[رائد الذيابي]

.
.

صحى صبح الفراق \.. ولا تريّقته :
...... سوى نبض ٍ.. تجمّل في شراييني

تسلل ..وسط شبّاكي..\ وسابقته
......ارّتب غربتي.. \.. ووجيه غاليني

كأنه حلم ..\ ماطقته ..ولا فقته!
...... ولا كسّر نعاس الدرب ...في عيني

ولو إنه ..إذا مد النوى.. طقته
..... يغنّي العشب .. ل اسراب التعب فيني !

ولكنّ البلد ...من يوم.. فارقته
......يخبّي .. ريحة الغالين .. ب ايديني !

يذر الجرح ..نسناسه..\ واروقته :
...... ترش الحُب .\. .وتشرّ المحبيني ../

لمست الخوف \طمّنته \.وصادقته
......على حفنة جسد .... ماعاد يعنيني

عرفته.. ساكن ٍ فيني ..وعلقته
.....يشاورني.. على ماخلّت ..سنيني

تقول أمي ..محد يرضا على وقته
.....وانا ب وقتي رضيت..\ولارضى فيني !

تدلّى من زمن ..للحين ماذقته :
......سوى منفى شعور ...ودمع غاليني

[رائد الذيابي]

.
.

وحدي ...
وحدي .. وانا !
مايبقى للشارع مكان ,
غيري ويابس خطوتي
تحت المطر , تبقى الرياح ..
ونور المصابيح الحزين.
وهذي الليالي تمرّنا !
ما كنّنا .. رفقة تشاركنا الحياة !
ما كنّنا , أوقات نحضن همّنا
ما كنّنا !
يا ظلّي الواقف .. تعال
مابه تعب .. مات الكلام !
وحدي .. وانا !
يبقى المكان / الإنتظار / اسراب ليل الأرصفة
جفّت زوايا الشارع المُمطر ..
وبردت قهوتي
حتّى المسافة بين ظلّي , والوقوف
صارت خصام !!
جفّ العمر ..
وبقيت وحدي في المكان ..

[رائد الذيابي]

.
.



في داخلـي جمرلكـن مـا يدفينـي
............. من يشعل النار في صدري ويدفابي !!

من يجمع الغيـم بيدينـه ويسقينـي
............ واصب عيني لعينه واحطـب اهدابـي

من ياخذ النوم من جفني ويسرينـي
........... ويعلق الصبح قبل اصحى على بابي!!

تعبت اوطّن بقلبي شخـص ينفينـي
........... تعبت اهجّر حمامِ حـب محرابـي !!

تعبت اقطّف حروفي مـن بساتينـي
............ والناس تعجب وانا مانلت اعجابي !!

يا اول الحـب وينـك او انـا وينـي
........... تغيب عني كأنـك تعلـن اغيابـي !!

من غبت عني وانا والله مـا ابينـي
............ ضيقت خلقي وضاقت فيني اثيابـي !!

اعد عمري الحقيقي واحسب سنينـي
............ لقيت عمري معك ما جاوز اتعابي !!

طلبت قلبي وقلت ابشر ومن عينـي
............. واعطيتك اللي تبيه وقلت بسبابـي :

يبذربي الحب من صغـره ويجنينـي
............... الين شفتك زرعت الموت بترابـي !!

حريتي معك ! لكن عطنـي ايدينـي
.............. اخفي بها حزن متسلطن بهدابـي !!

محتاج انـام ودخيلـك لا تصحينـي
............... الا على انفاسك اللي تشبـه اطيابـي

[رائد الذيابي]

.
.


الصمت تنهيدة المجروح قبل الكلام
بعضه رضا ! واغلبه تفكير ما له مدى

من يتقنه يستريح من العتب والملام
مادام نصف الكلام اللي نقوله سدى

[رائد الذيابي]

.
.


وينك؟ معاك ايامي البيض.. وينك؟
ما صرت اميَّز خطوتيني من الخوف!

يا دلني.. وامسك يدي في يدينك...
أو كرّم عيوني بشوفك.. اباشوف!

[رائد الذيابي]

.
.

الكتابة حـلـم و الواقع صعب
.............. ودي أكتب شي في صدري و أنام

من زمان الغصن يملاني العتب
.............. لين ما باقي غصون و لا حمـام

يا عروق الريح حنجرتي قصب
............... نـاي الأيام و مواويل الظـلام

ودي أكتب بعض حزني ما انكتب
................. إن لقيت الحزن ضيّعت الكلام

[رائد الذيابي]

.
.

صاحبك : مكسورةٍ " درفة " مُخيّلته !
. . . . . . ويطير من شرفته مليون [ خاطر حزين ]

[رائد الذيابي]

هالليل : لمّة عاشقين ، وأغاني
............. وآمآل ... ترقى للسما ... في سكينه

ووجه الطريق إيذمّ سُمر المباني
............. تاهت مع الظلمه ... خُطى عابرينه ؟

قلت أعبر حدود الشقا / للأماني
............. وأقطف لها من بهجتي ... ياسمينه !

كنت الفقير .. المغتني بالمعاني
............. طفلٍ غرس في روض شكّه | يقينه !

هذا البلد : نورس حزين ومواني
............. فيه الغلابى ... يحتسون ... الغبينه !

ماقسى من إنك لجل عينه | تعاني
............. غير الغرق وأقصى طموحك ( سفينه )

يابن الغياب إللي يدكّ .. المحاني
............. كم قلت : برد الشوق ... ديني ودينه

عطني من سنين المحبه .. ثواني
............. البعد جوع ... وقوت صبري عجينه !

شفني حديث الناس قاصي وداني
............. شاعر : نسى يطفي ... سجاير حنينه !

قلبه دلو واضلاع صدره | سواني
............. وجروحه الما ... والنخل رمش عينه !

لو قيل جاني قول : من صار جاني
............. هي : سطوة الدنيا / رحيلك / سنينه ؟

بعدك وحيد وغصن بلواي .. داني
............. ضميان عطف ... وصدّة الغيم شينه !

طل الشتا ولاجيتني ... وطل ثاني
............. وانا اخفي اوراق الأمل في [ خزينه ] !

لا الصبح قادر ياخذك لي عشاني
............. ولا الدرب لك : بستان من قمح وطينه

قلي : إذا مني [ برودك ] خذاني ..
............. كيف الدفى يطرق ... بيوت المدينه ؟ *