[سعد بن عادي]

آلمدى ليل و أنفآس آلمسآفـه ظـروف
و آلجروح آلقديمه بآقيّـه مـآ شفـت
قلت أضم آلقصيد آللي تبعثـر حـروف
يمكن آلشعر يشعل شمعـةٍ لـي طفـت

[سعد بن عادي]

مع آلجرح يآ طول آلليآلي و ضيق آلبآل
يــزول آلـزمـآن و عـبـرة آلـصــدر مـــآ زآلـــت
مسـآ آلهـم يـآ دمـعٍ خنقـنـي و كـيـف آلـحـآل
لــي أيــآم مـــآ نـآمــت عـيـونـي و لآ أحـتـآلـت
على مآ تبي سوق آلموآجـع ورى آلغربـآل
جروحـي خـذت مـن سلـوة آلبـآل و أكتآلـت
أثــــر لـلــنــوى (ســكـــرة بــكـــآ) تــذبـــح آلــرجـــآل
تــســوقــه عـــلـــى وجـــــــد آلـتــبــآريــح لآ مـــآلــــت

[سعد بن عادي]

الحلم يكبر براسي والهقاوي بعيد
وانا طموحي طموح اللي بعيد ٍ مداه
لي حلم ابا حققه مدري متى الله يريد
يطري على خاطري حتى وانا فالصلاه
ابعد من الجدي واقرب من حبال الوريد
واسهل من النطق واثقل من جبال السراه

[سعد بن عادي]

كيف حالك ياصديقي ياوزير الصحه
لو يموت ابنك وبنتك من علاج الكحه !!
انت تتألم وتحزن من فراق ابنائك ؟؟
انت تتهنّا بنومك ياوزير الصحه !!
يعني ان ماخفت منّا يوم خاف من الله
شوف كم واحد يموت (( اصواتنا منبحه ))

[سعد بن عادي]

شِعْرَ وُ شعُِورْ وُ عبث على قارعة الطريق .. . !

[سعد بن عادي]

الا يـاوجـودي وجـــد مـــن لاعـتــه دنـيــاه
وهــــو فــــي ربـيـعــه عــايــشٍ ماتـوقـعـهـا
مغفـلـتـه الـدنـيـا وعــايــش عــلــى لــيــلاه
حــيــاتـــه مـدلــلــتــه ونــفــســـه مـدلــعــهــا
وصــل للثـريـا وارتـفـع لـيـن لـحـق امـنـاه
حـظـيـظ وسـعـيـد وضحـكـتـه ماتصنـعـهـا
ودارت بـــه الـدنـيـا عـلــى غفـلـتـه عــــزاه
وبــارت وجــارت وأسقـتـه مــن مواجـعـهـا
تصوعه بلى رحمه من أدناه لين أقصاه
تـحـامـت عـلـيـه ومـاقــدر فــــي زوابـعـهــا
تـــردّت عْـزومــه وانـتـهـى مـاقــوى بــلــواه
ولاعــــه زمــانــه لــيــن فــاخــت مـرابـعـهـا
علـى حاجـةٍ فـي خاطـري ذكرهـا م/أقــواه
يتـمـتـم بـهــا لـسـانـي ولاهــــوب ذايـعـهــا
أهوجس بها وأكتب هوى خاطـري وأقـراه
وأطفـي شمـوعـي فــي ضمـيـري واولّعـهـا
تمنيتـهـا وبـعـض التمـنـي عـلـى عـمـيـاه
يثير النفوس اللـي شقـى الوقـت لايعهـا
شكـيـت وبكـيـت وخـاطـري فـيــه مـاكـفـاه
لانـي بشـر واصــل البـشـر ذي طبايعـهـا
تشـكّـى ولــو مايـنـفـع الـوجــد والمـشـكـاه
ولكـن علـى الله بعـض الاحيـان ينفعـهـا
على الله يفيـد الوجـد لـو ماظهـر معنـاه
وعلـى الله فياحـي نجـد تنـبـت مراتعـهـا!

[سعد بن عادي]

ياوقـت لا تنشـد ورى الذنـب غفـران
صـــــرح الــغـــلا هــلـــت عــلــيــه الـنـثــايــل
ارسم على وجه الزمن بيت واغصان
مـكـانـهـن حــــدب الـضــلــوع الـنـحـايــل
المجد سجنن واسـود الليـل سجـان
والـصـبــح مــالـــه فـــــي عـيــونــي دلايـــــل
طفل عشقـت جــروح قلـبـي علـشـان
الــقـــى عـــــذر لـلــوقــت لاصـــــار مـــايـــل
ماللـجـفـن مـــع هـجـعـة الـنــاس عـنــوان
ابـطــيــت واهـــــداب الـعــيــون اتــحــايــل
للهم فــــــي صــــــدري مــســافــه وبــيــبــان
بـــــــرك بــهــاجــيــش الــرشـــيـــد الــرحـــايـــل
تــقـــدر تـشـبـهـنـي عــلـــى قــصـــر بــــــرزان
شــــامــــخ ولــــــــو بــــاقــــي تــــرابــــه تــهـــايـــل
يكـفـيـه لـــو مـالــه عـلــى الـقــاع جـــدران
انـــــه غـــــدى مـــــن هـيـبـتــه رمــــــز حـــايـــل

[سعد بن عادي]

ياطير ياللّي في ركون الحديقـه
بين الشّجر تصدح غناويك ياطير
قل لرّفيق اللّـي يخلّـي رفيقـه:
(مافيك خير.وخوّتك مابها خير)!!