[بتاال]

اقتباس من مشاركة خاتم سليمان طيب طيب بتّال لو سيّر على البدوان يجمع فالقدوح=والشيخ يا بتّال ينطق فالحكم كان فهمه أقول اكفّن ميّت ولا اكفّن اللي فيه روح=وخاتم ترى دمّه مثل دمّك ولا يرخص دمه

ان كان لي عندك قدح قدري من البارح يفوح = تعال يمال الشحم وابشر لك براس اشحمه

الناس ياخاتم مقامات ولها شف وشبوح = ومايقنع ابن ادم يالين انحط حفنه في فمه

[خاتم سليمان]

اقتباس من مشاركة بتاال ان كان لي عندك قدح قدري من البارح يفوح = تعال يمال الشحم وابشر لك براس اشحمه الناس ياخاتم مقامات ولها شف وشبوح = ومايقنع ابن ادم يالين انحط حفنه في فمه

طيب طيب

بتّال قدرك يملي احلوق الجياعى يالطموح=تكرّم بقدرك على الجوعى يا راع المكرمه


وليا بخلت اللي بوسط القدر اكلك يالشحوح=تاكل من اللي فالقدر تملى فمك لا برطمه

[بتاال]

اقتباس من مشاركة خاتم سليمان طيب طيب بتّال قدرك يملي احلوق الجياعى يالطموح=تكرّم بقدرك على الجوعى يا راع المكرمه وليا بخلت اللي بوسط القدر اكلك يالشحوح=تاكل من اللي فالقدر تملى فمك لا برطمه

ان كانك اتحب العلا خلك على روس السطوح = نهج النبي لاتتركه واترك كلام امسيلمه
ماني كذا وان كان سميناك عساف الجموح = وانته تعرف ان الجموح احصان وانته تلجمه

[بتاال]

الليل ياخاتم

[خاتم سليمان]

العذر يابتال اشغلنا هالسلمي هههههههههههههههههههههههه والظاهر ماهو اسلمي


دقايق ويجيك الرد

[خاتم سليمان]

اقتباس من مشاركة بتاال ان كانك اتحب العلا خلك على روس السطوح = نهج النبي لاتتركه واترك كلام امسيلمه ماني كذا وان كان سميناك عساف الجموح = وانته تعرف ان الجموح احصان وانته تلجمه

طيب طيب

الذيب ماينبح ولا يجرّ العواء الكلب النبوح=الكلب في حلقه عظم والذيب يدرع بغنمه


لاتشهد لنفسك شهادة كلها زور وقدوح=انته كذا واللي مايعرف قدر نفسه نرحمه

[بتاال]

اقتباس من مشاركة خاتم سليمان طيب طيب الذيب ماينبح ولا يجرّ العواء الكلب النبوح=الكلب في حلقه عظم والذيب يدرع بغنمه لاتشهد لنفسك شهادة كلها زور وقدوح=انته كذا واللي مايعرف قدر نفسه نرحمه

وش يقري الضيفان ياخاتم عليك الله تبوح = لاشفت بنت الشيخ ضاعت بالديار المظلمه
العود وسط المبخره والطيب لابده يفوح = ولا انت ماحللت شي وماش شي اتحرمه

عجل علينا بالرد لاهنت الصلاه قريبه

[خاتم سليمان]

الله الله

فالضيف تكفي مرحبا لاجات من رجل ٍ سموح=وكم بنت شيخ ٍ من سببها قامت اكبر ملحمه


ذكر الحياء والطيبين يبين يالقلب النصوح=وانا تراني مسلم ٍ ما اظلم بدين المسلمه