[سعد بن عادي]

اصغر علومك بالمحبه كبيره
واكبر علومي بالهوى نظرة اعجاب
منك تهون الكايده والخطيره
الا الفراق اللي كذا ماله اسباب

[سعد بن عادي]

مـــن لا يـخـلّــد لـنـفـسـه صــيــت قــبــل الــهــرم
بـيــمــوت مــالـــه فـ: تــاريـــخ الــدهـــاة ورقــــــة
لا قيل : وش لك من الامجاد .. صابه طرم
تـلـقـى فــمــه مـنـفـتـح .. واعـيـونــه امبـحـلـقـه

[سعد بن عادي]

ياللي تسمع ،، كلام الناس ..!!
وكلمه،، توديك ، وتجيبك ..!!

لاصار ماأنته،، قوي الباس ..!!
ماأحدً من الناس ،، داريبك ..!!

[سعد بن عادي]

أصبح تويتر ،، مكان أدمان ..!!
بعد تعاطو ،،،،، منه جرعه ..!!

له خمسة سنين ،، وإلى الآن ..!!
فيه ،، اكتشافات ،، مخترعه ..!!

[سعد بن عادي]

تويتـر مكـانً فيـه مـن كـل شكـل ولـون
وكلً حسب نهجه وكـلً حسـب رايـه ..
وتلقى به الصاحي وتلقى به المجنون
أحد ماسكً دربه واحد غادي وتايـه ..

[سعد بن عادي]

اعظم مرض ،، مكروه من بين الامراض

هو الوحيـد .. اللـي يسمونـه الحقـد ..!!

واعـظـم وجــع مـؤلـم وتظـهـر لــه أعــراض

الله يخارجنا ،، هـو: الحـزن والفقـد ..!!

[سعد بن عادي]

.
.
.
يهزني شعره وذكره وطاريه
واتجاهله /واشتاق له لين اهابه
احيان احس اني بنبضة قوافيه
ما ادري غلا ولا يجدد صوابه

[سعد بن عادي]

.
الحب بعض احيان يا ثقل دمه
لا ارهى على حدب الظلوع يتهاونك
من كثر ما يرخي على النبض سمه
كنك تحس برمح جساس يطعنك
لو يقتنع في كثر موتى مجمه
ماكان شفته ياخذ اللي بقى منك
تدري وش اللي يوجعك منه همه
لا صار قلبك عملة ٍ مالها بنك
يطيح من حر الوجع ما يلمه
الا هجوس ٍ ليلها اسود من الزنك
ولا يحبك شخص ما انته بيمه
وانته تموت بواحد ٍ ما درى عنك..!!