[ذبحني غروركـ]

لو ما نطقت الجرح جرحي نطقني
لأيام قفت عن عيوني.. وراحت

هذا نصيبي من يدينك سرقني
لين الدروب اللي إجمعتنا تناحت

وهذا نصيبك وأدري إنه سبقني
اللي بروقه في سما الغير.. لاحت

الله رزقكْ إبنت والله [ رزقني ]
بالدمعه اللي كل ما إشتقت طاحت

[ذبحني غروركـ]

تطري علي المحبه .. والغرام الجميل ..
وليا طرت ؟ يكبر بـ / داخل حشاي الصواب !

يهب نسناس حبك بـ / الضلوع وتميل :
ولا مالت ضلوع صدري شب قلبي وذاب ..!

انت اول احساس يسكن بـ / الخفوق النبيل
وانت [ آخر ذنوب ] قلبٍ حب ذنبه وتاب ..!

[ذبحني غروركـ]

خلّوه يزرع فـي ظمـا العمـر .. ظنّـه
لو خاب ظنّي .. وإضمحّلـت مساعيـه
مانيب شاكي ... لو بـدّت مِنـه كنّـه
الله يجازيـنـي علـيـه .. ويجـازيـه

أَنا :
أعَرفه ! .. لو ما لفى عِلـم عنّـه .؟ّ
(غالي) .. يبّي يبحث خفا قلب غاليه .!

[ذبحني غروركـ]

ما كان ودي تموت احلامنا .. لكن
. . . . . . الحب .. ما عاد يستاهل علاقتنا .!

[ذبحني غروركـ]

مدري بتجريحك , مميز عن الغير
........... ولا الغلا عن حد سيفك خذاني !

بس الوكاد اني عشقتك وأنا بخير
........... وأقفيت عنك / ماني الأولاني

[ذبحني غروركـ]

،

حسبي عليهم ..،
............. كانهم ( يشغلونك )
عني وانا اتلهف وآحن لك / وآشتاق ..!

رح قل لهم ..،
.......... ليله معي ( يتركونك )
علّمهم إن زاد الوله صار / حرّاق ..!

آغار كل ..،
.......... ماشفتهم ( ياخذونك )
رح قل لهم منكم ترى / صدرها ضاق ..!

[ذبحني غروركـ]

,’


ماهو غريب عليك ولا علي ودك
.......... كثرت في الطعون ورحت متعافي



تاخذك الايام وتوديـك وتـردك
.......... يخونك الوقت وتعود على الوافي

[ذبحني غروركـ]

،

بخيل مايعطي ويبغاني اعطيه ..!
جحود ماكني ..،
......... نذرت له ( عمري )

اقدّره واخلق له العذر واغليه ..!
ويبيعني ..،
....... ماشفته بيوم ( يشري )


واليوم ماعندي عتاب ومشاريه ..!
نذرت بُعد ..،
......... ولازم اوفي ( بنذري )

بـ ارحل ولو تالي مشاويري التيه ..!
ونذر ٍعلي ..،
.... ما اطريه فـ ابيات ( شعري )