ضــع اعــلانك هنا
 |
الملاحظات
|
|
خيارات الموضوع | ابحث بهذا الموضوع |
|
|
احببت ان اشاركم بهذه القصيده المؤثره فعلا وروعه فى نفس الوقت
لما تقراءها وتتعايش مع ابياتها تحس انك فى عالم اخر وان الي قال الابيات محاكي العصر تماما وعارف ايش يقول ابداع وتنسيق كلمات رائع وقصيده كل بيت فيها او مجموعة ابيات فيها قصه بحد ذاتها احبب ان اطلعكم عليها للاستفاده والعظه والعبره وعلها ان شاء الله ترقي الى ذائقتكم بكل امانه وموضوعيه يالله وانا طالبك تغفـر لـي ذنوبـي يـا غفـور ارجيك والجا لك وانـا سالـك واعيـد المسألـه لوما تطهرنـي بعفـوك مـا تطهرنـي البحـور جيتـك وذنبـي قـد تعـلاّ غاربـي يـا مثقلـه أنا من الطين انخلقت , أخطـي ولانيـب معـذور قامت علي الحجّـه بدعـوة رسلـك المرسلـه مؤمن بتوراتـك و إنجيلـك و مؤمـن بالزبـور و بسنّـة محمـد وآيـات الكـتـاب المنـزلـه لكن خُدعت بزخـرف الدنيـا وزادتنـي غـرور أبدت مفاتنهـا و ورتنـي مـن العمـر اجملـه طبعاً بما إنـي بنـي آدم حصـل منّـي قصـور واذنبت يـا مـولاي ذنـبٍ بالخفـا مـا تجهلـه أسألك تغفر لي و تستر موقفـي يـوم النشـور اليا القفت خلقـك صحايفهـا وهـي مستذهلـه من يستلمها بالشمال افلس وهـو يدعـو ثبـور ومن يستلمها باليميـن افلـح لخيـر المنزلـه واسألك يا ربـي تعاونّـي علـى نيـل الأجـور أحيا حيـاةٍ مكسبـي فيهـا مـن البـر افضلـه واسألك جاهٍ مع هـل الدنيـا وحـظٍ مـا يبـور أيضاً وعرفٍ مـع هـل الحكمـه ورزقٍ تكفلـه من لا تهيّا لـه مقـامٍ مـع طويليـن الشبـور يبكي على ما ضاع من عمره وخيبـات عملـه وان شاب راسه لا ترجّى فيـه تجبيـر الكسـور لا خير فـي تالـي زمـانٍ مـا تغانمـت اوّلـه ومانيب ناسي قصةٍ صـارت وانـا ازورالقبـور لازلـت افكـر فـي غرابتهـا وبالـي تشغلـه ساعة ظهر لي شايبٍ له حول قرنيـن محجـور في جوف قبرٍ عن هـل الدنيـا طـواه ويعزلـه سلّم وجا صوبي يقول : ابنشـدك يللـي تـزور عن حالة الدنيا وعن وضع الزمان وعـن هلـه أنا مضى وقتي ومـرّت بـي طويـلات الدهـور والباقـي بعمـري بعيشـه بينكـم واستكملـه قلت : الزمان اللي يبارينا علـى خبـرك يـدور الوقت نفسـه مـا تغيّـر ماشـيٍ فـي جدولـه أما البشر , , , لا والله الاّ غير من حد الجـذور صار انتقالٍ مـن يميـن الـى يسـار المنقلـه استغرب الشايب من اللي قلـت وبليّـا شعـور حط اليمين اعلىالشمال وخاطـره فيـه اسئلـه قال : افتني عن حالة الشيبان والشيـخ الوقـور أهل الخبر والراي والحكمـه وضـرب الأمثلـه القدوه اصحاب الأمور اللي تطـاع بكـل شـور اللـي يفضّـون النـزاع ويحكمـون المشكلـه قلت : البعض منهم على ما قلت في وصفك وقور قدوه ولكن رايهـم مـا ينفـرض فـي مسألـه الطاعه العميـا بقـا منهـا مجاملـة الحضـور اللـي تلاقيهـا مـع اوّل فـرصـةٍ متنصّـلـه والبعض لا عبـدٍ يخـاف الله ولا عبـدٍ شكـور لا