[أبو فايز العويمري]

المقرد ماوراها فلاح مقردي = القشر من طبعها والسعد منها قليل
والعماوي يعمي اللي برايه يقتدي =ومن عماه ايفكر انه على علم اودليل
ومن تلمس للسعد بالشقاء مايسعدي= ولاينال الخير من عاشر اللاش الذليل

الشاعر معيتق العويمري

[فواز الدواي]

الناس احد يجمع واحد عضو تشتيت ,,,, ومن لااحترم مشاعري ماحترمته

[بنت العبسي]

ياللي زعلت إزعل ولاني بمرضيك
إشرب ماء من البحر إن كنت أراضيك
لا تحسبني عقب صدك بداريك
أبعزي نفسي عنك مدراك مدراك
ياما من سنين وأنا تحمل تغليك
راضي بتعذيبك لأجل قلبٍ أغلاك
خليتني واليوم والله لأخليك
وأدوس قلبي لين يقول خلاك
قبل توريني الحسايف بوريك
لين قالوا فلان هانك ووراك

[عبدالعزيزالعويمري]

عسى العمى ياخاين العهد يعميك
لينك تندم ليه غيرت ممشاك

وعسى المنام وكل راحه تجافيك
آمين حتى اللي تمناه يجفاك

وعساك ماتسمع قريباً يناديك
حيثك تجاهل صوت محروم ناداك

[بنت العبسي]

دام الرجاء لي فيك ما يعرف الياس
ليه انتظر موتي وأنا فيك موجود

[عبدالعزيزالعويمري]

وش بلا الدنيا تفرق ماتلم
كل يوم تاخذ وتمحى حبيب

[بنت العبسي]

أنا لا جتني الزله من الجاهل وهو كذاب

تركت القافله تمشي وراها تنبح كلابة

تري بدري علي مثلي يعيب وساسها معياب

ياليت اللي يعيبني يستر ثيابه..

[عبدالعزيزالعويمري]

أول أقول المـوت فينـي ولافيـك
...................واليوم جعل الموت ياخـذ حياتـك




دامك تبيع انسان بالكون شاريـك
...................موتك ولاتوهـم لغيـري صفاتـك




فيني مشاعر كل ماانساك تطريـك
....................تلعن وفاهـا يـوم لاقـت رداتـك




وقف دقايق واذكر اللـي يواسيـك
..................جفف دموعك قبل تاصـل شفاتـك




تذكر تجيني تبكي الظلـم وابكيـك
..................واشيل جرحك "اجبرتنـي غلاتـك"



وإن غبت عني كل مابـي يناديـك
...............حطمت حلمي ورحت ألبي امنياتـك



ادري الجمال وسود الأهداب كاسيك
................لكن حسافه .. عكس وصفك خفاتك




ياما رجيتك ودمع عينـي يحاكيـك
............طاوعت نفسك وكلمتي اليوم جاتك



مابيك انـا بدنيـاي والله مابيـك
.............رح ياعساك بجرح ينزف شقاتـك




واول أقول الموت فينـي ولافيـك
.............واليوم فرحي " ينولد في وفاتـك