[جحدر]

اقتباس من مشاركة شاعر صريح حيالله الجميع يالربع طواااريق المحاوره مانتم بفاهميناه ....يمكن مانسنها تندرج تحت بند يجوز للشاعر مايجوز لغيره.. لكن ان البيوت مجبعه على ماقال جحدر..ههههه..لالا والا لازم تنتهي بثلاث احرف..غلط ماهو صحيح ..والدليل هذ.. صيــــــــاف الحربي :- العازمي يمشي على ضؤ النجــــوم 000 ضـــؤ اقمر يكبر و لايمشي معه ياليتنا نسرح و نمرح كل يوم 000 هـــذا نفــــــــــــــر قبه و هذا نجمعه حبيب العـــــــــــــــازمي :- العازمي شاعر لياجات اللـــــزوم 000 يلعب مع الحربي شوي و يسنعه ماعاد باقي بيننا حبة خشـــــــــوم 000 تبأ تحط الســـــــــاق و إلا ترفعه صيــــــــــــــــــــاف الحربي الطرقي اللي مايجينا بالعـــــــلوم 000 يقـرب من المشعاب حتى نصقعه ترى حبيب لاحصــــــله تمر دوم 000 يوعد على صياف و يعض أصبعه حبيب العازمي الذيب دايم في طويلات الرجــوم 000 و الارنبه دايم تصـــومع صومعه من عام الاول و أنت فالناس مخدوم 000 ترضى على البراد لو أبو أربعه لايكووون مايفهمون هذولا يوم ماركبوها على ثلاث حرووووف هههههههههه اذا بتال مايبي يلعب ..عادي ..اذا لازم ثلاث حروف انا والله اعرف وزن وقافية وسلامتكم

واااااعزي عنك

والله مشكلة لاصار الواحد اخذ المحاورة تعليم ماهو موهبه ماتقدر تشرحله

[شاعر صريح]

اقتباس من مشاركة جحدر واااااعزي عنك والله مشكلة لاصار الواحد اخذ المحاورة تعليم ماهو موهبه ماتقدر تشرحله

فعلاً مشكله ..ومشكله كبيره...لاصار فيها معاند ههههههههههههه

[جحدر]

صدري مثل لجّة حيام الطـرش

على عيلمٍ فالقيـظ ميرادهـا فـرزه

على الليّ بحبّه بارشِ الضماير برش

وحبّه بصندوق الضماير طبع حـرزه

حياتي بدونك يالغضي ماتساوي قرش

تكلّم على المكشوف فالنيّـة الجـرزه

محبّة نظيفين الظماير نظاف الفـرش

مايحتـاج فيهـا لاتخفـيّ ولا بـرزه

عسى دعوتي يفتح لها الله باب العرش

يعاقب عبـادٍ ماعرفنـا لهـا خـرزه

[جحدر]

شف الشعار الحقيقيين كيف يوقفون القافيه على ثلاث حروف إذا كانت ساكنة <<<<<<<<<<<طبعا ماراح تفهم

[شاعر صريح]

اقتباس من مشاركة جحدر شف الشعار الحقيقيين كيف يوقفون القافيه على ثلاث حروف إذا كانت ساكنة <<<<<<<<<<<طبعا ماراح تفهم

هههههههههههه....ووهههههههه

صح لسان ابن جدلان لو درى انك بتكسرها ماكتبها...هههههههههههههههههه وع,,وع هههههه

ابك هذي قصيدةعلى وزن الصخري نظم والقافية عادي تجي على حرف وحرفين وثلاث وفيها مهمل صدر القصيدة وبالشعرقافية تكتب ولا تنطق...ياولد... علي ومن محزمي انك مدحدر منت جحد ر..هههههههه

والقصيدة هي كالتالي..

يالجّ صدري مثل لجّة حيام الطرش
على عيلمٍ فالقيظ ميرادها فرزه

على الليّ بحبّه بارشِ الضماير برش
وحبّه بصندوق الضماير طبع حرزه

حياتي بدونك يالغضي ماتساوي قرش
تكلّم على المكشوف فالنيّة الجرزه

محبّة نظيفين الظماير نظاف الفرش
مايحتاج فيها لاتخفيّ ولا برزه

عسى دعوتي يفتح لها الله باب العرش
يعاقب عبادٍ ماعرفنا لها خرزه


وهذي لمساعد ربيع على حرفين/////
كلك تعــــــــالي غلا ولا ارجعي كلك
بعـــض الغلا منك ما يستاهل الجيه

طالت وانــا في رجــــا ليتك ويا علك
اوراق بالـــــذكرى و اوراق منسيه

ما بــل ثوبك مـــطر شـوقي ولا بلك
لو علتك من سحاب الـروح وسميه

ليه امشي الدرب دامـه ما يوصل لك
تخاف رمضا الضياع اقـــدام رجليه

يا بنت تو الهـــوى ما صرت انا خلك
للحين ما زالت الصـــــــوره رماديه

ومازال بعض الغموض الشره يحتلك
وشلون انا اعشقــك على الــــــــنيه
..ماهو شاعر صح العجز حرفين .

