[قسورة الغاب]

اقتباس من مشاركة عايد2001 صح السانك القسوره

صح ابدانك ياعايد

منوووور ^_^

[قسورة الغاب]

اقتباس من مشاركة ركن عبس صح السانك القسوره

صح ابدانك ياركن عبس

انت وينك ياشيخ من زمان ماشفنالك طارووق ولا قصيده ولا بيت ولا حتي شطر من قصيده مقوله هههههه

[سمري]

ياقسوره

الله علي اللي توها عابرة روف \\\ في روفها وفهيد ماقص اثرها
خربن يطالعني ولا كنه يشوف\\\ في روضة ماطبها الله مطرها

[قسورة الغاب]

اقتباس من مشاركة سطح يااا مسطح القسوره راعي طير عزااه لعاد تنشد يالهويدي عن الطير ... الطير والله يالهويدي غدالي هههه صح السانك يابو قساور مير العود .. هيض جروح العود والعود قاضي ههههههه

ارحب يابووو السطووح

الله علي الي يسبق الريح بالريش = ومنين ماهب الهوا مايطوووفه
الراس مغتر والثنادي مغابيش = والكف كف عقاب هذي وصووفه
صافي حرار اليا نويت المطاريش = نفسه علي طر الحباري شغووفه
وان شحت الايام في لقمة العيش = عز الله انه فيك بان معروووفه ههههه

[قسورة الغاب]

اقتباس من مشاركة صياف ياسلام عليك يالقسوووووووووورو بيض الله وجهك اشهد لله انك عذب

ارحب ياصياف

منووور يالنائب الاول وريس الاركان العامه للقوات المسلحه ^_^

ووجهك ابيض ولا عليك زوود ياطويل العمر

[قسورة الغاب]

اقتباس من مشاركة سمري ياقسوره الله علي اللي توها عابرة روف \\\ في روفها وفهيد ماقص اثرها خربن يطالعني ولا كنه يشوف\\\ في روضة ماطبها الله مطرها

اه ياشيب قلبي

تشوووف من بيض الدواغر له سيووف = واليا تدرج خطوته ماقصرها
يطلع عليه مشدد السبع معيوووف = الي ليا لحق الشريده عسرها

[عنتر زمانه]

أشهد أنك نشمي وهذه القصيده تدل على الرجوله والاخلاق العاليه

وفيها جمال لا محدود يتلعثم قلم عنتر عن ذكره

أقول أذا حددتم ردلي خبر أخذني الشوف

[المعزب]

اقتباس من مشاركة قسورة الغاب من امس يامعزب الضيفان برق الخيال = يفج كبد السماء والناشيه مرزمه وادي القهد سال والمرقاب والشعب سال = والشمس بانت علي الراعي ماتح اغنمه ههههه من طلعت اسهيل والديره جنوووب وشمال = لو تشخط السمر بالبنزيم ماتشعمه واليووم دوور النداوي حان يابن الحلال = جدد سبووقه وجهز عدته واحتمه خله يجيله علي شرد الحباري مجال = واليا طلع يالمعزب للهد قدمه نبي نوسع خواطرنا ونشد الرحال = اليا متي والصدوور بضيقها مفعمه

القسورة من خيال البرق يطرح سوال=وانا الاجابه عشقت رموزها المبهمه
تلوح فوق المزون الغر شمس الزوال=يوم (البقيعي)مسوي بالديار اعسمه
حطيت فوق المطيه يالغضنفر جلال=لو ان ممشاء المطايا نوب ممشاء حلمه ههههه
ياللي ورا الصيده الدسمه ينط الجبال=متسلك اجبالها يطرد وراها نسمه
احيان يلقى وعل واحيان يلقى غزال=واحيان يلقى وبر واحيان يلقى جلمه ههههههه
على العموم اشهدنه مايحب الهزال=علمه على الطيبات الوافيات فطمه