[المعزب]

اييييييييييييييييييييه هذي اشارات الهزيمه ياحزب التماسيح وانا المعزب وابو عبد العزيز ماهو زبده على شارب ذيخ ههههههههههههه

[الفهد]

صح لسانكـ واعتلى شانكـ

[يعقوب العبسي]

ودى اصير من حزبك واصير حارسك الشخصى بس انت ماتوافق

[ناصر خنيفر]

اقتباس من مشاركة ابوصالح الشويلعي صح السانك يابو تركي على هذه الهجينيه ولكن معتقد ان الفارس عبد الباري رايح ينصاع لمثل هذا الندى الداعي الى ترك كل ماقاتل من اجله هذا الفارس الشريف والانضمام الى حزب العدو ء ههههه لما اعرف عن هذا البطل من شعر وفروسيه وامانه علمأ باني من المتابعين له على ارض المعركه وفق الله الجميع لما فيه خير وصلاح

ابو صالح الله يصلحك الدعوى ماهي حميا مشكورعلى المرورهههههههههههه

[عبدالباري عبدالعزيز]

اقتباس من مشاركة ناصر خنيفر يقول العمده وعمر المشاهدين يطول عديت بالعالي المزموم =وناديت لك يابن عطواني اقول جنب طريق القوم=حتى تجي ضمن صدقاني لايسممك ناصر المسموم =وتطيع ناصرصوياني العام صدرتبك مرسوم = وعينتكم ضمن فرساني صديقي العام صار اليوم=متنكرن ضمن عدواني لو مانت طيب ماني ملزوم=واليوم عود على شاني ابغاك مع حزبنا مضموم=ولا نخسرك ياكحيلاني اعطيك منصب وست ختوم= مع بشت غاليت الاثماني وشيكن مسجل بعشر رقوم= وفكسار من صنع ياباني اغناك ربي وعنهم شوم = اقبل كلامي لاتعصاني وان عفت حرن كسر بالحوم=اغليك لو انت تشناني لاتقول يوم اطلبك ماهضوم=حزبي وانا معتل ٍ شاني رصاصنا بالقا ملحوم=وليا احتما الحرب تلقاني من فعلنا حزبكم منجوم=كلٍ يدعي على الثاني السبع معطينه المقسوم= ومعزبك وبن نملاني والرييس اللي ماذاق النوم= من فعلنا دوم سهراني جتكم علوم ٍ وباق علوم=انما انخزاء كل شيطاني حزب النصر صار فيه ثلوم=من فعل ذربين الايماني وكل ٍ يقول انت راع الوم =تطالبو والخبر باني وكثرت نزعاتهم وخصوم=ناصر لعطوان مايداني خشمه على صاحبه محزوم = يالله ياربي لاتبلاني

اعجبتني هجينية العمدة وهذا ماتيسر من الرد

ناديتني وين ياشغموم=نداك ياشيخ ماجاني
اناولد يابعيد الحوم= اشوف الاقصى من الداني
ان مت من سبتي مرحوم= ارجيه من وال الأحساني
واليوم من عقبنا منجوم= باقصى حولي وخيطاني
ياصاحبي .لا.عداك اللوم=امصادق ٍ واحد ٍ ثاني
لو صرت طيب معك ماشوم=من صاحبي طول الازماني
ماني بضاعه تجي وتسوم= أنا آخذ من العرب عاني
هذي مناصب بفرك اخشوم= أخذتها وأنت زعلاني
والشيك والجيب اخاوة يوم= وبذمتي مانت خسراني
تفتك من مرهبات الروم= وملاوح الذيب سرحاني
من عاش بين العرب مضيوم= لو يضحك القلب مرضاني
عطنا يدك واترك المهزوم=حزب ٍسرح بابن جحشاني
خله لعله بواد الدوم= ماتلمحه سود الأعياني
ابغاك في لازم ٍ محتوم= شيء ٍ من النوم جزاني
حب ٍ طوا حالي المهيوم=طوي الرشاء في يد الساني
دائم وأنا خاطري مهموم= كني مع الناس وحداني

[ابو عوجه]

اقتباس من مشاركة عبدالباري عبدالعزيز اعجبتني هجينية العمدة وهذا ماتيسر من الرد ن ابغاك في لازم ٍ محتوم= شيء ٍ من النوم جزاني حب ٍ طوا حالي المهيوم=طوي الرشاء في يد الساني دائم وأنا خاطري مهموم= كني مع الناس وحداني

هذي زبدة الهرج يالعمده

[ناصر خنيفر]

عمرك فوق الثمانين وذابحك الهواء يابن عطوان صح لسانك لون مافيك حيله ههههههههههه

[عبدالباري عبدالعزيز]

اقتباس من مشاركة ناصر خنيفر عمرك فوق الثمانين وذابحك الهواء يابن عطوان صح لسانك لون مافيك حيله ههههههههههه

ابك الهوا ذبح الوضيحي وعمره كبر عمرك ههههههههههههه