[سعد بن عادي]

قمة الجمال أنك تجالس شخص يكرهك ويغتابك كثيراً ومع ذلك تجده يبين لك عكس ذلك وهذا كافي بأن يخبرك ان لحضورك هيبه قادره على تحويله لمنافق جبان !

[سعد بن عادي]

:
:

الشعر : .. طفرة جينية .. تجنن العقل .. وتربك القلب

:
:

[سعد بن عادي]

قلتـي تعـال وجـاك قلبـي وانـا جيـت
والـيـوم صـرتـي كــل شـــي بحـيـاتـي
لاجلك تركت العين تسهر وعانيت
واهـتـم مــن هـمـك وحـزنـك وحـاتــي
اقسم برب العـرش والخلـق والبيـت
إنـي لصونـك مـثـل مـاصـون ذاتــي

[سعد بن عادي]

صباح الخير يانور الحياه المشـرق الساطـع
صباح الخير والاحساس والاشواق والبسمه
صباح الخير للواصل صباح الخيـر للقاطـع
يـعـمّ الـنـاس ويسـجّـل بـديـوان الصحـيـح اسـمـه

[سعد بن عادي]

صباحك
مشرق وصافي طقوسه به زهر وورود.
به التوحيد صافي محض.. للمنان سبحانه.

[سعد بن عادي]

ضاقت صدور المنافي ./ يالله الدبرة
وصحرا الهواجيس ./ تنثرني وتجمعني

والليل روّح ./ وانا صدري على خبره

نفير خيل ٍ بيارقها ./ تنازعني

[سعد بن عادي]

نحل عود الامل واقفت مسافات المزون الغر
وتمادى الجدب وانسابت جذوره في شراييني

وانا ضلع المخيل اللي وسم خد القفار البكر

تعالي والمحي وحشة غيابك في بساتيني

[سعد بن عادي]

تجاعيد الجفا لاحت على وجه الليال السمر

وبدت ريح الفراق تهز غصن اوراق تشريني

نحل عود الامل واقفت مسافات المزون الغر

وتمادى الجدب وانسابت جذوره في شراييني

وانا ضلع المخيل اللي وسم خد القفار البكر

تعالي والمحي وحشة غيابك في بساتيني

وحيد وتايه الخطوة على ذمة سراب الهجر

اسايرها ولا ادري وين هالرحلة توديني

الا يا غايرة خلف السراب ومحتضنك البحر

انا ماعادني ذاك العنيد اللي عرفتيني

على ارصفة الامل واقف بقايا من رماد وجمر

تهب الريح وتغيّر مع المسرى عناويني

واطارد طيفك العابر على مد ارتحال الفكر

على صحرا من الذكرى ورا الحرمان تنفيني

واداعب باقي احلا م ٍ تعريها خيوط الفجر

عسى في غمرة احساس الحنين المر تطريني

وتزوريني ولو نسمة بها كف الغيوم ا/تمر

وتمر طيوف هالذكرى وتحوفك من هدب عيني

والمّ فصول ذكرانا واكفنها رذاذ وعطر

واروح اذرع مسافات الهروب .. والمحك فيني

ويناديني صدى صوت ٍ تقطع في جليد العمر

واسافر للصدى والتيه في صحراه يطويني

تعب هذا الحنين اللي نثرني في رياح الغدر

وشتات احلام مكسورة على رملة دواويني

ترى ماجيت ابيّن لك ذنوب ٍ يحتديها العذر

ولاني سائل ٍ قلبك على ايّة ذنب يرميني

انا جيتك من اطراف الرحيل وفي ضلوعي زجر

ابي قبل ارتحل عنّك .. الى الذكرى .. تضميني!

غريب .. وداخلي رجفة حنين .. ودمعتين ٍ خضر

وبقايا من حطب ذكرى تشب ولا تدفيني .!