زهّـده شيبـه مـن الدنيـا ولا هـو جمّلـه بهيمةٍ يرجـع علـى منحـاه الاوّل ومحصـور فـي لعـب بيلوتـه وريـح زقارتـه ومعسّلـه والبعض الآخر شابت رموشه على درب الفجـور ينقـل جـوازه للسفـر مـن مزبلـه لا مزبلـه أشيمطٍ زانـي قضـا عمـره بحانـات الخمـور والعايلـه ورعٍ يغـرّر بـه وبـنـت مهمّـلـه قال : افتني عن حالة الخفـرات ربّـات الخـدور اللي تصـان بـبيـت عايلهـا و بابـه تقفلـه شيهانةٍ تشمخ عفاف وتصقـل فـروخ الصقـور بين الفريق بـبشتهـا الضافـي وثـوبٍ تسبلـه قلت : العـذارى فـي زمنّـا ببغـاوات الطيـور تقليد هرج و عرض ريـشٍ خلفهـا تستخملـه تلبس عباةٍ ضيّقـت حـول الردايـف والخصـور فضيحةٍ تكشف جسدها مـن علـوّه لأسفلـه وموضة شيالٍ تكشف الوجنات والـوان الشعـور والمحـرم تبـدّل بـجـوالٍ بيـدهـا تحمـلـه لا فوّحت صفر الدلال ولا عرفت غـش القـدور تطبـخ لـهـا خـدّامـةٍ بالعايـلـه متوكـلـه الأم ما صانت عفاف البنت من عمـر الزهـور والأب ديّـوثٍ تحكـمـه حـرمـةٍ مسترجـلـه وشلـون يتربّـى عيـال ام التبـرّج والسفـور الاّ خنـازيـرٍ دمـاهـا بــارده ومغـفّـلـه قال : افتني بحال الشباب الصلب صيّـاد النمـور الفـارس اللـي ينطـح خصومـه بزنـدٍ يفتلـه الوافي الشهم الغيور اللي لعرض الجـار سـور البار عند امّـه وابـوه وعلـم ربعـه يشغلـه قلت : الشباب بوقتنا وجهه مثـل بـدر البـدور والجسم من زود الرخا ما تنفتـل فيـه عضلـه قصّـة شعـورٍ صيّرتهـم لا إنـاث ولا ذكـور والثـوب راح ولا بقـى الاّ عـالـمٍ متبنطـلـه ناسٍ ( فلنتينو ) وناسٍ تلبـس ( كرستانديـور ) صار التنافـس بينهـم فـي لبسهـم والجنتلـه من كان يشرب من قرار البير مشروبه ( بيور ) والبل راعيها غدا يشـرب حليـب ( النستلـه ) مامنهم اللي قام دون اعـراض جيرانـه غيـور من قام قالو , , وشـملقّف حضرته ؟ وشـدخّله والوالدين حقوقهم ضاعت وعنهـم فـي نفـور ان غـاب عنهـم لا تذكرهـم ولا جـاه الولـه بدّا عليهم شلّـةٍ تهـوى الوطـا بيـن الجحـور لو تعزله عنهم تبـي لـه شـان كنّـك تقتلـه ما راح يوم يشارك ربوعه بحـزن ولا سـرور حتى ابن عمّه يعرفه بالوجـه واسمـه يجهلـه بدّل حكاه وضيّـع سلومـه وحالـه فـي دبـور وان شاف ضيف يخش حتى انّه يفـارق منزلـه ناظر لي الشايب بعينٍ تجمـع السبـع البحـور يقول : انا لا يمكـن ادخـل مجتمعكـم واقبلـه انتو لكم وقتٍ تصـدّع مـن بلاويـه الصخـور ما يقعد الجمّال به ساعـه ولـو ضـاع جملـه مع ارق تحياتي لكم جميعاا. ...........دائما معكم
|
|
|
بسم الله الرحمن الرحيم
