[سعد بن عادي]

يا حبيبي كانـك ملـزّم .. ورايـح رايـح
لا تجاملني .. ومزّق صورتي .. واحرقهـا
هي كذا الاطلال .. تبقى في عيون السايح
والا انا بروح سامح .. وان رجعت احلقها!
.

[سعد بن عادي]

"
حبيبي قام يغمرني من الاشـواق و الاشعـار
وانا احبّ اشتياقه و اعشق غناه و مواويلـه
اقول استر عليـه ولا تضـرّه و الله الستّـار
واسجّل عنده اعجابي و اردّ البيـت و آشيلـه
ليا منّه بدعها قلت سلّم لـي علـى الشعّـار
بعد بكره ينـال المركـز الاوّل علـى جيلـه
اخذني في الغرام اسير عقب اطلق عليّ النّـار
وخلاّني تحت حكمه طـوال اليـوم و الليلـه
وانا راضي بحكم اصويحبي لو صار مهما صار
أبادله الغلا من زود حبّـي و احترامـي لـه

[سعد بن عادي]

الوفا في الحب مثـل الأمانـه فـي الرقـاب
ملتزم فيها ( سنافي ) .. وخاينها ( ردي ) !!

[سعد بن عادي]

احيان ياقوّ صبري لو يضيـق الطريـق
واحيان لا الصبـر ينفعنـي ولا قوّتـي
اشد ماحـز فالخاطـر طعـون الرفيـق
اللي ماهو كفـو تقديـري ولا خوّتـي
لكنها .. تجربه والعمر وجهـه طليـق
اخسر ملايين قبل .. استصغر .. مروّتي

[سعد بن عادي]

صديقك إنْ ما صار خصمك ليا أذنبت !
عدّه عدوّك ، لا تعدّه صديقك !

[سعد بن عادي]

قالوا القناعه كنز لايفنا وانا ...حالـي فنـا
لو اقتنع كسرى بملكه ما اقتنعت بما خذيـت
اتعبت نفسي في هوى العليا وطاولت... العنا
ولا لقيت اللي يكفينـي ولا منـه اكتفيـت

[سعد بن عادي]

يسقيك يا ماضي عروبتنا من حقوق الخيال
حاضرك يهدي لك سلامه و النواظر تهملي

[سعد بن عادي]

خـلاص قصّـر علومـك لا تعلّمـنـي
يا ما أقصر الليل وعلومك يا ما أطولها !

تصبح على خير وإليـا قمـت كلّمنـي
وأقول لك عطني علومك مـن أوّلهـا !