[سعد بن عادي]

قالت :
دقيقه
اذا تسمح وابا ارجع لك ..
قلت : الدقيقه .. دقيقه كم ..ثوانيها ؟
وشلون ابا صبر دقيقه .. ما اتسمع لك
وشلون ابا اقضي .. ثوانيها .. وامضـيّها
قالت دقيقه !! وقلت الله يشفع لك .. الثانيه .. ما اتحملها .. ولا ابيها ..!

[سعد بن عادي]

يابنت أنا عمري ..تسعه وعشرين
سنه ، سنه من دون نقص وزياده
عرفت فيها ياريش العين : ثنتيـن
إما حياه العـز .. ولا / شهـاده
أعيدها وأحطها بين .. " قوسيـن
الطير يِعرف . والجراده . جراده

[مرآهيش]

اقتباس من مشاركة سعد بن عادي صباح / مساء [ الجوري ] هذه المساحة خصصت لإفساح الطريق .. لما يجول في صدري وما يروق لي ! أختياري المنفـرد .. يكفيـه " متابعتكم ولوبـ..صمت " طبعا كان في أحد مواقع القبيله وحبيت نقله لـ هنا . ودمتم كما تحبون

سعد بن عآدي

ع البركة افتتآح محرآب ابتهآلآتك

[سعد بن عادي]

اقتباس من مشاركة مرآهيش سعد بن عآدي ع البركة افتتآح محرآب ابتهآلآتك

الله يبارك فيأمك وعمرك ومرورك بحد ذاته شرف

لك وفر شكري وتقدير يا مرأهيش

[سعد بن عادي]

:
:

:

فالصدر بين الرجا والياس ، حمي الوطيس

والحرب ، عيّت بصدري توضع اوزارهـا

احد وثنين و ثلاثـا واربعـاء وخميـس

وانا على كف عفريـت ، انطـر اخبارهـا

الجادل ، الفاتن ، الدرّ النفيـس النفيـس

اللي على ضيم روحـي تعـزف اوتارهـا

واللي خواتم يديها اثنين ، نـور ولميـس

واللي عليها السحايـب هلّـت امطارهـا

القلب يضرس على لقمة لقاهـا ضريـس

والعيـن ماصـدّت الرمشيـن مدرارهـا

ياطيب راس الغلا اللي في ظلوعي حبيس

عهـدٍ علـيّ ووفـا ماابيّـح اسـرارهـا

بنت الحمايل ثمينه ، لـو ثمنهـا بخيـس

مااعطيتها القلب مهر لتسعـة اعشارهـا

:
:


:

[سعد بن عادي]

ماني على خوتك ، صامل .. ومجبـور

خليت كـل الـي مضـى لـي خلافـي

ولا الصداقه فـ.. المواقيف بـ.. الدور

تلقى / .. من إحصار المواقيف وافي !

ماجور / . يالي تفهم العلـم . ماجـور

أنا / أحمد الله فـ.. الجبيل متعافـي

[سعد بن عادي]

يا تاج راسي ماجنيت مـن العـذاب ألآ العـذاب

وياتاج راسي ماكسبت من الزمن غيـر الجـروح

احياناً الدنيا تكون اصغـر مـن جنـاح الذبـاب

ومن بح صوتـه للمـلا احيـان مايقـدر يبـوح

وأحيان احس ان الخطا يمشي على درب الصواب

واحيان احس ان الامل ماعاش في عين الطمـوح

يللي تنوح احذر تزيد الهم فـي دمـث الجنـاب

اللي ليا ناحـت قلـوب النـاس لا يمكـن ينـوح

وان قلتلك آنآ الوحيد اللي شربت مـن السـراب

في وقتها زدني من الهجـران واقْبـل بالنـزوح

ومانيب جايك لو يحج الثـور ويشيـب الغـراب

ياويش تبغى في جسد عايـش ولاكـن دون روح

ودعتـك الله والغيـاب اليـوم مامثلـه غـيـاب

معاد لك في داخلي شرهه ولا صـدر(ن) يفـوح

وأليا ظميت أقولك أشـرب ويرويـك السـراب

في وقتها تبكي مـن الهجـران وآزيـدك نـزوح

[سعد بن عادي]

.
.
لها ثغرٍ كما الجمره, مثل جمر الغضى ثغره
تعضّه بالبَرَد, مدري بـ ياقوتٍ ومحّاري!

انا ادري مُعجزه فيْ الخلق.. واللْه راعي القدره
خلق في ثغرها وصفٍ سوات الثلج والناري

وياسبحان من ولَّف مابين الثلج والجمره!
بوسط النار ثلج, وصار ثلج ونار سهّاري

غريبه مايذوب الثلج!, كيف النار مستعره؟
صداقه بين ثلج ونار فيها الفكر يحتاري

صداقه صادقه قبل امس,واليوم,وبعد بكره
مثل ماني مصادق صادقٍ صادَق لي افكاري

وانا! ماكنت اصدّق من يقول (العشق من نظره)!
وصدّقت المثل بعد الغرام وسمّه الهاري

حقيقة عاشقٍ سيف المحبه غاص في صدره
دخل في خافقه سيف الغرام بحدّه العاري
.
.