![]() |
|
خيارات الموضوع | ابحث بهذا الموضوع |
|
. .. عمت مساءاً : ياضميراً يملأُ المكان في يوم من زمان يسولف لي زميل من أهل الجنوب كان ساكن تبوك وجيرانهم رشايدة ... يقول : أنت منت زي رشايدة تبوك ... أِنتَ تستخدم (كلمة ضرب) وتقول : (ضربني أو أضربك ) أما ربعك في تبوك (كلمة ضرب) ممسوحة من قاموسهم حتى عند عيالهم الصغار أذا أحد ضرب ولد رشيدي بتبوك وبكى تلقاهـ أذا أشتكى مايقول : فلان ضربني يقول : ( فلان ذبحني )_* يضحك ويقول : أنت تدري !!! أن (كلمة ذبح) ممنوعة حتى في الحروب العالمية حتى كلمة ( قتل ) تحسها أخف وأهون من الذبح / يآآخي خافوا الله في مفردات عيالكم_^ أنا يوم قال حتى عيالهم الصغار أذا أحد ضربه بكى سرحت وقعدت أتخيّل : ورع يبكي وتهاويله مالية كم ثوبه ^_^
|
|
. .. في صباحٍ تعلق بــ شهر آب لقيت الأخ باسل الرشيدي عند ركن الجرائد سلمت وقلت : أكيد تدوّر جريدة الوطن أو تدوّر جريدة المدينة لبى أحبابك وعلى ساكنها أفضل الصلاة والسلام قال بتعب : والله لاهذي ولاهذي لكن أبي جريدة الأهرام فيها خبر ودي أقراهـ قلت بنص عين : آوووخص يعنني محمد مرسي رشيدي ومن الجماعة ههه قال بدون مايلتفت لي : يآآرجال لاتدقق حتى أنت رشيدي <<<<< كان هناك جبهة ^_^
|
|
. .. مدخل دقيق الى دقيقة / # أين الخلل رغم تشابه الفلورز بينك وبين أحد متابعينك الأ انك تغرّد من بنات أفكارك وتخرج برتويت ومفضلة ويأتي هو بعدك ويغرّد نفس تغريدتك ويحظى بــ 7 رتويت تغريد جليل الأدب / د / محمد الهبدان يقول : أذا كانت المرأة مأمورة بالستر التام أمام ربها في صلاتها وليس عندها أحد فكيف تلبس الفاضح من اللباس أمام النسآآآء ؟!! دريشة مكسورة / التويتر غابة والتغريدات أشجار والمغردون طيور والفلوز أوراق خضراء والرتويت نقطة ماآآآء والهاشتاق : أغصان أبتدعها ـالتويتر لـ يغرد منها جميع المغردين معا / ويشبه الى حد ما مواضيع المنتديات ودونه يصبح كل طير في شجرة ويغرد وحيداً على ليلاهـ كأن فكرته شعارها : [لست وحدك فنحن نسمعك] والتويتر لم يستطع حتى الآن إيجاد حلول لـ سلبياته كأنتحال الشخصية أو مواجهة الأستخدام السيء أو الخلل أعلاه ولم يجد (الطويطر) حل سوى لمشكلة : سرقة التغريدات وكشف صاحبها الأصلي ورغم كل هذهـ السلبيات لازال التويتر من أهم مواقع التواصل الإجتماعي بسبب # الهاشتاق فـ أذا ظل التويتر صامداً ولم يأتي مارد يكتسحه فـ تأكد أنه بسبب هذا # الهاشتاق الذي يجمع جميع الطيور (المغردون) ليغردوا معاً على غصن واحد ... وعليه : أحببت أن أوجه حديث لمن يهمه الأمر في شبكة عبس في المنتدى ... مافيه مجال كبير أو مكان للكتابة مع الجميع مثل الهاشتاق في التويتر ماعدا : قسم الالعاب تقدر تشارك فيها مع الجميع / وموضوعين في الأدبي / ومواضيع يتيمة في قسم الصور / وموضوع واحد في القسم العام والمطلوب : [رفع كل المواضيع التي يستطيع الأعضاء الكتابة فيها وتثبيتها] ملاحظة : فيه موضوعين كانوا في ملتقى الإعضاء ومركين هذا القسم فجأة تم نقل الموضوعين الى قسم الإلعاب والتسلية ... ؟؟؟ وأعتقد من زماآآآن ماعاد شفتهم في شريط المشاركات [أهدى ثلاث باقات ورد + يافلان في خاطري كلمة] ولا أدري على أي أساس نقلهم الى الألعاب ؟؟؟ صالة بدون درايش : تقول أخصائية إجتماعية وتربوية : هروب الاشخاص للتواصل الكترونياً قد يكون بسبب الحرماآآآآآآآآن الإجتماعي وعدم وجود روابط إجتماعية فيما بين الأشخاص وعدم كفاية الشخص من التواصل إجتماعياً بالواقع قد يجعله يلجأ للبحث عن عالم افتراضي كالنت والتويتر كما يضيف البعض ان من إسباب الدخول الى النت الأختناق والبطالة والشعور بالملل والفراغ ^ ^ ^ معقووولة ؟ كلنا نعاني من هذه الأشياء ؟؟ أعتقد ان هذا الكلام مستهلك وغير صحيح والنت أصبح معنا في كل مكان في المنزل في العمل في الشارع حتى عند الإشارة مشكلتنا مع أهل العلم أنهم يعيشون في عصرنا
الذي لايعرفون عنه كثيراً ويتعاملون مع حالاتنا بالتنظير فقط لاغير ولم ولن تتغيّر تحليلاتهم أبداً
|
|
.
.. كان عندي سؤال سألته كل من قابلت ولا لقيت جواب في الأخير نفس السؤال سألته أخوي الكبير ... قلت له : مرت سنة والعالم مزعجيناآآآ في كلمة زمن الطيبين حتى من لم يعش ذلك الزمن أصبح يدّعي العيش فيه ويقول في كل مناسبة : يكفي أني من زمن الطيبين وهذا ظلم كبير لـ هذا الزمن الحاضر الجميل / عشان كذا : آبي شيء واحد كان موجود في هذا الزمن وزمن الطيبين ويتفوّق فيه هذا الزمن الحاضر المظلوم على زمن الطيبين ؟؟؟ قال : سؤال بسيط / في زمن الطيبين أذا شفت سيارة على الخط الجآآآي تكبس بالأنوار معناها / إشارة انه مروّج مخدرات ويعرض عليك انك تشتري ... وهذا شي شين أعوذ بالله أما في زمنا الحاضر المظلوم أذا شفت سيارة على الخط الجآآآي تكبّس بالأنوار معناها / أن قدامك " ساهر " فــ أنتبه وخفف السرعة ... وهذا شيء حلو الحمدلله *_*
|
|
.
.. ![]() ياأرض تلكئي ولاتبلعي المطر حتى لاينحسر وأنا سأقطع الضوء عن المكان ... (تخيّل) وحدك في سكون ليلٍ مظلم وبرد مطراً يهطل وحدك وسط أرضٍ لاتشرب الماء حد الغرق أذا سكت تموت في صمتك مرة وتموت بالصبر مرة وتموت بالثلاثة من القهر وأذا صرخت هطل من عيونك مطر وزاد الثرى عزاً من غرقٍ على غرق وأنت في غرق وأذا ناديت أسمي من خوفك / جيت بالظلما لعيونك طافي / وشبيت لك سلك النور وسط المآء_* وأذا بكيت من التعب / طفيت سلك نوري/ وسولفت لك وسط الظلما كل سواليف الجن_^ وأذا نسيت خوفك والتعب / هداك رب البشر سايق المطر وسميت باسمه وقريت : [ وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُواْ لِي وَلْيُؤْمِنُواْ بِي لَعَلَّهُمْ يَرْشُدُونَ ] بعد الدعاآآآآآآآ ... مافيها كلام ينقشع الظلام ويجيك النور من الله غصب ماهو برضاي والأرض تصحى من النوم وعلى طول تفطر وتشرب مآآي وتطلع متقبعة شمس ولابسة ثوب أخضر وفاكة الشعر وتمشي وتمشي والنوارس حولها تطير / والكواكب أول ماشافوها مشوا وراها لكن الأرض ماتحب ولا واحد فيهم لأن المريخ الاحمر أملك عليها ^_^ # لاتزعل يوم بغينا نكهربك وسط الماء بالسلك وترى نمزح يوم ودنا نخوّفك بسواليف الجن ترى كل الكلام مزح وجآآي يركض بسرعة_^
