[نايف سليمان]

الليل الليل

[كاسب المرجلة]

اقتباس من مشاركة نايف سليمان مرحبا عد من رحب ورد السلام= من هجوسن سرى بالنت طاروقها أبشر بعلم يدخل في صميم العظام = والقلوب الخباث يتل معلوقها

البقاء وانت شاعر والك قدر ومقام=والعلوم الجزيلة طب في سوقها
بارك الله ومثلك محتزم بالحزام=والقلوب الخبيثة مهتنى شوقها

[كاسب المرجلة]

تعديل
مهتنى

[نايف سليمان]

اقتباس من مشاركة كاسب المرجلة البقاء وانت شاعر والك قدر ومقام=والعلوم الجزيلة طب في سوقها بارك الله ومثلك محتزم بالحزام=والقلوب الخبيثة مهتنى شوقها

فيه راسن منامه فوق ريش النعام = وفيه عينن يرف الهم بعروقها
للمطيه هجار وللمطيه خطام= قودها للبياض وللوفاء سوقها

[كاسب المرجلة]

انت من بينهن سيرت شرقن وشام=وكل عينن تلد الرمش من فوقها
فيه طير الحرار وفيه طير الرخام=وفيه ناسن تدور سدت احلوقها

والمقهى سكر مير بعد الصلاة

[نايف سليمان]

اقتباس من مشاركة كاسب المرجلة انت من بينهن سيرت شرقن وشام=وكل عينن تلد الرمش من فوقها فيه طير الحرار وفيه طير الرخام=وفيه ناسن تدور سدت احلوقها والمقهى سكر مير بعد الصلاة

وزعتي من بعير العز راس السنام = والبشوت السمول وساعن أفتوقها
أبرق الريش كوبش وأشقر الريش حام= بين سود النصوب ولمعت بروقها

تصبح على خير وحنا نتعلم منكم وبيض الله وجهك

[بنت العبسي]

الله يحميكم محاورة راائعة

^_^

مو متابعة بس مرور الكرام

وبشوفها بعد التنظيم ان شاء الله

صح لسانك يانايف ولا يهون كاسب المرجلة

[عمرالحربي]

---------------------------------تسلمون