[فضي البراك]

أستأذنك .. لحظه دقايق بخليك=باأروح أبشر عالمي في قدومك

[فضي البراك]

لك وقت متغير على قلب مغليك؟=وإلا الحقيقه عايش أرجي (غيومك)

[مرآهيش]

حبر العتب .. لو سال في دفتر اللوم=يمّديه جفّ .. ولا وصل شخص غالي
،.،

دكّت ( مجاهيم الجفا ) .. مغرب اليوم=وأزريت أنوّخ ركبها في خيالي
،.،
يا صاحبي .. والحلم ما يبغي نجوم=لو لا القمر .. وش كان حال الليالي
،.،

( غصن اللقا ) .. ما عادت طيوره إتحوم=وفصل الغياب .. يجفف إللي بقا لي
،.،
الحزن عاري ... لو لبّس ضحكي إهدوم=ويبان بــ / أطراف السوالف مقالي
،.،
( قيض السهر ) يجلب معاصير وسموم=ولا أشوف إلا ( خفوقي ) قبالي
،.،
أنشدك ... ليه البعد يحتاجنا دوم .؟؟=ويموت بعيون الإجابه .. سؤالي
،.،
علّقت من شعري على صدرك ( وسوم )=إلين كل ٍ عن وصوفك حكالي
،.،
وأهديت لك قلبٍ ( قوي صبّر وعزوم )=وأهديت لي ريح ٍ إتبعثر رمالي
،.،
ولو ما كتبّت إللي بــ / صدري .. من هموم=ما كان كل عاشق جريح ٍ قرالي
،.،
ليه أنتظر صبح ٍ غشا وجهه غيوم=وأنا بعيش الليل كله لــ / حالي
،.،
وما ضنتي بلقى بعد غيبته ( نوم )=من ياخذ عيوني .. ويرقد بدالي .؟؟

[فضي البراك]

طمعت بك كلك ولا جيت نصك=وسويت لك في عالم الحب دوله

[فضي البراك]

ماألومني فيك وأنتي قسوتك تغري=لا صرتي مابين وجداني وتفكيري
من (بسمة) عيونك وماني على خبري=رحت آتحرى من عيونك تباشيري
هذي طواري عناي وسالفة صبري=آسف على لهفة أنفاسي وتقصيري
آخر كلام المشاعر يابعد عمري=والله مافيه أحد يستاهلك غيري

[مرآهيش]

أرض الشعور إللي هجرتيه .. قفرا=ما مرّها من عالي القرب .. غيمه
،.،
وأوراق موعدنا ... من العام صفرا=( الله ... يا ذكرى السنين القديمه )

[مرآهيش]

وأتنفّس رغم هذا الضيق ... في صدر المدينه=وأتبسّم ... حتى لو ما بّه عصافير وأغاني
،.،
وأنتي أنتي .. مثل ما أنتي .. ولكنّك حزينه=تربكيّن الدمع .. ويّل الدمع من ضيق المحاني
،.،
صح أنا ما إخترت أكون إنسان يمكن تعشقينه=بس أنا ما إخترت أكون إلا معاك إنسان ثاني
،.،
كنت أقول البحر ما ينشّد عن هموم السفينه=صرت أقول الحيّن ... دلّوني على وجّه المواني
،.،
آه .. وإللي خالق ٍ بي صوت ... يصعّب تسمعينه=ما قطفتك ( لحظة ٍ حلوة ) من أغصان الثواني
،.،
أشّبه إحساسي ... ولا أشّبه هذاك إللي تبينه=شاعر ٍ من ضعّت عندك ... ضاع يوم إنه لقاني
،.،
أشّبه إللي مرّ في صدري ... وأنا مدري حنينه=مثل هذا الفرح ... هذا الجرح لا منّه بكاني
،.،
أنسّكب لك شي مثل المّي ... يمكن تشربينه=وأرتوي بّك شعر .. مثل الشعر لا منّه دعاني
،.،
مثل هذا الحزن ... هذا الحزن لا مرّ بـــ / سكينه=مثل هذا النور ... مثل شعور من يدّي خذاني
،.،
مثل هذا إللي يدوّر في يدينك .. عن يدينه=مثل هذا إللي يمرّ الحيّن ... كل إللي قراني
،.،
مثل هذا إللي يحّث إخطاه .. ما تلحق سنينه=مثل هذا إللي تشوفي ... كيف لو شفتيه جاني .!!
،.،
شاعرك ... لو ما تنفّس ضاق به صدر المدينه=شاعرك ... لو ما تبسّم ... كان ما رفّت أغاني
،.،
إفتحي قلبك وشوفي ... وش ورى دمعات عينه=يمكن تحسيّن باللي ما قوى ... ينطق لساني
،.،
لا يمر ّ الحزن مثل إللي يمرّ ... وفي يمينه :-=قلب ما تنبّض سنينه ... مثل نبضات الأماني
،.،
من يقول الصبح هذا صبح ... وأشياءه حزينه .!!=من يقول الناس مثل الناس ... ما حّس بحناني .!!
،.،
الحزن ... ما هو مثل ما أشّعر ... وأحسّك تشعرينه=الحزن .... ( لا جيت أدور لك .. وأنا أجهّل مكاني )

[مرآهيش]

موجَه الخطوه على وين مدري= لكن مـاشي .. والليالي / .. مقادير
يمكن يضيق من الحزن نبض صدري= لكن لـ عل مفارق وجيههم .. خير
فـ إن شفتني مبعد فلا تقول بدري= بدري من ايامك .. انا رحلتي / غير