[أخـو جـزعـة]

اقتباس مشاركة : بعيد الشوح

هلا مرحبا ترحيب والخد ميدان = بسلم الرجال الي ماتخلف وعدها
انا الحاكم العادل على لسان سلطان = وانا الشاعر اللي كلمته مابعدها

-----------------------------------------

يدوم البقى رد التراحيب منشان=ليا زانت الدعوه علاك اعتمدها
يميني عصا موسى وخاتم سليمان=ونفث على عين المريض ابرمدها

[أخـو جـزعـة]

اقتباس من مشاركة بعيد الشوح وين الجمهور الليله اضاهر اخويانا كلهم طلاب هههههه والأختبارات قاضبتهم مافيه الإ الشيبان هههه

انتصبر علاهم لين يتهايقون علانا ههههههههه

[بعيد الشوح]

اقتباس من مشاركة أخـو جـزعـة يدوم البقى رد التراحيب منشان=ليا زانت الدعوه علاك اعتمدها يميني عصا موسى وخاتم سليمان=ونفث على عين المريض ورمدها

الله أكبر

سمعنا الرعود وجونا مابه امزان =ياقرب السحابه لا سبقها رعدها
ليا اوحيت كون الرمي من دون نيشان = تغانم ذلولك صوب عكسه وقدها

[أخـو جـزعـة]

اقتباس من مشاركة بعيد الشوح الله أكبر سمعنا الرعود وجونا مابه امزان =ياقرب السحابه لا سبقها رعدها ليا اوحيت كون الرمي من دون نيشان = تغانم ذلولك صوب عكسه وقدها

طيب طيب

سمعنا خبر واثر الخبر عم الاوطان=على سيرته عربان كلن نشدها
ليا صاح لك صياح من دون عنوان=يجيك اخو جزعه والكحيله لهدها

[أخـو جـزعـة]

ارحب يالونش هلا بشاعرنا الكبير شرفتنا

[بعيد الشوح]

اقتباس من مشاركة أخـو جـزعـة طيب طيب سمعنا خبر واثر الخبر عم الاوطان=على سيرته عربان كلن نشدها ليا صاح لك صياح من دون عنوان=يجيك اخو جزعه والكحيله لهدها

كلام الجرائد مايقدر ولايصان = ورى كل إشاعه من هو اللي قردها
انا ابي كلاماً يشفي الكبد لابان = ما أنشد عن اعلوم الشواه ونجدها

[الونش]

هلا باخو جزعه انا اتراي عليمي لاتكبرني وتورطني

[أخـو جـزعـة]

اقتباس مشاركة : بعيد الشوح
كلام الجرائد مايقدر ولايصان = ورى كل إشاعه من هو اللي قردها
انا ابي كلاماً يشفي الكبد لابان = ما أنشد عن اعلوم الشواه ونجدها

----------------------------

علي الملازيم انك اسم على مسمى

ورا هاك من علم على العلم رويان=وعلم على روس ٍ تنحت جهدها
علاك الفرج يا خالق الانس والجان=دخيلك عن الحفره وقسوة لحدها