السلام عليكم ورحمه الله وبركاته ,, ابيات اعجبتني للأمير / سعود بن خالد آل سعود حبيت انقلها لكم مشتاق للجنة وخايف من النار بين الرجا والخوف أبقضي حياتي ~ أحيان يزيد الخوف عندي بمقدار لأني كثير ذنوب ومن العصاتي ~ ولأني أتوب من الخطايا والأوزار وأرجع وأطيع النفس في المـَعصياتي ~ يا الله أنا من نفسي اليوم محتار أتعب وأنجـّيها وتبغى مماتي ~ يا نفسي اللي تامر بسوء واشرار أريد بك خيرٍ وهذي جزاتي ~ يا نفس يوم الحشر ما تقبل أعذار وفي جنة الفردوس نبغى المباتي ~ لكن عندي سؤالٍ له أسرار وشلون ناصلها وهذي سواتي؟! ~ حملي ثقيل ومنه جسمي قد انهار وحتى الخشوع مضيـّعه في صلاتي ~ يا رب كيف أدعوك في وقت الأسحار وكلي ذنوبٍ في العلن والخـَفاتي ~ ويا كيف أنا ما أدعوك والاسم غفـّار تغفر ولو مثل البحر سيئاتي ~ أنا أدري إن الله عظيمٍ وجبـّار وانه رحيم وكلنا له سنأتي ~ وإنه على خلقه حليمٍ وستــّار وإنه رقيب وكاملٍ في الصفاتي ~ فيا الله يا منزلٍ من الغيم الأمطار يا منبتٍ بالأرض خضر النباتي ~ يا مجري من القطر وديان وأنهار ومن الحصى منشي جبال السراتي ~ يا مقلــّب قلوب الخلايق والأبصار يا حاشرٍ خلقك حفاةٍ عراتي ~ أسألك أنا خشيتك في سرّ وجهار وعلى الهُدى طالبك ربي الثباتي ~ وأسألك حسن الخاتمة بآخر الدار وتوبة نصوح وعفو قبل الوفاتي ~ وأسألك أنا الجنة مع وفد الأبرار مع النبي يا رب هذي مُـناتي ~ اللهم ارزقنا الجنة وما قرب إليها من قول وعمل .. اللهم ارزقنا الجنة وما قرب إليها من قول وعمل .. اللهم ارزقنا الجنة وما قرب إليها من قول وعمل .. م / ن
|
|
|
يا وطنا دام عزك شامخ والدين سيرة
.................. مارضينا غير ارضك نسكن ونعشق ثراها انتمي لك والفخر لي شخص وارضه جزيرة .................. من يلوم اللي يحبك ام وتغلي ضناها يالسعودي بس اسمك لا لمع في كل ديرة .................. والله انه تاج اكبر من على هامة سناها شعب ودستور وأمه ترتوي من فيض خيره .................. لا عدمنا من حكمنا ولا نسينا من بناها من شمالك لي جنوبك كل شبر فيه غيره .................. حاسدك ربي يعينه مادرى انه ما نساها يحتمي بك رغم غيضه اه ياشين البصيره .................. وين ماترحل عيونه يرجع ويذكر سماها كل حرف لا كتبته غير اسمك استشيره .................. وين يا كلي تمهل ارفق ولملم حلاها ايه احبك يا بلادي دون شك ودون حيره .................. كل عرق لا نشدته قال ينبض من غلاها يا فديتك بالمشاعر والا روحي لك ذخيره .................. ما تردينا من اول كيف لاجت في سواها يحفظك رب كريم من صودايف عسيره .................. يا منار الحق للي ضاعت حقوقه لقاها دام ابو متعب يقودك سيري دروبك يسيره .................. والمواطن في يمينه خط ما نبغى سواها ايه احبك يا بلادي دون شك ودون حيره .................. كل عرق لا نشدته قال ينبض من غلاها يا فديتك بالمشاعر والا روحي لك ذخيره .................. ما تردينا من اول كيف لاجت في سواها  تــــــــــــــــــــــحـ ـــــــــــــــــــيـــــ ــــــــــــــاتـــــــــ ــــــــــــي 
|
|
|
لاقلت يمه حنان الاسم يكفيني
