[ناصر خنيفر]

اقتباس من مشاركة الطاحون طيب طيب لامنك طحت لاتطيح غير انت متساوي=ترا الطيحه على الوجه يالعمده مصيبه في حد الابه اللي بها كثر العزاوي=قطعنا راس شيخك وعوقنا صحيبه

افا ماهي عاده تسرع بالقشر لكن الغياب الطويل له دور

ماني طايح ولاخاف كن الذيب عاوي = احطله المشوك ولي سهم ٍ يصيبه
بداله تسعه وتسعه الحر النداوي= هذه اللي حسبناه في مدمث شعيبه

[الطاحون]

اقتباس من مشاركة ناصر خنيفر افا ماهي عاده تسرع بالقشر لكن الغياب الطويل له دور ماني طايح ولاخاف كن الذيب عاوي = احطله المشوك ولي سهم ٍ يصيبه بداله تعسه وتسعه الحر النداوي= هذه اللي حسبناه في مدمث شعيبه

طيب طيب

تحسبنك لاشخصة بالبشت الحساوي=يسمونك بني عبس حلال الصعيبه
تعدون الهشيم وتجيدون المناوي=تمنيتو بداله لكن هذي تعيبه

[ناصر خنيفر]

اقتباس من مشاركة الطاحون طيب طيب تحسبنك لاشخصة بالبشت الحساوي=يسمونك بني عبس حلال الصعيبه تعدون الهشيم وتجيدون المناوي=تمنيتو بداله لكن هذي تعيبه

طيب طيب

اشخص بالبشت من فضل ربي غناوي= ماجمع للفصم ثم ابيعه وشتريبه
تنشد عن كلامي جهز ويا الحاوي= تبا تعطيك علم ٍ ياجهل تقتديبه

[ناصر خنيفر]

الطاحون ترى الجماعه يكثرون النشده عنك لاتقاطعنا

[الطاحون]

اقتباس من مشاركة ناصر خنيفر طيب طيب اشخص بالبشت من فضل ربي غناوي= ماجمع للفصم ثم ابيعه وشتريبه تنشد عن كلامي جهز ويا الحاوي= تبا تعطيك علم ٍ ياجهل تقتديبه

طيب طيب

ياراع العله اللي بلش فيها المداوي=من عصور ٍقديمه معك شكن وريبه
فرحت بشوفت الشعيل واثر الشعيل ثاوي=برك في مبركه ثاوي ٍ محد ٍدريبه

[الطاحون]

اقتباس من مشاركة ناصر خنيفر الطاحون ترى الجماعه يكثرون النشده عنك لاتقاطعنا

والله ياطويل العمر ضروف الحياة متخلينا على كيفنا الكن سلملي عليهم

[ناصر خنيفر]

اقتباس من مشاركة الطاحون طيب طيب ياراع العله اللي بلش فيها المداوي=من عصور ٍقديمه معك شكن وريبه فرحت بشوفت الشعيل واثر الشعيل ثاوي=برك في مبركه ثاوي ٍ محد ٍدريبه

اسمع اسمع

مافيه عله انته علام العقل خاوي= اشوف الوايلي هس ورداء الله نصيبه
لاتظلم وضلايم مافيها الا البلاوي= ليا منه لقا بالعرب شين لقيبه

[الطاحون]

اقتباس من مشاركة ناصر خنيفر اسمع اسمع مافيه عله انته علام العقل خاوي= اشوف الوايلي هس ورداء الله نصيبه لاتظلم وضلايم مافيها الا البلاوي= ليا منه لقا بالعرب شين لقيبه

طيب طيب

تمعن في كلامك قبل منها تلاوي=لاتحداني وبين جروح ٍبك عطيبه
دخلت الديره اللي ماينزلها الشواوي=ولقيت العمده المحترم ينعى زبيبه