[(ابوعواض)]

فات عيد الفطر ماشفت البعيد
0000وعيد الاضحى فات مثله مـــثــل اخـــيـــه

:

شفت في عيد الفطر حزنٍ فريد
00000وشفت في الاضحى الحزن وامه وابيه

فاتت اعياد السنه ذي عيد عيد
00000والشقــــي يــــاكل من الحسره ايديه

مابقى للصبر في صدري رصيد
000وكــــل بــيـــتٍ قــــد كتـــبــته حزن فيه

دام ماللعمر من يضمن مزيد
00000000يــــانـــجـــوم اللـــيــل عني عايديه

قولي ان صويحبك عقبك وحيد
000000قـــولي ان الــــنــــوم عـــيـــا لا يجيه

[مرآهيش]

أفراح بعض الناس بالعيد عاده=تقيَدوا بالعيد .. واضحى مقيَد
..
وأنا (بشوفك) ذقت طعم السعاده=من قبل يآتي العيد وأنا معيَد

[فضي البراك]

دايم تفارقني قبل حزة العيد=وأقول : صدفه يمكن هالشئ وارد
وتوي عرفت المسأله بكل تأكيد=مايجتمع عيدين في وقت واحد

[(ابوعواض)]

أقول في نفسي وأنا أعايد الناس
متى بشوفك تكمل أفراح عيدي

أجامل وربي عليم ٍ بالإحساس
وشهو شعوري وأنت عني بعيدي

اللي خذاني لك على سهو هوجاس
حسيت نفسي وسط ربعي وحيدي

لو حسوا بما بي يقولون لاباس
بدال قولة على عيدك سعيدي

لاصرت عندي وقتي أعياد وأعراس
حتى ولو إني وسط سجنٍ حديدي

عاشرت خلان وتخالطت بأجناس
محدٍ سواك أهديته القلب بيدي !!

من تحت ما طا الرجل لي هامت الراس
كلش هويته فيك والله شهيدي

لقيت بك ذوقي وأنا قاطع الياس
ومعك بدا يحيا الأمل من جديدي

[(ابوعواض)]

الا يا دانة الدنيا عسى عمرك يعيش بخير
عسى عيدك فرح يافرحة الدنيا ومافيها

ابكتب لك شعر لكن اخاف يصير به تقصير
ولا يطلع بقد الشوق وايامه وطاريها

ابكتب لك شعر من راس صافي ما رضى تغيير
مباديه القديمه راسيه ماهو مجافيها

ابكتب لك شعر من قلب وافي صادق التعبير
يترجم سر نفسٍ وضحت لك كل خافيها

ابكتب لك شعر يرقص على لحنه جناح الطير
يغرد يوم بانت له ليال الود وصافيها

ابكتب لك شعر كله حروف محمله تقدير
على كف الغلا يمك يا بنت الورد اوديها

ابكتب لك شعر فاق بحضوره حرفة التصوير
على متن السحابه ينظر عيونك وناويها

ابكتب لك شعر لكن قصيدي خانه التعبير
الا وشلون يقدر ينظر عيونك ويوفيها

[مرآهيش]

كل عام وعيد هالامه بخير =عيدهآ عسآه عيد الأستفآقه
تصلح ويضحك لها الحظ وتصير=دون خوف ودون ذل ودون فاقه
الكبير يمرر اخطاء الصغير=والقوي مآ ينتهج نهج الحمآقه
مآهي أُمه عن شرفهآ تستخير=في مجونٍ والعدو قوًّى وثآقه
من عقب مآهي على المجد الوثير=مالهآ في قآفلة الأحدآث نآقه

[هذيان]

روح وين ماتشتهي رح قدر ماتقدر ..
انا أول أنسان في قلبك وانا الباقي !

[ابو ريماس33]

مدري بعيد الفطر اهني جنابك

........................ ولا اهــني العــيد بك يابن الاجــواد