وشلون ضمت يدينك يابعد رأسي...  يمه يايمه دخيلك لا تخليني محتاج قربك وحضنك يابعد ناسي... .gif) محتاج عطفك دخيل الله ضميني لاتتركيني لدنيا قلبها قاسي.... يالغاليه بشوق جيتك لاترديني جيتك وخطوات رجلي تسبق أنفاسي.. محتاجلك حيل ومحتاجك تلميني من قسوة الوقت ومن تعذيبه القاسي... أبي بعيونك عن احزاني تشيليني وابي بحضنك أفارق هم وسواسي... وأبي حنانك وكلماتك تغطيني من مقدم الرجل لين اخر شعررأسي... وأبي أحس بشعور ٍ منك يكسيني عطف ومحبه وحنان ٍ دون مقياسي... يمه كبرت وكبر هم الزمن فيني ومن لوعة الوقت قلبي عايش يقاسي... محتاج حضنك أمانه لاتلوميني محتاج اعاود طفوله كلها أوناسي... برّجع الوقت وانسي اللي معنيني يومي صغير وحنانك ماليءً كاسي... يمه ذكرت الزمان الماضي بعيني ماضي الطفوله السعيده وروعة إحساسي... كم كنت أضمك وكم مره حضنتيني وكم نام راسي على صدرك وهو ناسي... وكم كنتي تبكين من فكر يبكيني وكانت عيونك فداك القلب حراسي... وكم كانت مناك دايم بس تشوفيني احلى وأنظف " بنيه " بين جلاســي... وياما وياما سهرتيلي تواسيني لأونست ضيقه وزار الهم مجلاسـي... وكم كان حضنك عن الخلان يغنيني وكم كان عشقك لفرحي ماله قياسي... الله ياذاك الزمان شقد يحيـيني ليته يعود وتعوووود أفراح وأماسي... ياليتني ماكبرت ولاقسى ليني وبقيت طفلٍ همومه لعب وأكياااسي... يالغاليه جيت لك شوقي يقديني كبير لكن بقربك يصغر إحساااااسي... يمه يايمه أنا بنيتك تحبيني أدري وربي ولكن بقهره يــأسي... بحطم الحزن فيني وأقهر سنيني وبقول للهم "ياقلب العنى" ناسي... بنسى عذابي بحضنك لاتهديني من بعد حضنك يزيد الهم هوجاسي...  لاتتركيني وضمي يديك ليديني لمسة كفوفك تبدد قسوة أتعاسي... أبي أعاند زماني وظلمه الشيني وأبي بقربك أرده عني الخاسـي... ياأعز ناسي وياكل الكون في عيني ياملهمتـني المحبه وصيت نومــاسي... يفداك عمري وروحي وكل مغليني ويفداك كلي وأنا من رأسي لساسي... ياأغلى غرام ربى داخل شراييني وياأعذب شعور ٍ سكني وياأجمل إحساسي...
|
|
|
الاب
يابوي اكتب فيك مــن الشعرابيات ..... يحلى فيــــــك اجمل واحلى قصيده عساك دايم مني قــريب المسافات ..... لاجلك تهون المسافه لوهي بعيده لاغبت عني عسى ماطول الغيبات ..... ونشوفك كل يوم واعـــــوام مديده دوم على البال ياعــــزيز الصفات ..... كل خطوه فيـــك صح ورايك سديده غيبتك تزيـــد مــن الحـــب عبرات ..... وانتظر كل يـــوم منك اخبار جديده غـــالي ابن غـــالي من غير لفات ..... الله يديمك على المحبه ايام سعيده ارجــــوك لا تبتعد وتزيل كل زلات ..... عن الغالي الي احبه ويامر وازيده
|
|
|
|
|
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| مدونتي : نقطــه في آخر السطـر ~ | تـمنيـتـڪّ | المنتدى الأدبــــــــــــي | 787 | 06-01-2013 01:08 PM |
الساعة الآن +4: 04:53 AM.
جميع الحقوق محفوظة شبكة بني عبس
