن عادي]

صحيح الحبّ الأعمى خالقه ربي بدون عيـون=لكنّي شايف اللـي فيـك يـا خلّـي محبّبنـي
نزاهة روحك و ندرة وفاك وعرضك المصيون=وطهارة قلبك وسطـوة حـلاك اللـي معذبنـي
وذكاك ومنطق أسلوبك لا سولفت بغلا مجنـون=هذا غير الوصوف اللـي مخبيّهـا وتعجبنـي
أنا ما ودّي أبحث في خبايا الشكل والمضمـون=أقول المختصر .. كلّك على بعضـك تناسبنـي
أناظرك وتناظرني ونظـرات العيـون تمـون=لا قمت أسألك بعيوني .. وبعيونـك تجاوبنـي
أحبّك كثر ما قلبي يـدق وخاطـري مشحـون=وأحّبك كثر ما طيفك علـى طاريـك يجذبنـي
وأحبّك كثر ما شابت من لحون الغـرام لحـون=وأحبّك كثـر مـا تقرانـي عيونـك وتكتبنـي
رميت بفلسفة عشقك على سقراط وافلاطـون=ولا فكوّا رموز ٍ في غرامـك بيتهـا مبنـي !
تغيب ويمتلي صدري من الشوق ويضيق الكون=تقول أنّك مـع غيابـك عـن الدنيـا مغيّبنـي
أخذني معك يا سيد الحبايب لا تقـول شلـون=على كف المحبّه ودّني فـي قلبـك وجبنـي !
لا تتركني تحت رجوى وصالك والجفاء ملعون=عقوبه .. مالي ومال العقوبـه .. لا تعاقبنـي

[سعد بن عادي]

فراغ العاطفه قاتل .. و روتين الحياه / مْخيف !=سهر / حرمان / هم / وقافيه مغقود ( ملهمـها )
عبث نبحث عن خيوط الأمل في وسط بحر الزيف=مشاعرنا " شتات " ولالقت منهو [ يلـملـمها ]
نعيش الحب ، وأصل الحب ماله عندنا تعريف !=و يصبح حبـنا ، لوحـة غرام ٍ ( مات راسـمها )

[سعد بن عادي]

تحفه هالبنت ههههههههههههه

[سعد بن عادي]

,’

للصدر بوح وللمدامـع سواليـف
وللسجه اللي كل ساعـة حكايـه

كتمتها ليـن أوقدتهـا الصواديـف
ورويتها والحـزن صـوت الروايـه

عن ماخسرته .. قد قطعت التحاسيف
ليه اتحسـف والعمـر .. فالبدايـه

أفنيت حالـي بالبـذل والمعاريـف
و لاطلت غير جحودهم فالنهايه ..!

الحل اصد وصدتـي صـدة معيـف
وأقفي .. وهم أدعي لهـم بالهدآيـه

..

[سعد بن عادي]

.
.


لا تبني المجد في حلمك وتستانس
المجد في واقع .. الدنيا ماهو هيّن


.
.

[سعد بن عادي]

.

صمتي وتفكيري وجرحي والايام

تجمّعت ضدي وانا كنت غافل

حفلة مواجع قسّمت صدري اقسام

منها عرفت إني للاوجاع كافل

.
.

[سعد بن عادي]

:

:

قرّرت األف كتاب .. اسمـه (كفايـه قلـق)
يحكي عن (الإختناق)، اللي يُسمى (هـوى)

اللي نعيشه (ظلام) ونحسـب انّـه (فلـق)
وهو قوافـل (جـروح) وماعليهـا (دوى)

يقراه مطلق ، على نايف وسيـف وطلـق
وتقراه عليا ، على جـود وشمايـل سـوى

مخلوق ، وجّه معاليقك علـى اللـي خلـق
وان قلت : قلبي لشخص ، اقول : مالك لوى

لاصار الإنسان ، من مـاءٍ مهيـن وعلـق
وشلون ! يحيي وهو مخلوق .. غصنٍ ذوى

وان كان .. ودّك ترى للقلـب نـور وألـق
ابعد عن الشر ..واقرب من عدود الـروى

:
:


: