[كاتب الرشيدي]

هلابك يابن حيان


وسعدا بوجودك

وبانتظارك

وياهلا

[كاتب الرشيدي]

سهل الجنيني


بارك الله فيك

ويشرفنا مرورك

[مسندالعويمري]

اشكرك اخوي كاتب وكما اشكر رجل الاعمال على تقديمه الجوايز النقديه والتشجيعيه
والتنافسيه الشريفه ولكم تحياتي

المشاركه

كتبت الشعر في صفحة خيال وحل حلم وسـال=عن حلومن تحقق في عناق القـوم ملزومـه
تخيلتك خيـال اللـي تخيـل بلخيـال خيـال=خيالن شح فـي برقـه ورعَـاده وديمومـه
خيالن سار بي صوبك وفي لحضة وصولك قال=طلع نور الفجر لابـد لعيونـك مـن القومـه
يطول الشرح وعجاج الخيال وشـي ماينقـال=نهاية رحلة الطرقـي ليـال أيـام محسومـه
شكيتك همي الصامت على مر الزمن لو طـال=شكيتك همي اللي لو خفيتـه بانـت وسومـه
يتيم من الفرح جفنن كبر والدمع دمع اطفـال=يتباها ويتصبـر و الحلـوم تفتْـر أعزومـه
اذا الحمله ثقيله والجمال الي تشيـل اهـزال=تبي تبقا مع أحمولن بقـت بلقـاع مردومـه
يقال الوقت مظلم فـي طيوفـه والدجـا لازال=أقول الشمس تبقا شمس فوق الارض معلومه
أضن الحيله الي مـا تبيـض جبهـة الحيـال=ضعيفه والضعاف بسوقها ماهـي بمسيومـه
وطن تبقا وطن غالي ويفداك العمـر والمـال=ولكن عزتـي تبقـا بقـدر وعـز مشيومـه
وطن تلقاني بجنبـك اذا بـار العميـل ومـال=وطن تبقى يدينه بيض لك ماهـي بمسمومـه

[المحيط الهادي]

بداية أشكر الاخ كاتب على طرح هذه المسابقة التي
أرى من وجهة نظري إنها حركت الماء الراكد ..
فأنا ومن خلال مشاركتي هذه لا أسعى لكسب الجائزة
بقدر ما أسعى لكسب رضى اللجنة الموقرة التي تتكون
من أسماء كبيرة نكن لها كل الحب والتقدير ..

00000000000000000000000000000000000

الارض كوكب بالفضاء مستقله=والشمس فيها ماتخاوى مع الليل
وسقف الكواكب ثابت في محله= من غير عمدان تشيله عن الميل
والناس فوق الارض تسعين مله=وفيهم من اللي يعبد الثور والفيل
ياكثرهم لكن فإرادة الله= في ثانية يقضي عليهم سرافيل
ياهاجس الشعر .. الحياة الممله =ثارت حفيظة متعب الجيش والخيل
تعال خذ دفتر خفوقي وفله= ولايزعجك فالصدر كثر المواويل
خذ ماتبيه ومايخالفك خله = وليا تعبت من العنا والمراسيل
ماكل دلو يروي اللي يتله= وشط البحر ماهو مثل ضفة النيل
البحر حلق المضمية مايبله= والنهر من ميه تزيد المحاصيل
لا والله .. الا علة الوقت عله = مافاد فيها الاخذ والحط والشيل
ودروبي اللي من ورا الضلع كله= قامت تلاقطها عيون الدرابيل
فالبال غصن ماكسا الارض ضله= ميت ضما وغصون غيره محاميل
ليت الثريا اللي بعيني مطله= تنشد لو أنه يوم عن غيبت سهيل
الشوق مثل ( الهيل ) والصدر ( دله )= والبعد ( جمر ) تفوح منه المعاميل
والمزنه اللي بالصدر مستهله= ياما سقت بيض الورق والمناديل
ياهاجسي لمرك الشوق قله= قدام لاتسفي عليه الغراميل
جسمي هنا .. والقلب يم الاهله= له بين جرات الكواكب مداهيل
مايجذبه للارض فندق وفله= ولا يوم شدنه تواقيع ( أبا الخيل )
لولا الغلا وزروع عمري وفله=لقطع عن العالم دروب المواصيل

[كاتب الرشيدي]

لا شكر على واجب


سعدنا بمشاركتك


واتمنا التوفيق للجميع



واستلم



وياهلا

[كاتب الرشيدي]

هلا بالمحيط الهادي

بيض الله وجهك على هالمشاركة وسعدا



واتمنا للجميع التوفيق

بجهود اللجميع وصلنا النجاح


استلم



ويهلا

[ابن سعيد]

ألف شكر لصاحب الفكره

ولكل من ساهم في تطويرها

ولكل أعضائها

ومشاركتي هي

حاولت ألاقي في طريقي نهايات
لكن طريقي ماله أية نهاية

عانيت ماشي في طويل المسافات
الدرب مضلم ما صفى لي سمايه

وغرقت في وسط البحور العميقات
اللي نهايتها تحول بدايه

أعدل مساري ثم أطيح بمطبات
مدري ردى بالوقت وإلا ردايه

ومدري نهاية عمر وإلا بدايات
وإلا نوى صبري يبيح خفايه

بس الوكاد إني بحمول وضغوطات
نفسيّتي ضاعت وقفى هنايه

أجمع جروحي لكن أضيع بشتات
مبلي ولكن مدري وش هو بلايه

بعض الجروح أضفها في ملفات
والبعض منها تنكشف من عنايه

أحيان أهل الدمع عبرات عبرات
وإحيان أرد الهم لأقصى حشايه

ذقت الشتيمه والقهر والتفاهات
والخوف عذبني وزوّد شقايه

لو قيل لي مجنون عشت بقناعات
وبحثت بالدنيا وألاقي دوايه

لكن لأنا مجنون بين الجماعات
ولا عاقلٍ يسلك طريق الهدايه

صحيح غارق في بحورٍ غويطات
بس ودي أطلع دون ما أنظر ورايه

يالله السلامه كان فيها سلامات
واسلم من دهورٍ تسبب عمايه

هذي دروبي كل أبوها خطيات
بس لازم أمشي يا عرب في خطايه

وحكايتي ما مثلها بالحكايات
وهذا ترى موجز عن أصعب حكايه

نهايتي بالدرب مثل البدايات
وبدايتي ما مثلها إلا النهايه



الشاعر / ابن سعيد
عبد الرحمن محمد سعيد الرشيدي

[أحمد بن سلهود]

شكراً على هذه الفكره وشكراً على الدعم

وهذه مشاركتي

القصيده:

مرهب أطعوني

هلا باللي سرق حزن الزمن من نظرة عيوني=وخلا نظرتي بيضاء لوقـتٍ كـان سـوداوي
أناظر في وجيـه الخلـق وألقاهـم يهنونـي=وأنا قبلك تجي ذيب الهلاك بمهجتـي عـاوي
تلحقت برمق وقتي وعـاد المـاء لعرجونـي=بعد ذاك الجفاف اللي جعله من الضماء ذاوي
رزقني فيك ربي مـن دعـاء نـاسٍ يحبونـي=وقف حظي على حيله بعد ماطـاح متسـاوي
حبيبي عادي التحطيم مـن نـاسٍ يحسدونـي=لأن أكثـر عبـاد الله لا ترحـم ولا تــاوي
عيوني منك أنا صرت استشف الكحل بجفوني=وإذا به شخص غاوي بالمحبه فيك أنا غـاوي
تعال أجلس على عرش الغلا يا مرهب طعوني=لهيب الشوق عاث بداخلي ويـدورك ضـاوي
تضلل عن وهج حره بضل القلب وغصونـي=ولا منه ضـواك الليـل دور فيهـن مخـاوي
عصافير الغـرام بشجرتـه قامـوا يغنونـي=تصدر من نهر حبٍ عليه الضامـي الـراوي
صدح صوت الغرام بمنبرك يا محرك شجوني=واحس أعضاي مطربها بصوته حضرة الراوي
الآ ياململم شتات السكون امشتت اسكوني=تزلزلني بفرصاد الشفاة اوحكي شرقاوي
حبيبي شف غلاك اجتث عرق الياس من كوني=وخلا نظرتي بيضاء لوقـتٍ كـان سـوداوي