[صاعوق]

صح بدنك وعااشت اياامك ولياليك
الليل يافاايز

[المحترف العبسي]

اقتباس من مشاركة صاعوق ااسف تو شفت طلبك ابشر بالرد واستلم يامرحبا رده لها عنوان والحااضر عجيب=يكتب ولايقرى وش اللي للعرب يرسلها العلم هاته والمعاني بين شااه وبين ذيب=وانا مثل ذيب الخلا كل الدروب ادلها

فيك البقا والعلم هذا مايودي مايجيب...وش تستفيد من العلوم اللي خصيمك زلها
اترك علومٍ تلحقك منقود واشربها شريب...وارجع وشف خط الكتاب اللي كتب بسجلها

[المكلماني]

يا سلام يا فايز تعديل مسار هههههههه

[المحترف العبسي]

اقتباس من مشاركة المكلماني يا سلام يا فايز تعديل مسار هههههههه

حياك الله يالمكلماني تشجيعك يزيد الحماس

[صاعوق]

الفايده ماتزعل الرجال والشهم اللبيب=وانا عطيتك فايده وانت ان مجازت خلها
يافايز المنقود مايقرب منزحت الحريب=جتك الزرووف مطرفه في ظرف مير افطلها

[المحترف العبسي]

اقتباس من مشاركة صاعوق الفايده ماتزعل الرجال والشهم اللبيب=وانا عطيتك فايده وانت ان مجازت خلها يافايز المنقود مايقرب منزحت الحريب=جتك الزرووف مطرفه في ظرف وانت افطلها

اثرك ياصاعوق بالمسراح سراحٍ قريب...تومي بك الدنيا على حد السيوف وسلها
الوضع بين الناس متلخبط ولافاد الطبيب...لكن تساوى عندنا دق العلوم وجلها

[المكلماني]

الله على الابداع

تحياتي لكم يالشعراء المبدعين

[صاعوق]

سوولف يافايز وانت اشووفك من سواليفك حبيب=والله لو اغفي عن حدودي منته بمحتلها
لو المنادي يجهر بصووت الندى مامن مجيب=قلت لك واخذ العلم وانت النااس عني قلها