[سعد بن عادي]

حاول انك تعيش الحب مثل الاوادم
لاتضيّع سعدك بيّدك وتصير اناني
لاتخلي المشاعر بين باني وهادم
العتب شي واللي شايفه شي ثاني

[سعد بن عادي]

منيتي فالحياه اشوفها قبل امووت
يالله انك تحقق منيتي ياكريم
ذكرها بس؟ ينعشني وللروح قووت
واشهد ان الحياه بدونها ضيم ضيم

[سعد بن عادي]

اذا بغيت تميّز المبـدع علـى كـل اتجـاه

حاول تركز بس في عقلية اللي يمدحه

[سعد بن عادي]

أسج مـع حلـم السنيـن الأوايـل
وأتـوق لأفـراح الليـال المقابيـل
وأجاهد ظروفـي بشتّـى الوسايـل
وأقول ياربّي عليـك التساهيـل !!

[سعد بن عادي]

ماينفقد في غيابه الاّ السنافي
ولاّ الردي ماينفقد في غيابـه
وأنا فقدت من الاصاحيب وافي
وأتلا العهدبه يوم قفّت ركابـه
أدخل على الله يالليالي العجافي
من صدّة الطيّب وميسم عتابه

[سعد بن عادي]

اللـي لسانـه طويـل وصـدره ضويّـق
يربـط لسانـه بظـرس العقـل ويعقـده
لايرمـي النـاس دام جــداره رقـيّـق
ينقـد ويزعـل ليـا جينـا نبـي نقـده

[سعد بن عادي]

أفسح طريق المـوادع لا تعنيّنـي
خلاص خيّل جفاك ولاحت الفرقـا
يوّن قلبي عليك ولا بكـت عينـي
تعلّق الدمـع لا ينـزل ولا يرقـا

[سعد بن عادي]

كل ما مريت من ذاك الطريـق
كن قلبي قـال للضيقـه هـلا
وأتذكـر واتهيّـض واستضيـق
واخفي العبرات عن كـل المـلا
كيف ينساني وانا اغشى وافيق?
من غرامي كيف ماعنـده ولا?
قلبي اللي من سبب هجره غريق
في بحـر حبـه تعـذب وابتـلا