[النقيشى]

بعيد الشوح شاعر واتمنا العب معك

[بعيد الشوح]

فيك البقاء ياللي ترحب ياوسيع العرف والبال = والموج هايج ليه يوم انك تحرى في قدومه
ماجيت ادرج ضلع الشاوي ولا بالراس مقيال = جيت استحل الأرض ياشعباً ماتوجد له حكومه

[بعيد الشوح]

ارحب يانقيشي

وارحب يالعاقل

تشرفك بكم

[النقيشى]

مع العاقل ولا معى وضح

[كاتب الرشيدي]

الله الله على هالطاروق

وينك عنه ياعنتر وين تعليقاتك وتحليلك

طاروق جزل والمرد جزل

وافين ياعبس

[تراتيل حرف]

اسمع يابعيد الشوح هذا رد والوعد الليله ~~برسلك رساله

الضلع راسي والهبوب اللي تروزه مالها فال~~~والموج لو يصفق صخره يروح والكبد محرومه
لاوالله الا ليلتك قشراء وحاطت فيك الاهوال~~~ابعد يدك عن سيف ابن شامان لو كثرت ثلومه

[بعيد الشوح]

ههههههههههههههه

الضاهر انا انت

كل يوم نجيب بيت ماصارت محاورة هههههههه

على ماقال مساعد
غديت انا وانت مثل السبت والجمعه

لكن تشرفت باللعب معاك وانت شاعر كفو

لكن مقل لييييييييييييييه
هذي سواتنا كل واحد يبدى محاورة ثم يروح يقضي للبيت
والإ عسكري لابدى بيته اتصل عليه العمل قال عندك خفارة هههههههه

وعلى ياعين ياليل

[تراتيل حرف]

اقتباس من مشاركة بعيد الشوح ههههههههههههههه الضاهر انا انت كل يوم نجيب بيت ماصارت محاورة هههههههه على ماقال مساعد غديت انا وانت مثل السبت والجمعه لكن تشرفت باللعب معاك وانت شاعر كفو لكن مقل لييييييييييييييه هذي سواتنا كل واحد يبدى محاورة ثم يروح يقضي للبيت والإ عسكري لابدى بيته اتصل عليه العمل قال عندك خفارة هههههههه وعلى ياعين ياليل

ووراك ماحطيت لك بيت يامال الغنيمه وكل مانمر نرد
ويصبح لنا سبق بهذا النوع ( محاوره بالتقسيط )

والله يابعيد الشوح اعتقد ماني موفق كل مانويت اللعب مع واحد تلقى الخلا هههه
بعدك لقيت ابو عوجه منزله طاروق وول مارديت ذب الخريمه حسبي الله عليه

لك تحياتي ونلتقي على خير