|
|
. .. عن إذنك شهاليل ودي أرحب بزايرين الليلة لأن لي زاير وحيد دايم يجيني وأكيد أنه بين هالزوار عآآآد حبيت أرحب بالجميع ... منورين مرتين المهم ... في تاريخ العالم بعض القصص لولا الشعر لأندثرت وتناساها الرواة كذلك في حياة كل انسان منا مواقف عادية تمر مرور الكرام لولا بعض الكلمات التي جعلتها تستوطن عمق الذاكرة هذه المواقف الموشحة بقوة الكلمات تجاوزت أرث الذكريات وأصبحت كالأهرامات متمركزة في ذواتنا منذ بواكير الطفولة لازلنا نذكرها كاملة حتى يومنا هذا لكن بعضها مغلق للخصوصية وأحيانا يتم تسريبها ماأمكن أذا شعرنا بفائدة كلماتها (1) أحد هذه المواقف الراسخة في الذاكرة يرويها أحدهم بلسانه ويقول : في يوم من الايام تهاوشت أنا وأخوي في البيت وتلاحقنا من الصالة الى الحوش وتقاجئنا بوجود الوالد ومعه ضيف في المقلط قدام الحوش ... فغضب ونادى علينا وطلب من كل واحد فينا يجلس بزاوية في الملقط حتى يقضي امراً كان مفعولا الضيف كان أكبر سناً من الوالد ويعتبر غريب بالنسبة لي ولأخي لأنه من قبيلة أخرى / أول مرة يزورنا جلسنا وألتفت لنا الضيف بنظرات كالسهم وبصوت واضح جدا دون الرفع وقال : أخوان وتهاوشون ماتستحون / عيييب / بكرآ كل واحد يكبر ويصير له بيت وعايلة وتزورون بعض مثل الضيوف كل واحد كأنه غريب عن أخوه ... (أنتهى كلام الضيف) هذه الكلمات وقعت على رأسي الصغير أنذاك كالصاعقة واجتاحني تفكير متعب جدا مدجج بحراثة صيغتها (كيف): ياالله كيف ... ؟ وشلون اخوان ونصير مثل الضيوف وغريبين عن بعض ؟ يعني : أذا كبرنا يطلّعنا أبوي من البيت / وأصير أنا غريب وأخوي بعد غريب أو يقصد : أني أذا كبرت يصير لي بيت وعيال وسيارات ويتغيّر أسمي وقبيلتي ويصير أسمي فلان بن فلان بن فلان من قبيلة الفلانية غير قبيلة الرشيدي وأخوي يصير له عيال وبيت ويصير من قبيلة ثانية غير قبيلتي أجل : الناس ذولا كانوا أخوان ويوم كبروا تغيّر كل شي فيهم ياالله يعني : هذا اللي عند أبوي بالمقلط كان هو وأبوي أخوان بس يوم كبروا تغيّروا وصار كل واحد غريب واليوم جانا ضيف_* طيّب ... عمي كيف صار أخو أبوي / ليه ماصار غريب مثل الضيف ؟ كل هذا التفكير المتعب أستطعت في تلك اللحظة أن أتخطاهـ بحزم وأستطعت أن أجد لي مأوى في الصحراء بعد إخراج أبي لنا من البيت وأنتهيت من معاهدة نفسي بأن اترك المدرسة وأعمل وأشتري بيت وسيارة وأتفقت بيني وبيني ان كان اخي يريد ان يسكن معي ... موافق .. بس لازم يدفع _^ وأقسمت في تلك اللحظة الحاسمة ... أذا سكن معي وتهاوش معي ... والله أطردهـ لكن السؤال الذي لم أستطع ان أتخطاهـ في تلك اللحظة القاسية على عقلي والذي فجعني بقوة وأنقبض له قلبي ولم أستطع حسمه بسرعة والذي أرهقني لدرجة النوم في الملقط والضيف موجود هو : أمي ... من ستختار قبيلتي او قبيلة أخوي ؟ *_* أعتصرني الخوف والتفكير في لو أن أمي أختارت أن تكون مع قبيلة أخوي الجديدة فبدأت أغيّر في بنود المعاهدة مع نفسي وأعيد صيغة القسم المذكور أعلاهـ وقلت في نفسي / أذا أخوي يبي يسكن معي ... عآآآدي وبدون فلوس بعد وأذا ماعنده فلوس أعطيه بدون سلف / وأذا أخطى علّي ماني راد عليه وأذا جاني وهاوشني بأقوله : ترآني ساكت لك عشان أمي فاهم ياآ؟؟؟؟ وأذا زعل وقال : والله أخذ أمي ونطلع من بيتك ... بأحاول انصحه واقوله : ياآخي أنت ليش تحب المشاكل / ترى المشاكل محد يحبها وأذا زوّدها وزوّدها معي مرة مرة من جد زوّدها ... والله لأعلم عليه أمي _* هِنا ... أتركوا جميع ماذكر من هذه الوشوشات السرية وتأملوا فقط نصيحة الضيف بسبب هذه النصيحة الفكرية الرائعة التي قالها ضيف غريب وسط دخان الغضب لازالت ملامح وشوشة (والله لأعلم عليه أمي) محفوظة في مستودع الذاكرة هاآآ ... وش رآآيك في وشوشة (والله لأعلم عليه أمي) ... حلووة ؟
والأ تبي أقولك مواقف صريحة ماهي وشوشة ... ترى بكيفي_^ والأ وش رايك أقولك عناوين لـ مواقف واضحة وانت تشوز منها ياللا طب وتخيّر / تبي أقولك موقف (الزاير اللي قال ياحظك) أو موقف ( لقيته بالليل ) او موقف ( حزن حرف الهاء ) والأ اسكت ولاعآآآد اطلع شي من الذاكرة أبد أبد_^
|
|
. .. عناقيد ... هالأيام مدونة سكووون في مكان مرتفع ومنسي ومعزول ونادراً أحد يمر فوق من هيئة المنتدى خصوصا هالوقت أو بالليل وحتى لو تمر سيارة على الخط صدفة أشوف أنوارها من بعيد حتى المكان مافيه أحد وأكثر أهل المكان هالوقت نايمين الحين واللي زاد سكون عزلة انه على أسمه سكون وهدوووء مرة أحياناً أشغل دي جيه وأتنكس لحالي على قولة الغالي وأغني ... آآآو نعنبو الحب مشاني على أقدامي / والمسافة بعيدة بس ماأحلاها_^ والله ماأحد يسمعني ولا أحد درى عني لكن انت ياعناقيد التوت ماشاء الله عليك من أسمك الى شجاعتك ... كيف جيتي ... وأنتي بنت ... لحالك ... لـ مكان ماتعرفين أهله ... مكان منسي ومعزول / في الليل / والطريق فوق مثل طلعة الهدى يخوّف ... وتوقف بعد ومامعك أحد بدون خوف وسط المكان وتلفت ولاهمك أحد ... ماشاء الله ذكرت الله ...يمكن تستغرب كلامي لكن عشان تصير بالصورة بأقولك : (هل تدرين) أن غيرك يدل المكان ويعرف أهل المكان زين لكنه مايقدر يجي لا آخر ولا أول الليل ... ولا أدري ليه ؟ (هل تدرين) أنك سويت اللي ماقدر يسويه رجال بأشنابها ههه (هل تدرين) ان اللي مثلك أذا نوى يمر مكان مثل هالمكان يقعد يتنفس 24 مرة ويسكر عيونه ويحط يدينه على قلبه ويبلع ريقه كنه داخل وادي الهلاك وأذا دخل غمض عيونه بقوة وأول مايدخل يفتح عين وحدة وبعد هذا كله يندم أنه مر كنه قاطع حد من حدود الله هههه شكلي أقلقتك بالكلام وأنت أول مرة تجيناآآ لكن أعذرنا وخذي هذي بوظة لك أنت مني هدية ... منوّرة 7 7 7
|
الكلمات الدليلية (Tags - تاق ) |
لايقولون شيئاً, لكنك تشعر بمايفكرون |
يتصفح الموضوع حالياً : 1 (0 عضو و 1 ضيف) | |
|
|
![]() |
||||
الموضوع | الكاتب | القسم | الردود | آخر مشاركة |
سكون الليل تصميمي | أنفاس الفجر | منتدى التصاميم والجرافكس | 22 | 10-12-2011 08:04 PM |
سكون الليل * حامد زيدان* | سلطان | منتدى الشـــعــــر | 7 | 25-12-2008 01:30 AM |