[نايف]

تقوله وانا بقول لك خير ياطير = عساك البعير شعيل جنب وسنامي
ترى السير ساري جعل ماتقطع السير = ولا بيك تخلط باالحلال الحرامي

[سلطان العايضي]

متابع لكم

[نايف]

عبد العزيز وسلطان العايضي


حياكم الله

[نايف]

الليل يا خلف ماهو اقصاد



الله لا يهينك

[خلف العايضي]

عبد العزيز وسلطان العايضي

مرحبا مليوووووون متابعتكم شرف لنا . . . واحيي كل من يتابعنا . . .


الركد يانايف ماعليك الليل باوله توني اشوف ردك الثاني . .


استلـــــــم

اذا قلت لك مايصير يعني ترى مايصير= وبادرسك وشلون تنطق كلامي


لامني لزمتك بقصبك بالسواطير = ومن بعدها تبصم لنا بالبهامي

[نايف]

اقتباس من مشاركة خلف العايضي عبد العزيز وسلطان العايضي مرحبا مليوووووون متابعتكم شرف لنا . . . واحيي كل من يتابعنا . . . الركد يانايف ماعليك الليل باوله توني اشوف ردك الثاني . . استلـــــــم اذا قلت لك مايصير يعني ترى مايصير= وبادرسك وشلون تنطق كلامي لامني لزمتك بقصبك بالسواطير = ومن بعدها تبصم لنا بالبهامي

ياجساس رمحك ماذبح سالم الزير = تباها على ارضك ولا فوق الغمامي
بنينا الأشده فوق ظهر المضاهير = ولقينا العشاء لكن بغينا اليدامي

[خلف العايضي]

اقتباس من مشاركة نايف ياجساس رمحك ماذبح سالم الزير = تباها على ارضك ولا فوق الغمامي بنينا الأشده فوق ظهر المضاهير = ولقينا العشاء لكن بغينا اليدامي

الياجبتها ياالشيخ تصبح عل خير = وبعطيك من عندي هديه وسامي

تمسك على ظهر الاشده فقط لاغير = ياراع العشاء وين الغدا لاتنامــي

[نايف]

الأخ خلف العايضي


صح لسانك واسمح لنا ولا هنت


وتصبح على خير