[نايف]

كلامي تعرفه كان فيك الزمن دار
الياعـود العاقـل الـسـن الجهـالـه
تثن بمكانك ونظر يميـن ويسـار
مثل مايثنـون الجمـل فـي عقالـه

[أنكسارحلم]

اقتباس من مشاركة عبد الرحمن خضير السلام عليكم مساكم الله بالخير جميعا يعطيكم العافيه وانا ماني بصف احد منكم لحيث كلكم غالين

هلا ابو متعب وجودك شرف طال عمرك
والرساله وصلت وخذنا الحيطه والحذر هههههههههه

[سلمان]

اقتباس من مشاركة ناصر الشويلعي اسمع اسمع كلامي تعرفه كان فيك الزمن دار=الياعود العاقل السن الجهاله تثن بمكانك ونظر يمين ويسار=مثل مايثنون الجمل في عقاله

ياناصر تراني ماحسبك ضمن الأنصار=لو إنك وسيع بطان صاحب جلاله
أباأنشدك يالمليون كم عندك أصفار=أنا ماأقدر أحسبهن ولو عندي آله

[أنكسارحلم]

اقتباس من مشاركة سلمان ياناصر تراني ماحسبك ضمن الأنصار=لو إنك وسيع بطان صاحب جلاله أباأنشدك يالمليون كم عندك أصفار=أنا ماأقدر أحسبهن ولو عندي آله

اسمع اسمع

ترى منت ياسلمان مع اهل الغار=تراك انت صاحب للعور مع عياله
اليا صرت ماتقدر وانا حسبك بيطار=تريح بيت ٍ فوق راسك ضلاله

[عاشق المستحيل]

عااااااااااااااااااااااااشو وانا بصف سلمااااااان ولايهون ابو خاااااالد

[سلمان]

اقتباس من مشاركة ناصر الشويلعي اسمع اسمع ترى منت ياسلمان مع اهل الغار=تراك انت صاحب للعور مع عياله اليا صرت ماتقدر وانا حسبك بيطار=تريح بيت ٍ فوق راسك ضلاله

لقيت أهل الكهف ولقيتك لهم جار=ولاني صحيبك مير رد الحواله
لو آجاملك ياشين مرة وتكرار=شبوحك تحت رجلك وحالتك حاله

[سلمان]

عاشق المستحيل


راشد رباح


حياكم الله

[أنكسارحلم]

اقتباس من مشاركة سلمان لقيت أهل الكهف ولقيتك لهم جار=ولاني صحيبك مير رد الحواله لو آجاملك ياشين مرة وتكرار=شبوحك تحت رجلك وحالتك حاله

اسمع اسمع

انا تاجر اليا شفت بسوق تجار=وكلن يبيع ويشتري في رياله
لكان انت مالك مع هل العرف مشوار=ماعندك ياغيرالناقصه والهزاله