[سعد بن عادي]

يضيع نص الليل ما ادري وش احتاج
بيني وبين شتات فكري تحالف
لا قلت ضمة من توده لك علاج
شوقي يرجح حاجتي للسوالف

[سعد بن عادي]

كم دمعة ٍ طاحت على خد جوال
واصبر وانا بين الرشا والمحاله
واضحك وتسعدني تعابير الاطفال
وافرح ليا رحنا سوى للبقاله

[سعد بن عادي]

راح ثلث الليل تفكير وطواري
ااه يا شين الزعل من دون سبه
في صحيح الشيخ مسلم والبخاري
قد سمعتو شي عن حكم المحبه !!

[سعد بن عادي]

حزني خذا بالوقت دور البطوله
بطـولـة مسلـسـل بـدايـة غيـابـك
كسَر مجاديفـي بيسـر وسهولـه
وأقسى كلامي للحزن مرحبابك

[سعد بن عادي]

متواجد

لكن للأسف مت/وآجد

[سعد بن عادي]

الشعراء الاكثر ايصالا للفكرة بالنسبة لي من يكتبوا ابيات الشعر ببساطة لتصل للشاعر والمتذوق والكبير والصغير .

لعل الاذواق تختلف من شخص لاخر لكن لايختلف احد ان البساطة مطلوبة لايصال المعنى الا في حالات ( الدفن )

[سعد بن عادي]

في غيابك كل يوم تموت شمعة
شد حبل وصالنا , وش فيه راخي ؟

كان قصدك فالغياب تشوف دمعة
مابقى دمعة عشان تطيح ياخي ..!

[سعد بن عادي]

غبت أنت وأصبح كل هالكون منفى
مدري أكمّل وين باقي سنيني ؟

خذني قبل يقتلني الضيق تكفى
أنا تعبت وصرت ماعاد أبيني ..!