[المقبل]

راجن كما روجة قطاً بالهوى راج@@@ يشوف حوم وكل ماطار راجي

صح السانك شهادتي فيك مجروحـــــــــــــــــــه

[ابوصالح لرشيدي]

صح السانك يابن شلال ؟
وبيض الله وجهك شاعر علام ..
وشهادتي فيك مجرووحه ..
تقبل مروري وتحياتي لك ؟

[أميرة البنات]

صح لساإنك . .

[ابن شلال]

صح ابدان الجميع شرفني مروركم

[الوافي99]

مكشوووف ماتتجيه حتى المتاجي


نغمه خاصه^

[لايغرك زمانك]

هاض الضمير براس رجمً كما عاج= ياهيض هيَض بهجتي واندماجي
بحر القصايد صارله وقت ماهاج= وذا الحين مع غيمة سماء الدار هاجي
ذا الجو جو الشعر ماعاد يحتاج= للشاعر الحساس راعي المزاجي
غيم ومطر يمطر ودربيل ابو تاج= وجوً لمن روحه عليله علاجي
سالي لحالي لالجاجه ولا ازعاج=والجو صافي لا هوى ولا عجاجي
بأطول جبالً زاميه مثل الأبراج= رجمً براسه صخرةً تقل تاجي
بين الجبال تقول شيخً مع افواج = مكشوووف ماتتجيه حتى المتاجي
مشطرً عن كل عاذل وهراج= وحيد غير النفس مالي مناجي
الوحدة ابرك من مجاليس الأحراج= وناسً مقابلهم يقدر مزاجي
بسلا عسى يطفى عن القلب وهاج=ولا ضيقة الا من مقتفيها انفراجي
واشعر واخايل بارقً يسرج اسراج=وسط المخيلة مثل ضوء السراجي
سحايبً صبحً تلالا كمال العاج= البرق ضو سراج واللون عاجي
راجن كما روجة قطاً بالهوى راج= يشوف حوم وكل ماطار راجي
البرق يبرق والرعد له تلجلاج= والماء زماء بالبيد مثل الزجاجي
يسقيـــــك يادارً بك الزين كم داج=وياكم قبل الزين بك زين داجي
خلً غرامه راج في قلبي ولاج= وصار طفلً بين الأضلاع لاجي
يلعب بهن لعب الهبايب بالأمواج= وارجي ومرجي ماسمع صوت راجي

ابن شلال

صح السان شاعر عرفت شعره قبل عرفه

[ابن شلال]

لا يغرك زمانك ,,, صح بدنك ويشرفني عرفك يالغالي

[بروفسور الشعر]

بيض الله وجهك على هذي القصيدة الجزله وصح السانك






تحياتي لك