طيب
تعــــبت من القصــيد...من الجروح ..من انتظــــار طــال

............................ تعـبت أستــــقبل طـــعون الزمن ...تعبــت أربت على كتفه


تعــــبت من الكـــلام ...من السكـــوت إللي يهـــد الحـــال

........................... تعــــبت أكثـــر من الحزن الذي ...ما ينتــــهي عــــزفــــه


تعبــــت من الوعــــود... من الصـــديق الطيــّـب المحتال

.......................... تعبــــت أعــرف ...كل إللـــي تعـــرف الناس بالـــــصدفه


تعبــــت من العــــــدو إللي عجــــز يــــدخل معي بـقـــتال

.......................... تعبــــت من الظـــــــلام إللي قتـــلت ... و لا لقـــى حتـــفه

طيب هذي قصيدة الصدر على حرف
كل شي(ن) غير ربك والعمل .. .. .. لو تزخرف لك مرده للــزوال

مايدوم العز عزالله وجـــــــل .. .. .. في عدال(ن) مابدا فيه إمتيال

والذي ينقاد بزمام الأمـــــــل .. .. .. لاتغبطه في زغتري الهبـــــال

استغفر الله عن كثر الزلـــل .. .. .. وإستعين عنايته في كل حـــال

وهذي انا متأكد انك متدري وش بحرها وتعدها ماهي بقصيدة لانها ماركبت على مرزابه؟؟هههه
رياح الهوى لابدها من سكونهـــــــا .. .. .. تصرف بتدبير أمرها من يكونهـا

لاعرف منها من ضحى الكون منزل .. .. .. فباكر فمن يدرى من ايار كونهـا

لياهب لك منها ولامن وذعذعــــــت .. .. .. فاغنم وعنّم واقض منها شطونها


وهذي لبن لعبوووون
هل الدار يا عود الا منـــــــازل .. .. .. سباريت ياعــــواد خافـــي رسومهـــــــــــــا

مرابيع ((مي)) قبل هذا وزينب .. .. .. و (هند) .. و (ليلى) .. في مجاري وسومها

يلوح السنا بها كلما لاح بارق .. .. .. على كف ((مي)) من بقايا وشومهـــــــــــــا

والله ..ماتدري يامدحدر..وين بحور الشعر؟؟؟ههههههههههه

[جحدر]

وهذي لمساعد ربيع على حرفين/////
كلك تعــــــــالي غلا ولا ارجعي كلك
بعـــض الغلا منك ما يستاهل الجيه

ههههههههههههههههههههههههه يالله إني داخلك عن الخسارة هالحين هذي على حرفين هههههههههه

ابك الحرف المشدد يعتبر حرفين كلها على ثلاث حروف


انت والله ماتدري هو فيك ولا بالخيشة لكن ابا اختصرها الك

نسيناها مثل فارسها ؟؟ههههههههههههههه بالله دور لي قصيدة لابن جدلان على قافيتك هذي

[جحدر]

ياكبديّ الليّ من الحرمـان منهشمـه

فيها مـن العـام نجـارٍ بشاكوشـه

والليّ هشمها شفاتٍ دونهـا حشمـه

أرهى على الليّ تبي نفسي ولا أنوشه

حجزٍ يرّد الرجاوي من ورى خشمه

وأنّ رده الحجز والاّ ضاع فالطوشه

عمّر بيـوتٍ علـى بيبانهـا رشمـه

وبطونها بأفخـم الشيـراز مفروشـه

[شاعر صريح]

اقتباس من مشاركة جحدر وهذي لمساعد ربيع على حرفين///// كلك تعــــــــالي غلا ولا ارجعي كلك بعـــض الغلا منك ما يستاهل الجيه ههههههههههههههههههههههههه يالله غني داخلك عن الخسارة هالحين هذي على حرفين هههههههههه ابك الحرف المشدد يعتبر حرفين كلها على ثلاث حروف انت والله ماتدري هو فيك ولا بالخيشة لكن ابا اختصرها الك نسيناها مثل فارسها ؟؟ههههههههههههههه بالله دور لي قصيدة لابن جدلان على قافيتك هذي

نست لاقولك ..اني ترفعت مارد على مدحدر...لانه مايفهم...هههههههههههههههه ..وش جاب النظم للمحاوره

مافيه تشديد يامدحدر ولا راح اتجادل معك ..هذا اخر رد لك عندي ..النفس لازم نرفعها