[فضي البراك]

من الأشياء الجميله بتويتر صوت وصدى بين الشاعر بين الشريف منصور بن سعود والزعيم مساعد الرشيدي


الشريف منصور بن سعود يقول :

يابو فيصل خذت روحي فلانيّه=اجوديه وابوها مزبن العاني
كنها مهرةٍ شقره سنافيه=تفهق الخيل لاطبت فـ ميداني
هيّظتني وانا نفسي هواويّه=مالها دون من تهواه سلطاني
وان خذتني معاها بالوصل نيه=ماورى نيتي بالوصل شيطاني
حر والحر له حره نداويّه=طيبها كم عليه الطيب وداني
طيّحتني بنظرة عين بحريه=يوم قالت كذا واختل ميزاني
مير ابسألك ياريف الخلاويّه=وانت شاعر ومن ذربين الايماني
كيف تقدر تصيد الذيب ريميه=والظبي ماله الا الذيب سرحاني؟

وجاء الرد سريعاً من الزعيم مساعد الرشيدي

ياشريف الحروف وطيب النيه=فاح شعرك لنا مسكٍ وريحاني
احرقت خافقك بالمربعانيه=شيخة الغيد حتى قمت تنخاني
كني أشوفها رثما سنافيه=خلت عيال مكه في خبركاني
ان زهت بالثياب البرجوازيه=ضيعت كل مطنوخٍ وقوماني
كانها بالدراهم خلها ليّه=كل مليون لاجل الترف مجاني
وكانها بنت عشّاقه هواويّه=بيت شعرٍ وتنساكم وتنساني

[فضي البراك]

اخايل هدب عينك وانا قبلها ماخلت=سوى بارقٍ صوب الجماعه وموطنها
انا كل ماتطري عليّه عيونك قلت=عساني على طول العمر ماخلا منها
تهلي : عيوني ياهلا ومرحبا لاقبلت=وتهل : الدموع ان شافتك مبتعد عنها
تغيب وتخليني أحاتيك لاطولت=وانا ادعي عسى غيبتك ربي يهونها

ثامر شبيب

[فضي البراك]

يقولون لا طال الجفا بالحبيب إنساه
وأنا وين ابنسى صاحبن ما تناساني

تغربت بالدنيا و هو ما بخل بخطاه
يسوق القدم في يمتي لين يلقاني