[سعد بن عادي]

البارحه كبلتنـي بـا الصمـت وقيـود السكـوت
وانا السجين اللي شكـى سطـوة قيـود البارحـه
احيا تموت.. تموت واحيا لا حيـاه بـدون مـوت
يعني كـذا والا كـذا شمـس الحقيقـه واضحـه
ضيعتني ما بين لـول وبيـن ورد وبيـن تـوت
واخذتني لاخـر تفاصيـل الغصـون الطارحـه

[سعد بن عادي]

انثى جسدها محتمل جـرأة الثـوب
والثوب أجاد منين يؤكـل جسدهـا
مرسوم فمها في شكل قوس مقلـوب
تفاحـة ادم تحـتـه ولا وجـدهـا

[سعد بن عادي]

افكاري اللـي تتسـع للكـون والدنيـا تضيـق
بافكاري اللي ضيقـة الدنيـا تزيـد ابهـا اتسـاع!!

[سعد بن عادي]

طيرٍ تربى في قفـص صـدري وقفلتـه وراه
روح ضحيـة كذبـة الحريـة اللـي أغـرتـه

هاجر وخلاني ولا ادري وينها ارضه من سماه
اثره مثل كل الطيور يعرف موسـم هجرتـه!!

راح وترك لي من جناحه ريشتين وحوض مـاه
الريشتين اللي سقاها الحـوض مـاه وقطرتـه

كم كنت الوم اللي ليا منـه فقـد طيـره بكـاه
واليوم جربت وتساوت عبرتـي مـع عبرتـه

واصبحت اقول اللي فقد طيره ولا يبكي عـلاه
احسن يعيـش بغبنتـه والا يمـوت بحسرتـه

صحيح من لا داس باقدامه على جمر الغضـاه
لو تنشده ما جاب لك وصف الغضاه وجمرتـه

والمترف اللي في ثرى قلبي زرع بذرة غـلاه
جاني بعد مدة يـدور ويـن راحـت بذرتـه!!

جاني يدور للغلا اللي فـي ثـرى قلبـي نسـاه
من حضرته حتى يجي ينشد عنه من حضرته؟!

ما يدري ان البذرة اللي ضمهـا القلـب وثـراه
شربت من اقصى عرق قلبي لين صارت شجرته

واني تحتها مستظل من الزمـان ومـن عنـاه
مثل الغريب اللي تريـح بعـد طالـت سفرتـه

واني انا الهايم على وجهـي وهـو وادي حيـاه
والقلب غـاوي يتبـع الشاعـر ويتبـع جرتـه

جاني يـدور عـذر لذنوبـه وتبريـر لخطـاه
قلت الخطا من يوم شفتك ما طرت لـي سيرتـه

شفني مثل ذاك الحصان اللي عثر له في حصاه
من جزعته فز ونهض ولكـل جـوادٍ عثرتـه

[سعد بن عادي]

تحت كوم الرماد اللي مجـازاً سمـي (النسيـان)
رياح الشوق هبت به وصحـت جمـرة الذكـرى
بكت عين وشرد فكر وخفق قلب ونبض شريـان
مزيج اربع ظواهر والسبب فـا الجمـرة الحمـرا

[سعد بن عادي]

انا بك كنت كسرى (نيروان) وقيصـر الرومـان
وانا في غيبتك اصبحت لا قيصـر ولا كسـرى

تراني في رجا بشرى رجوعك متعـب الركبـان
رجا يعقوب في ذاك القميص وراعـي البشـرى!

[سعد بن عادي]

المخـده والغـطـا والـنـوم والطـراحـه
كنهـم طـلاب ثـار وكنـي المطلـوبـي

والقلـم والمرسمـه والحبـر والمسـاحـه
والورق والشعر والهاجوس وش سـوو بـي

انتخوني واعتزو بي قلـت مـا بـه راحـه
نخوة الهاجوس وبيـوت الشعـر عذروبـي

ميـر خلونـي سـواة مضيـع مسـراحـه
متجـه يـم الشمـال ومنتخيـه جنـوبـي

اربكوني كن فـي راسـي ميـة مرجاحـه
يممو بـي قبلـة المقـدس ولا صلـوا بـي

كيف ما افزع واسمع الصا حه تجر الصا حه
ليتهم ما كـان لا صاحـوا ولا مـرو بـي

ما جبرني غير كلمه جـا تنـي جمـا حـه
(مـن يـرد المعتـدي ويرجـع المنهوبـي)

ابشرو بـا الخيـر وزنـود الشعـر قداحـه
من نخاني ما بخلـت ولـو عطيتـه ثوبـي

ما لكم غير الشجيـع اللـي يشيـل سلاحـه
نجدتـه كفـه وحـد القاطـع المسلـوبـي
ما نهظـت الا مثـل حـر يـرف جناحـه
والشجاعه ما ترد عـن القضـا المكتوبـي

ايه انا دكتور قلـب وبـا طنـه وجراحـه
وان بغيت الشعر ما ضاقت علـي دروبـي

في يـدي درج القصيـد وقفلـه ومفتاحـه
با لفصيح وبا الصريح هجينـي ومسحوبـي

يمكن اني ماني احسن شاعر فـا السـا حـه
بس لا مني كتبت اهل الشعـر هـذرو بـي

والقصايـد بعضـهـا سـراقـة مـزاحـه
تسرق انظـار العـدو وتداعـب المجبوبـي

والعدو اللـي يـدور لـي نهـار الطاحـه
جا يصفق لي وهو راضي مهو مغصوبـي

دام انـا مانـي بـراع القربـه النضاحـه
وان وردت البير ما تقصر حبـال غروبـي

والله اني لابـري همـوم القلـم وجراحـه
لاجل عينك يا الغزال المتـرف الرعبوبـي

انت وش مقصدك قلي يـا غـزال الباحـه
مرة عنـي تصـد ومـر تنظـر صوبـي

ما كشفك الا الخجـل والنظـره الفضاحـه
معجب انت ولا انته اول من عجبه اسلوبـي

جعلنـي فـدوة شفـاك وخـدك التفـاحـه
قبل لا اصبح لك حبيب وتصبح المحبوبـي

وجعل يفداك الزمان اللي مضـى بافراحـه
واعتبر ما فات من عمري مهـو محسوبـي

يـا شبيـه المبخـره والـورده الفـواحـه
ليتها من ريحـة انفاسـك تصيـر طيوبـي

والله ان اللي ملكك وصرت ضمن ارباحـه
اشهـد انـه لا هـو بنـادم ولا مغلـوبـي

وش رمى بي في نحر غرو يسـل رماحـه
الخطـا منـي وفيـه والذنـوب ذنـوبـي

لو سلمت مـن النظـر وسهومـك الذباحـه
ما نزف شريان قلبـي وانقطـع عرقوبـي

دور اسمك وانـت عينـك شكلهـا لماحـه
فاخـر بيـوت القصيـد مبعثـر ومكتوبـي

[سعد بن عادي]

آنا تراني غير ربي في حياتـي مـا استعنـت
ولا طلبت الا بعد مرضا تـه رضـى الوالديـن

والا انت ترضى تزعل الامر استوى قلي من انت
خلاص فشلت خطتك ( تكرم مدينه لاجل عيـن)